San Mateo 8

1Y tak re Jes'us xka-yam-pa pa rue' re loma, re vinak re je'binak chij camas je q'uiy. 2Y c'o jun ache xapon riq'uin re Jes'us, y re ache re' niyavaj y ja re yabil rubini'an lepra c'o chij, reja' xbexuque' chach y xubij cha: Ajaf, yen ntaman che rat yatiquir yinac'achojsaj cha re nuyabil, pero man ntaman-ta andex nanojij pa nue'. 3Y re Jes'us can jare' xutz'am-apo re ache niyavaj y xubij cha: Ninjo' che yac'achoj. Tiq'uis-a re yabil re' chavij. Y can xe xubij quire' re Jes'us, can jare' xq'uis-a re lepra chij re ache. 4C'are' re Jes'us xubij cha re ache re', che man tatzijoj chique re vinak che xac'achoj, vocame choj cabiyin pa rachoch re Dios chin ta'c'utu-avi' chach re sacerdote, y can taya' re ofrenda re nubij re rutz'iban can re Mois'es, y re rutz'iban can re Mois'es nubij re nic'atzin re naya' cha re Dios. Chin quire' niquitamaj che yat ch'ajch'oj chic, xcho'x-a. 5Y tak re Jes'us c'o chic pa tenemit Capernaum, c'o jun ache xapon riq'uin. Y re ache re' jun capit'an y xuc'utuj jun utzil cha. 6Y re capit'an ja quire' xubij: Ajaf, c'o jun nusamajel niyavaj, siquirnak ru-cuerpo, y camas banayon roma can rukasan chuch'at y can nuquimisaj ruk'axon re yabil ruc'alvachin. Reja' pa vachoch c'o-va. 7C'are' re Jes'us xubij cha re capit'an: Jo' y xtinc'achojsaj re ache niyavaj. 8Y xpa re capit'an xubij cha re Jes'us: Ajaf, yen xa yin jun ache aj-mac y mare' can man ruc'amon-ta che rat yatoc pa vachoch. Xaxe tabij che nic'achoj y xtic'achoj re nusamajel. 9Yen can ntaman-va che quire' xtibanataj, roma ancha'l nbanon yen can c'o jun re nibano mandar pa nue'. Y chuka' jec'o soldados je'yi'on pa nuk'a' chin nimban mandar pa quive'. Tak nimban mandar pa rue' jun soldado re jec'o pa nuk'a' che tiba, can nibo-va, y tak nimban chic mandar pa rue' jun chique re soldados re jec'o pa nuk'a' che tipa, can nipo-va. Y tak nimban mandar pa rue' re nu-mozo che tubana' jun cosa, can nuban-va, ja nojel re' xubij re capit'an cha re Jes'us. 10Y tak xuc'axaj quire' re Jes'us, can anchique-la xuna' y xubij chique re je'tzakatal chij: Can katzij nimbij chiva che re jun ache re', can katzij rubanon confiar-ri' viq'uin. Y man jun chique re nuvinak israelita re nvilon re can rubanon-ta confiar-ri' viq'uin, ancha'l re jun ache re'. 11Y yen nimbij chiva che camas je q'uiy vinak xque'pa pan oriente y quire' chuka' xtiquiban re xque'pa pan occidente, y re vinak re' can quibanon confiar-qui' viq'uin. Reje' xque'tz'uye' riq'uin re Abraham, re Isaac, re Jacob y re nic'aj chic re can jec'o chic pa ruk'a' re Dios. 12Jac'a re vinak re can banon chique che xque'oc pa ruk'a' re Dios, xa man chic xque'oc-ta, xa xque'lisas can y xque'ch'akex chupan re lugar camas k'oko'm, roma can man xquiban-ta confiar-qui' viq'uin. Y c'aja chire' c'a xtipo-va re ok'ej chiquivach y xtiquikach'ach'ej rocay roma xe'lisas can. 13C'are' re Jes'us xubij-a cha re capit'an: Catzolaj cha'vachoch. Roma xanimaj che yen yintiquir ninc'achojsaj re asamajel, can xtibanataj re xarayij, xcha-a cha. Y can jare' xc'achoj re ru-mozo re capit'an cha re ruyabil. 14Y tak re Jes'us xapon pa rachoch re ru-disc'ipulo rubini'an Pedro, xutz'at che re rujete' kejnak chuch'at roma jun namalaj c'atan tz'amayon richin. 15Xpa reja' xutz'am chuk'a' re ixok y can jare' xc'achoj-a. Re ixok re' xbeyacataj-pa y xutz'am ruyi'ic quivay re Jes'us y re je'binak chij. 16Y tak xk'ok'a-ka chupan re k'ij re', camas je q'uiy vinak re xe'c'uax-apo chach re Jes'us re c'o itzel tak esp'iritu quiq'uin, chin che re Jes'us ye'rulisaj-ta-a re itzel tak esp'iritu re c'o quiq'uin. Y reja' xubij chique re itzel tak esp'iritu che que'el-a, y can xe'ruc'achojsaj-a chuka' conojel re ye'yavaj. 17Chin quire' can nibanataj re rubin can re Isa'ias, re jun rusamajel re Dios re xc'ue' ajuer can, re xbex profeta cha. Re Isa'ias ja quire' rubin can chij re Jes'us: Konojel xe'rulisaj-a re kayabilal, y ja reja' re xc'uan ronojel kak'axomal. Quire' rubin can re Isa'ias. 18Y tak re Jes'us xutz'at che camas je q'uiy vinak niquimol-apo-qui' chiquij, jare' tak reja' xubij chique re ru-disc'ipulos che tiquic'ama-pa jun canoa roma can nic'atzin che yojba c'a juc'an-apo ruchi-ya'. 19Y c'o c'a jun ache re atamayon re ley kachin yoj re yoj israelitas re xapon-apo riq'uin re Jes'us y xubij cha: Rat can yat jun Maestro, y yen ninjo' yatintzekelbej xabanche' xcabo-va. 20Xpa re Jes'us xubij cha re ache re': Re utif can c'o quijul anche' ye'c'ue-va, y quire' chuka' re ch'utak chicop c'o quixic' re ye'ba pa cak'ik', can c'o chuka' quisoc. Jac'a yen re xinalax chi'icojol, manak anche' yinc'ue-va. 21Can ja chuka' re' tak jun chic re can tzekelbey-va chin re Jes'us, xubij-apo cha: Ajaf, yen ninjo' yimba chavij. Pero nabey taya' k'ij chua che c'a timuku-na-a re nata', c'are' xquimba chic chavij. 22Pero re Jes'us xubij cha re ache re': Rat catzake' chuij, re vinak ye'com que'muk coma re vinak re can je quiminak chupan re quimac. 23Re Jes'us xoc-a pa jun canoa, y can je'binak chuka' re ru-disc'ipulos chij. 24Y chak c'ata' xpa jun cak'ik' re camas ruchuk'a' y nuban cha re ya' che camas nisilon y can nubolk'otela-ri' y camas naj niba chicaj. Y can nuban che re canoa che niba chuxe' ya'. Y re Jes'us nivar chupan re canoa. 25Y c'are' re disc'ipulos xquic'asoj re Jes'us y xquibij cha: !!Ajaf! !!Ajaf! kojato'. Vocame yojcom, xe'cha' cha. 26Xpa re Jes'us xubij chique re ru-disc'ipulos: Can man ibanon-ta confiar-ivi' viq'uin, ??anchique roma tak camas ixibin-ivi'? Y c'are' xbeyacataj-pa y xubij, che tiq'uis-a re cak'ik' y titane-ka re nubolk'otela-ri' re ya'. Y quire' xbanataj. Re cak'ik' xq'uis-a y chuka' re ya' xtane-ka. 27Y re disc'ipulos xsatz quic'o'x tak xquitz'at re xuban re Jes'us y niquibila' chiquivach: ??Anchique como che ache re'? Roma re cak'ik' y re ya' can niquinimaj chuka' rutzij. 28Y tak re Jes'us y re ru-disc'ipulos xe'bapon-yan-apo c'a juc'an chic re ruchi-ya', re anche' c'o-va re jun lugar rubini'an Gadara, jec'o je ca'e' achi'a' xe'bapon riq'uin re Jes'us. Re je ca'e' achi'a' re' c'o itzel tak esp'iritu quiq'uin y ja re camposanto chin re lugar re' re aconak cachoch. Man jun vinak nitiquir quiq'uin roma camas quichuk'a' y mare' man chic jun vinak nak'ax chupan re bey re'. 29Re je ca'e' achi'a' re', re c'o itzel tak esp'iritu quiq'uin, can cof xe'ch'o-apo cha re Jes'us, y xquibij: Rat Jes'us re Ruc'ajol re Dios, ??anchique roma tak yojanak? ??Anchique roma can yojach'ujersaj-yan, tak xa c'amaje-na tapon re tiempo? xe'cha'. 30Y nakaj-apo ba', camas je q'uiy ak ye'va'. 31Y re itzel tak esp'iritu re jec'o quiq'uin re je ca'e' achi'a' re' xquic'utuj utzil cha re Jes'us. Y xquibij cha: Vo xa yojalisaj-a vova' quiq'uin re achi'a' re', taya' k'ij chaka chin che yoje'oc chiquipan la ak jec'o chila', xe'cha'. 32Y re Jes'us xubij chique: Otz quixbiyin, xcha' chique. Y re itzel tak esp'iritu can jare' xe'el-a quiq'uin re je ca'e' achi'a' re' y xe'be'oc chiquipan re ak. Y conojel re ak re' xquitz'am anin chach pe~na y c'a pa ya' xe'beka-va. Y conojel re ak re' xe'jik' y xe'com pa ya'. 33Y re ye'chajin quichin re ak xe xquitz'at can quire', xe'numaj y xe'ba pa tenemit, chin xbequiya' rutzijol re andex xquic'alvachij re ak y xbequibij chuka' re xbanataj quiq'uin re je ca'e' achi'a' re c'o itzel tak esp'iritu quiq'uin. 34Y tak xquic'axaj re vinak re xbebex chique, xa can bama conojel re jec'o chupan re tenemit re' xe'pa chutz'etic re Jes'us, y chuka' chin xquic'utuj utzil cha re Jes'us che tel-a chire' chupan re qui-lugar, roma reje' man niquijo-ta che nic'ue-ka chire' quiq'uin.

will be added

X\