SALMOS 70

1Ach in Diosal, ul colineli. Mamin Jehová, cotan̈ elan̈chamel yic tzin a colani. 2A eb' snib'an in smilanchamoc, q'uixvocab' el eb', somchajocab' el eb'. A eb' sgana yac'an chucal d'ayin, b'atocab' eb' elelal yuj q'uixvelal. 3A eb' tzin b'uchani, aton eb' tz'el stzub' d'ayin, b'atocab' eb' elelal yuj q'uixvelal. 4Axo masanil eb' syaq'uem sb'a d'ayach, tzalajocab' sc'ol eb'. A eb' snib'an a colval, yalocab' eb' to te nivan elc'ochi. 5A in pax tic jun, ilb'aj in c'ool, cusc'olal vaji. Axo svalani: Ach in Diosal, cotan̈ d'a elan̈chamel yic tzin a colani. A achn̈ej tzin a coltaxoni. Cotan̈ d'a elan̈chamel, Mamin Jehová, xin chi.

will be added

X\