1 Timoteo 3

1Ie chʉ'o ũcuarepaa'me: Pãiʉ ũcuaʉakʉji Jesure cuasakuanupʉ chʉ̃'ʉkʉ pasa chiito rʉa re'omʉ. 2Jã'ata'ni repanare chʉ̃'ʉkʉ re'oja'che pa'imasia'kʉ, pãipi repaʉni ñajʉ i'kamanea'jʉ chini. Rʉ̃jore ũcuate'eo'te paaa'kʉ. Masi cuasakʉ cu'are jʉvokʉ re'oja'che pa'iʉ pãi ña kʉkʉcojñokʉ paaʉ. Ũcuachi'a pãi so'ña rainare si'arʉmʉ tijña repaʉ vʉ'ena cuaa kuirakʉ ãu ãukʉ kãiñejatʉ'ka jo'kakʉ paaʉ. Ũcuachi'a Dios chʉ'o che'chomasikʉ paaʉ. 3Conore jũ'iʉ cavakʉ pa'imanea'kʉ. Pe'kerʉ pa'iʉ ke'rema'ñe, kurineekʉ pa'imanea'kʉ. 4Repaʉ vʉ'e pa'inare masi paaa'kʉ. Ũcuachi'a mamachĩi repaʉ'te ña kʉkʉjʉ repaʉ chʉ̃'ʉñe jachama'ñe cho'onare paaa'kʉ. 5Pãiʉ repaʉ vʉ'e pa'inare chʉ̃'ʉvesʉkʉ Diore cuasakuanupʉ, ¿je'se chʉ̃'ʉja'ʉ? 6Ũcuachi'a Jesure cuasanare chʉ̃'ʉjaʉ Repaʉ'te apecuasakʉ jovosi'kʉpi pa'imanea'kʉ, chekʉrʉmʉ repaʉ pa'iche'te rʉarepa meñe cuasakʉ pojokʉ vati ai ti'jñecojñosi'eja'che ti'jñecojñokʉ. 7Ũcuachi'a Jesure cuasamana ña kʉkʉ re'oja'che cutucojñokʉ paaʉ, pãipi repaʉni ke'rejʉna sãiñe pe'rukʉ vatini cacʉ'ocojñokʉ. 8Repakuanupʉã chʉ̃'ʉnare cho'okaina ũcuachi'a pãi chekʉna ña, vajʉchʉcojñona paapʉ. Repana i'kache chʉ'o jmamakarʉjẽ'e jorema'ñe paapʉ. Cononeema'ñe paapʉ. Ũcuachi'a jorejʉ kuri kooñu chiimana paapʉ. 9Dios chʉ'o mai cuasache ũcuarepare cuhasoma'ñe cuasajʉ paapʉ. Cu'ache cho'omanajejʉ oima'ñe paapʉ. 10Repanare chʉ̃'ʉnare cho'okaiche jo'kara chini charo repana pa'iche'te rʉa jeerʉmʉ ñañe chiimʉ. Repanapi re'oja'che pa'ito jã'aja'ñe cho'oche jo'kare'omʉ repanare. 11Repana rʉ̃joromi ũcuaja'che chekʉnare cu'ache cutuma'ñe pe'kerʉ pa'ijʉ, cononeema'ñe pa'ijʉ, repana cho'oche peore masi cho'ojʉ, pãi chekʉnare ña kʉkʉcojñona paapʉ. 12Jesure cuasana chʉ̃'ʉnare cho'okaikʉ rʉ̃jore ũcuate'eo'te paaa'kʉ. Ũcuachi'a repaʉ mamachĩi re'oja'che masi chʉ̃'ʉkʉ repaʉ vʉ'e pa'inare ũcuanʉkore masi paaa'kʉ. 13Repana chʉ̃'ʉnare cho'okaina repana cho'oche chekʉnare masi kuirani rʉa ña kʉkʉcojñojanaa'me. Ũcuachi'a repana Jesure cuasache kʉavajʉchʉma'ñe chekʉnare kʉajanaa'me. 14Na'mi sani ñara chiimʉ chʉ'ʉ mʉ'ʉre. Jã'ata'ni chekʉrʉmʉ saicu'akʉna chʉ'ʉpi pesa saima'to mʉ'ʉpi masia'kʉ chini ija'ova utija'ova Dios neena pa'iche che'choche'te mʉ'ʉni chʉ'vakʉ tocha saomʉ chʉ'ʉ, mʉ'ʉpi repacheja pa'inani che'choa'kʉ chini. Repana Diore Si'arʉmʉ Pa'ikʉ'te cuasakuanupʉ Repaʉ chʉ'o chekʉnani kʉajʉ paapʉ chini Ũcuaʉji cho'okaiʉna asa cuasanaa'me. 16Diore ja'me pa'ire'oche'te Repaʉ kʉamanesi'ere churana Ũcuaʉji kʉaʉna mai asa chẽa cuasachʉ'o ũcuarepajekʉ rʉa re'oja'imʉ. Ija'che cuasanaa'me mai: Icheja chejare pãi ca'nivʉ paakʉ rani paniasomʉ Cristo. Dios Rekochoji cho'okaiʉna Repaʉ cu'achejẽ'e cho'oma'ñe pa'iche ñaasome pãi. Angeles ũcuachi'a Repaʉ cho'oche ñajʉ paniasome. Repaʉ pa'iche si'avãjʉpãire kʉakaisi'ejekʉna pãi si'achejña pa'ina cuasame Repaʉ'te. Cheja pani pi'ni Dios pa'ichejana cʉnaʉmʉna jo'e mʉnisoasomʉ Repaʉ.

will be added

X\