SALMOS 137

1A d'a sti' a a' d'a yol yic Babilonia, on̈ em c'ojan ayic ix co naancot Sion, ix on̈ oc' b'ian. 2Ix cac'q'ue locan te' arpa d'a sc'ab' te' tac'u ay d'a sti' a a' chi'. 3A eb' ix on̈ ic'anb'at icha d'a preso, ix b'uchvaj eb' d'ayon̈, ix yalan eb' icha tic: B'itanan̈ec d'a tzalajc'olal, a sb'ital Sion tze b'itej d'ayon̈, xchi eb'. 4¿Tom ol co b'itej b'it yic Jehová d'a lum ch'oc chon̈ab'il? xco chi. 5Tato sb'at satc'olal Jerusalén vuuj, satocab' sjelanil in vach' c'ab' tic in chalan te' varpa. 6Tato man̈xo naanoc Jerusalén vuuj, tato man̈xa pax in gana d'ay d'a yichan̈ pax tas snib'ej in c'ool, canocab' lotznaj vac' d'a in joom, yic vach' man̈xo ol yal-laj in b'itani. 7Mamin Jehová, nacot eb' aj Edom, yujto ayic ix yamchaj chon̈ab' Jerusalén, ix yal eb' icha tic: Pojequemi, pojequemi, masanto scheclaj cimientoal yich, xchi eb'. 8Ex aj Babilonia, ol ex satpaxeloc. Te vach' yic mach ol ac'anec' spac chucal tas ix on̈ eyutej. 9Te vach' yic mach ol yaman eb' eyuninal, ol smac'anpoj sjolom eb' d'a spatictac q'uen q'ueen.

will be added

X\