San Mateo 21

1Re Jes'us y yoj re yoj ru-disc'ipulos, y re nic'aj chic vinak je'binak kaq'uin, nakaj chic c'a yojc'o-va-apo cha re tenemit Jerusal'en. Chire' chic c'a pa Betfag'e yojc'o-va, re aldea re' chach re loma rubini'an Olivos c'o-va-apo. Y xpa re Jes'us xe'rutak-a je ca'e' chaka yoj re yoj ru-disc'ipulos. 2Reja' xubij-a chique: Quixbiyin-apo chupan la aldea la nitz'at-apo chila', y can xe xquixoc-apo, jare' xtivel jun alaj burro c'o riq'uin re rute'. Tisolo-pa re te'ej y que'c'ama-pa che je ca'e' chua. 3Y vo xa c'o jun xtibim-pa chiva anchique roma ye'sol-a re chicop, tibij c'a can cha: Ndoc cha re Ajaf, pero cha'nin xque'bo'rya' chic can, xe'cho'x-a re je ca'e' disc'ipulos roma re Jes'us. 4Y riq'uin re' can xbanataj ancha'l re tz'iban can roma re jun rusamajel re Dios re xc'ue' ajuer can, re xbex profeta cha. Re rutz'iban can reja', ja quire' nubij: 5Tiya' c'a rutzijol chique re je richin chic re tenemit rubini'an Sion, che re qui-Rey ja re pitinak. Re qui-Rey can ch'o'l-va c'a r'anma. Y reja' ch'ocol-pa chij jun alaj burro. Re alaj burro ral jun chicop chin ejka'n. Quire' nubij re tz'iban can. 6Y re je ca'e' disc'ipulos xe'ba, y can xquiban-va re bin-a chique roma re Jes'us. 7Xquic'am-pa re alaj burro y re te'ej cha re Jes'us. C'are' yoj re yoj ru-disc'ipulos xkaya-a re kak'u' chiquij re je ca'e' chicop re', chin che re Jes'us xch'oque-a. 8Y camas-va je q'uiy re vinak re je'binak chij re Jes'us. Y can bama conojel chique reje' re xquiriq'uila' quik'u' pa rubey re Jes'us chin che niquiya' ruk'ij. Y nic'aj chic chin che niquiya' chuka' ruk'ij re Jes'us xe'bequic'amala-pa ruk'a' tak che' chin niquivak pa rubey. Y quire' c'a niquibanala' je nabey chach re Jes'us. 9Y re vinak re je nabey chach re Jes'us y re je xambay can, jun pa quichi' niquibij: !!Matiox che pitinak re rey-rumam can re Rey David! !!Reja' can banom-pa bendecir y pitinak pa rube' re Ajaf Dios! !!Matiox cha re Dios re c'o chila' chicaj! ye'cha'. 10Jac'a tak re Jes'us xoc-apo pa tenemit Jerusal'en, cha'nin xquimol-qui' re vinak chutz'etic. Y re vinak re' niquibila': ??Anchique c'a che ache re'? 11Pero jec'o xe'bin: Jare' re Jes'us, re rusamajel re Dios re nibex profeta cha. Reja' aj pa tenemit Nazaret, re c'o chire' pa Galilea, ye'cha'. 12Y tak re Jes'us xoc-apo pa rachoch re Dios re c'o pa tenemit Jerusal'en, xutz'at che can ancha'l q'uiybal quibanon re vinak cha, xe'rukotaj-pa conojel re vinak ye'c'ayin y re ye'lok'on. Y chique re vinak re ye'jalo rach mero xe'rutiquimila' can re qui-mesas. Y quire' chuka' xuban can chique re quich'acat re ye'c'ayin palomas. 13Re Jes'us xubij chique re vinak re': Chupan re ruch'abal re Dios tz'iban can, nubij che re vachoch, jay chin oraci'on. Jac'a yex xa ancha'l cachoch elek'oma' ibanon cha. 14Tak re Jes'us c'o pa rachoch re Dios, jec'o moyi' y jec'o chuka' cojos xe'bapon riq'uin chin che ye'ruc'achojsaj-a. Y reja' can xe'ruc'achojsaj-va-a. 15Pero re principal tak sacerdotes y re je'atamayon re ley kachin yoj re yoj israelitas xpa quiyoval, roma xquitz'at che camas q'uiy milagros ye'rubanala' re Jes'us, y roma chuka' re ac'ola' jun pa quichi' niquibila' chire' chach re rachoch re Dios: !!Matiox che xbeka re rey-rumam can re Rey David! ye'cha'. Y jare' xbano chique re principal tak sacerdotes y re je'atamayon re ley che xpa quiyoval. 16Mare' tak xquibij cha re Jes'us: ??Nac'axaj re ye'tajin chubixic re ac'ola'? Y re Jes'us xubij chique: Ja', ninc'axaj. Y yex ibanon leer re nubij chupan re ruch'abal re Dios che re can katzij ye'yi'o ruk'ij re Dios ja re ac'ola' y re ch'utak ac'ola' re c'a ye'tz'uman, xcha' re Jes'us chique re achi'a' re'. 17Xpa re Jes'us xe'ruya' can chire' re achi'a' re'. Reja' xel-a pa tenemit Jerusal'en y xba c'a pan aldea rubini'an Betania. C'a chire' c'a xbo-va chin xbexulan re jun ak'a' re', y chuka' yoj re yoj ru-disc'ipulos. 18Y namak'a' cha re ruca'n k'ij, tak yojbinak chin che yojtzolaj pa tenemit Jerusal'en, re Jes'us xpa ch'umunic rupan. 19Y tak yojbinak, reja' xutz'at jun che' rubini'an higuera tiquil chuchi-bey. Xba-apo chuxe' chin no'rcanoj-pa vo xa c'o rach, pero xa manak rach, xa rion ruxak. Jare' tak re Jes'us xubij cha re che': Can man jun bey chic xcavachin. Y re higuera re' can cha'nin xchakij-ka. 20Y tak yoj re yoj disc'ipulos xkatz'at che chake'j chic re higuera, xkabila' chakavach: ??Anchique roma che cha'nin xchakij-ka re higuera re'? 21Xpa re Jes'us xubij chaka: Can katzij nimbij chiva: Vo xa yex can niban confiar-ivi' riq'uin re Dios y man nibij-ta-ka pa tak iv'anma che xa man la'k nibanataj-ta re', can xquixtiquir niban quire' cha jun higuera. Y can c'o cosas re m'as je nima'k que chach re jun re' re yixtiquir niban. Yex yixtiquir nibij cha re loma re' che tel-a vova' y tak'ax chupan re mar, y can xtibanataj. 22Can ronojel-va c'a re nic'utuj cha re Dios riq'uin ronojel iv'anma, can xtic'ul-va. 23Y tak re Jes'us c'o chic pa rachoch re Dios y nuc'ut re ruch'abal re Dios chiquivach re vinak, re principal tak sacerdotes y re rejeta'k tak achi'a' re c'o quik'ij chakacojol yoj re yoj israelitas, xe'bapon-apo riq'uin re Jes'us y xquic'utuj cha: ??Anchique xyi'o autoridad pan ak'a' chin xa'kotaj-a re vinak xe'c'ayin pa rachoch re Dios? ??Y anchique chuka' xyi'o autoridad chava chin che q'uiy cosas ya'banala' chiquicojol re vinak? 24Xpa re Jes'us xubij chique: Yen c'o chuka' jun cosa ninjo' ninc'utuj chiva, y vo xa yex xtibij chua, yen chuka' xtimbij chiva anchique ya'yon autoridad pa nuk'a' chin ye'mbanala' re cosas re'. 25Y jare' tak re Jes'us xuc'utuj: ??Re Juan xtak-pa roma re Dios chin xe'ruban bautizar re vinak? ??O xa vinak xe'bin cha che quire' tubana'? Y re principal tak sacerdotes y re rejeta'k tak achi'a' re c'o quik'ij xquibila' c'a chiquivach: ??Y vocame andex c'a xtakabij cha re Jes'us? Roma vo xa xtakabij che re Juan ja re Dios takayom-pa richin, re Jes'us xtubij chaka che anchique roma tak man xinimaj-ta. 26Y vo xa xtakabij che xa vinak xe'bin cha re Juan che quire' tubana', can c'ayef nuban chaka yoj, roma re vinak xque'yacataj chakij. Roma conojel vinak je'atamayon che re Juan can jun rusamajel re Dios re xbex profeta cha, xe'cha-ka chiquivach. 27Y c'are' xquibij-apo cha re Jes'us: Yoj man kataman-ta. Y re Jes'us can jare' chuka' tak xubij chique re achi'a' re': Roma yex man xixtiquir-ta xibij chua, quire' chuka' yen man xtimbij-ta chiva anchique ya'yon autoridad chua chin ye'mbanala' qui tak re'. 28C'are' re Jes'us xubij chic chique re achi'a' re': ??Andex ninojij chij re jun ejemplo re'? C'o c'a jun ache jec'o je ca'e' ruc'ajol. Y xpa re tata'aj xba riq'uin re jun ruc'ajol nemalaxel chin xbo'rbij cha: Vocame, cabiyin pa samaj anche' katicon-va uva. 29Xpa re ruc'ajol re' xubij cha re rutota': Vocame man ninjo-ta yimba pa samaj. Pero despu'es can xbo-va pa samaj roma xuna' che man otz-ta xuban. 30Y re tata'aj xba chuka' riq'uin re jun chic ruc'ajol re chak'alaxel chin xbo'rbij cha, che tiba pa samaj. Y re ruc'ajol re' xubij cha: Ja pap'a, yimba. Pero re ruc'ajol re' xa man xba-ta pa samaj. 31Y c'are' re Jes'us xuc'utuj: ??Anchique che je ca'e' re xbano re nrajo' re tata'aj? Y re achi'a' re' xquibij: Re xbano re nrajo' re tata'aj ja re nemalaxel. Y re Jes'us xubij chique: Can katzij nimbij chiva che xa ja re molay tak impuestos y re ixoki' re man otz-ta quic'aslen, xa ja reje' re nabey ye'oc pa ruk'a' re Dios que chivach yex, roma reje' can nijalataj re quic'aslen. 32Re Juan Bautista tak xpa, xuc'ut jun bey choj chivach, jac'a yex man xinimaj-ta. Xaxe re molay tak impuestos y re ixoki' re man otz-ta quic'aslen, xaxe reje' re xe'niman. Jac'a yex, man riq'uin re' cama-va xjalataj-ta re ic'aslen chach re Dios y chuka' cama-va xinimaj-ta. 33Y tic'axaj-na-pa' re jun chic ejemplo re', xcha' re Jes'us chique re vinak: Xc'ue' jun tata'aj, y xpa reja' xutic uva chach re rujuyu' y c'are' xuban co'c chij. Xuban chuka' ancha'l jun ch'et pila pan ulef anche' niyitz'-va re uva, y xuban chuka' jun torre y pa rue' re torre xc'ue-va rachoch re nichajin chin re juyu'. C'are' xuya' can pa kajic chique je ca'e-oxe' achi'a', y reja' c'ac'anaj xbo-va. 34Y tak xapon re tiempo chin re cosecha, re rajaf re juyu' xutak jun ru-mozo, y c'are' xutak chic-a jun. Y can je q'uiy re mozos re xe'rutak-a chuc'amic re uva kajbal chin re juyu'. 35Pero re achi'a' kajoy tak ulef, xa man otz-ta quic'ulic xquiban chique re mozos je'takon-a roma re rajaf re juyu'. C'o nic'aj xe'quich'ay, jec'o xe'quiq'uiak cha aboj y jec'o xe'quiquimisaj. 36Y re rajaf re juyu' re jun chic bey re' m'as je q'uiy re mozos xe'rutakala-a. Pero re achi'a' kajoy tak ulef ja mismo re xquibanala-pa chique. 37Y pa ruq'uisibal re rajaf re juyu' xunojij y xubij: Re achi'a' kajoy tak ulef, tak xtiquitz'at che can ja re nuc'ajol xtapon quiq'uin, can xtiquinimaj-va, xcha-ka pa r'anma. 38Pero re achi'a' re je'kajayon re ulef, can xe xquitz'at che ja re ruc'ajol re rajaf re juyu' xapon, xquibila' chiquivach: Jare' re xtoc can rajaf ronojel re juyu' kakajon. ??Anchique roma man nakaquimisaj? Chin quire' pa kak'a' yoj nic'ue-va can re juyu'. 39Y can quire-va xquiban cha. Xquitz'am y c'are' xquilisaj-a chire' chupan re rujuyu' y xquiquimisaj. 40C'are' re Jes'us xubij: Tak xtipa re rajaf re juyu' tiquil uva chach, ??andex como xtuban chique re achi'a' kajoy tak ulef, ninojij yex? xcha' re Jes'us. 41Y re vinak xquibij: Re rajaf re juyu' man xtujoyovaj-ta quivach re itzel tak achi'a' kajoy tak ulef y can xque'ruquimisaj, y c'are' re rujuyu' xtuya' chic can pa kajic chique nic'aj chic achi'a' kajoy tak ulef, re can xtiquiya-va re uva kajbal chin re ulef tak napon re tiempo chin re cosecha, xe'cha'. 42Xpa re Jes'us xubij chique: Yex ibanon leer re jun ch'abal re tz'iban can chupan re ruch'abal re Dios. Re ch'abal re' nubij quire': C'o c'a jun aboj re man xka-ta chiquivach re banoy tak jay. Pero re aboj re' can xoc-va, roma re aboj re' xa can c'o-va xcusan richin, y ja aboj re' re tz'amayon chin re jay chin che man nitzak-ta. Roma can ja-va re Ajaf xbano re', y re inak'avach can man jun bey quitz'eton che quire-ta nibanataj. Quire' nubij chupan re ruch'abal re Dios re tz'iban can. 43Y roma re quire' je'banatajnak, yex man chic xquixc'ue-ta pa ruk'a' re Dios, xa ja re vinak re can xtivachin re quic'aslen xa ja reje' re xque'c'ue' pa ruk'a' re Dios. 44Y re vinak re xtitzak chach re jun aboj re' can xtic'ajer. Y re vinak re xtika re aboj re' chij, can xtuqui'ej jumul, xcha' re Jes'us. 45Y tak re principal tak sacerdotes y re achi'a' fariseos xquic'axaj re ejemplos re xe'rutzijoj re Jes'us, can xk'ax pa quive' che chiquij reje' xch'o-va-ka. 46Y can jare' tak reje' xquijo' xquitz'am-ta-a re Jes'us. Pero man xquitz'am-ta roma niquixibij-qui' chiquivach re vinak, roma chiquivach re vinak re Jes'us can jun rusamajel re Dios re nibex profeta cha.

will be added

X\