San Juan 2

1Ka'chaumucujña pa'isirʉmʉna Galilea cheja cajoopo Caná vʉ'ejoopona pãiʉji romioni vejakʉna fiesta cho'osinaa'me pãi. Jesús pʉka'ko repanare ja'me pa'isi'koa'mo. 2Sotena chʉkʉna Jesús neena repaʉna'me saisinaa'me. 3Fiesta cho'orʉmʉna pĩsi ʉche conopi si'asõʉna Jesús pʉka'ko repaʉ'te ija'che i'kasi'koa'mo: —Pĩsi ʉche cono si'asõmʉ —chiisi'koa'mo repao. 4Chikona Jesús i'kasi'kʉa'mʉ. —Ja'ko, ¿je'se pa'iʉna chʉ'ʉni kʉako mʉ'ʉ? Chʉ'ʉ masiche cho'o ñorʉmʉ chuta'a tĩ'ama'mʉ —chiisi'kʉa'mʉ repaʉ. 5Chikʉna pĩsi ʉche cono ũkuanare i'kasi'koa'mo repao. —Chʉ'ʉ neekʉ chʉ̃'ʉñe peore cho'ojʉ̃'ʉ —chiisi'koa'mo repao. 6Repana nʉkacheja kueñere churupʉã catapi cho'osipʉã seirepapʉã pa'isi'kʉa'mʉ. (Judíopãi cu'a tʉnorʉmʉ ũcuapʉãqueepi oko jʉ̃jña masi choasinaa'me. Te'epʉ cincuenta litros chekʉrʉmʉ setenta litrojatʉ'ka oko ro've paaasome repana.) 7Reparʉmʉ Jesús pĩsi ʉche cono ũkuanare ija'che i'kasi'kʉa'mʉ: —Ipʉã oko ro've timujʉ̃'ʉ —chiisi'kʉa'mʉ repaʉ. Chikʉna repapʉã oko ro've timusinaa'me repana. 8Reparʉmʉ Jesús repanare jo'e i'kasi'kʉa'mʉ. —Chura jmara'karʉ ea sa fiesta chʉ̃'ʉkʉni ũkuajʉ̃'ʉ —chiisi'kʉa'mʉ repaʉ repanare. Chikʉna repaʉ chʉ̃'ʉsi'e cho'osinaa'me repana. 9Sa ĩsirena fiesta chʉ̃'ʉkʉji charo ũku ñasi'kʉa'mʉ okopi pĩsi ʉche cono carũhisi'e. Jã'ata'ni repaʉ repana ea rasicheja vesʉsi'kʉa'mʉ. Repaʉ'te cho'oche cho'okainata'ni masisinaa'me easinajejʉ. Ũku pi'ni fiesta chʉ̃'ʉkʉ romi vejasi'kʉre soni i'kasi'kʉa'mʉ. —Pãi chekʉna fiesta cho'oni pĩsi ʉche cono na'a rʉa re'oja'chere charo ũkuanaa'me. Repana soicojñosina rʉa ũkusirʉmʉna pĩsi ʉche cono na'a jmamakarʉ re'oja'chere ũkuame. Mʉ'ʉta'ni cho'jepi pĩsi ʉche cono rʉa re'oja'chere ũkuamʉ mʉ'ʉ soisinare —chiisi'kʉa'mʉ repaʉ. 11Charo Galilea cheja cajoopo Caná vʉ'ejoopona Diochi'a cho'omasiche'te cho'osi'kʉa'mʉ Jesús, repaʉ aperʉmʉ cho'omanesi'e. Repaʉ masiche'te pãire cho'o ñoʉna chʉkʉna repaʉ neena na'a rʉa cuasasinaa'me repaʉ'te. 12Jã'a cho'o pi'nisirʉmʉ Capernaum vʉ'ejoopona saisi'kʉa'mʉ repaʉ Jesús, pʉka'kona'me cho'jechĩina'me chʉkʉna repaʉ neena. Sani tĩ'a jmamakarʉ pa'isinaa'me chʉkʉna. 13Pascua, judíopãi fiestarʉmʉ tĩ'api'rakʉna Jesús Jerusalén vʉ'ejoopona maisi'kʉa'mʉ. 14Mani Dios vʉ'e kaka ñato pãi jo'chava'nare vacana'me ovejana'me ũkupova'nare ĩsijʉ pa'isinaa'me. Ũcuachi'a chekʉna so'ña raisinani kuri tĩikurire sa'ñekaijʉ ñu'isinaa'me na'a rʉa jñaañu chini. 15Jã'aja'ñe cho'ojʉna ña Jesús pĩsipi ʉjame vãto pi'ni peochejñana suĩ'suekʉ etosi'kʉa'mʉ repanare pãina'me ovejana'me vaca. Ũcuachi'a kuri sa'ñena nee kurire're kʉni to'jñosõ mesako'ña sia po'ne ũhasi'kʉa'mʉ repaʉ. 16Jã'aja'ñe cho'o pi'ni ũkupova'nare ĩsinare ija'che i'kasi'kʉa'mʉ repaʉ: —Mʉsanʉkona neemajñarʉã etuajʉ̃'ʉ. Põse ĩsivʉ'e cho'ocheja'che cho'omanejʉ̃'ʉ chʉ'ʉ Ja'kʉ vʉ'e —chiisi'kʉa'mʉ repaʉ. 17Jã'aja'ñe i'kaʉna asa chʉkʉna repaʉ neena Dios chʉ'o tocha jo'kasi'ere cuasasinaa'me. Ija'che kʉamʉ repa: Mʉ'ʉ vʉ'e kuiraneekʉjekʉna cu'ache ti'jñeja'mʉ chʉ'ʉre, chiimʉ repa tocha jo'kasi'e. 18Ũcuarʉmʉ Jesús cho'osi'ere ña judíopãi chʉ̃'ʉna ija'che sẽesinaa'me repaʉ'te: —¿Neepi chʉ̃'ʉ raorena Dios vʉ'e pa'isinare etoʉ mʉ'ʉ? Dios Raosi'kʉ pani Diochi'a cho'omasiche'te cho'o ñojʉ̃'ʉ chʉkʉna'te —chiisinaa'me repana repaʉ'te. 19Chitena Jesús i'kasi'kʉa'mʉ. —Ivʉ'ere mʉsanʉkonapi ñañosõru choteumucujña jo'e cho'o pi'nija'mʉ chʉ'ʉ —chiisi'kʉa'mʉ repaʉ. 20Chikʉna judíopãi i'kasinaa'me repaʉ'te. —Cuarenta y seirepaʉ̃sʉrʉmʉ cho'ojʉ paniasome pãi ivʉ'e pi'niñetʉ'ka. Jã'arepakeerʉmʉ cho'osivʉ'e, ¿je'se cho'okʉ choteumucujñachi'a cho'oja'ʉ mʉ'ʉ? —chiisinaa'me repana repaʉ'te. 21Jã'ata'ni Dios vʉ'e cho'oche'te i'kamanesi'kʉa'mʉ Jesús. Repaʉ ca'nivʉ'te i'kasi'kʉa'mʉ repaʉ. 22Na'a pa'isirʉmʉ repaʉ Jesús jũni vajʉraisirʉmʉ repaʉ i'kasi'ere jo'e cuasasinaa'me chʉkʉna repaʉ neena. Cuasajʉ, “Dios chʉ'o tocha jo'kasi'ena'me Jesús i'kasi'e ũcuarepaa'me”, chiisinaa'me chʉkʉna. 23Pascuarʉmʉjekʉna Jesús Jerusalén vʉ'ejoopo'te pa'iʉ Diochi'a cho'omasiche'te cho'o ñokʉna ña pãi jainʉko cuasaasome repaʉ'te, “Dios Raosi'kʉa'mʉ ikʉ”, chini. 24Jã'ata'ni pãi ũcuanʉko cuasache masikʉjekʉ sẽ'sevʉchi'a cuasana i'kache jachaasomʉ repaʉ. 25Pãi cuasache kʉanare ku'ema'kʉa'mʉ repaʉ, pãi ũcuanʉko cuasache masikʉjekʉ.

will be added

X\