San Mateo 16

1Y jec'o achi'a' fariseos y jec'o chuka' achi'a' saduceos re xe'bapon riq'uin re Jes'us. Re achi'a' re' xe'bapon riq'uin xaxe chin che niquitojtobej, y xquibij cha che can tubana' jun se~nal chicaj chin quire' can nuc'ut che ja re Dios takayom-pa richin. 2Pero re Jes'us xubij chique re achi'a' re': Tak nik'ak'ij-ka yex nitz'at che quiak rubanon re nube chach re rocaj, y nibij che re k'ij chua'k can otz xtuban. 3Y chuka' re pa tak namak'a', tak yex nitz'at che re rocaj mukul y quiak chuka' rubanon re nube chicaj, nibij che re k'ij vocame man otz-ta xtuban. Yex xa ca'e' ipalaj, roma jabal itaman nitz'at re rocaj, y jabal itaman andex no'rbana' re tiempo vo xa otz o man otz-ta. Jac'a re se~nales re can ye'tz'at y can nubij anchique tiempo yojc'o-va, jare' can man yixtiquir-ta nitz'at. 4Yex re yixc'o chupan re tiempo vocame camas yix mal tak vinak y can man ninimaj-ta re Dios. Can nijo' nitz'at che yen nimban-ta jun se~nal chicaj chin quire' yininimaj. Pero mana-ta re nijo' yex re xtibanataj. Xa can xe re xbanataj riq'uin re jun ache xubini'aj Jon'as, re jun rusamajel re Dios xc'ue' ajuer can re xbex profeta cha, xaxe re se~nal re' re niya' chiva yex, xcha' re Jes'us y xba y chuka' yoj re yoj ru-disc'ipulos xojba chij, y reja' xe'ruya' can quion re achi'a' re'. 5Y tak re Jes'us y yoj re yoj ru-disc'ipulos xojapon c'a juc'an chic-apo ruchi-ya', c'ajare' tak xkanabej che xa manak vay kac'uan-a. 6Y jare' tak re Jes'us xubij chaka: Can tic'axaj re xtimbij chiva, che can tichajij-ivi' chach re levadura quichin re achi'a' fariseos y re achi'a' saduceos. 7Y roma quire' xubij re Jes'us, yoj xkabila' chakavach: Reja' quire' xubij roma manak kavay xkac'am-pa. 8Pero re Jes'us can xunabej re andex nakanojij, mare' xubij chaka: ??Anchique roma yex ninojij che roma manak vay xic'am-pa, mare' tak quire' ximbij? Yex man can-ta ibanon confiar-ivi' viq'uin y mare' xaxe re vay ninojij. 9Manak nic'atzin-va che xaxe re vay ninojij. Ancha'l xa c'amaje-na tak'ax pan ive'. Ancha'l xa man chic ne'ka-ta chi'c'o'x tak yen xinya' quivay re je vo'o' mil achi'a' riq'uin re vo'o' vay. Y ancha'l xa man chic ne'ka-ta chi'c'o'x re jenipa' chacach vay re xuban can sobra. 10Chuka' ancha'l xa man chic ne'ka-ta chi'c'o'x tak yen xinya' quivay re je caje' mil achi'a' riq'uin re vuku' vay. Chuka' chire' can xitamaj jenipa' chacach re xuban can sobra. 11??Andex-ta como jun chic rubixic nimban cha, chin quire' nak'ax-ta pan ive' che man roma-ta re vay re ximistaj can, tak yen quire' ximbij che yex tichajij-ivi' chach re levadura quichin re achi'a' fariseos y saduceos? xcha' re Jes'us. 12Y c'ajare' tak yoj re yoj ru-disc'ipulos xk'ax pa kave' che man chach-ta re levadura re niquicusaj riq'uin re xcana-vay re achi'a' fariseos y saduceos re nakachajij-va-ki', xa ja chach re ense~nanza re niquic'ut re achi'a' re', xa ja chach re' re takachajij-va-ki', roma re ense~nanza re' xa man je otz-ta. 13Y re Jes'us y chuka' yoj re yoj ru-disc'ipulos xojapon chupan re jun lugar re nakaj nicanaj-va cha re tenemit rubini'an Cesarea chin re Filipo. Xpa re Jes'us xuc'utuj chaka: ??Yin anchique c'a yen re xinalax chi'icojol niquinojij re vinak? xcha' chaka. 14Y yoj xkabij cha re Jes'us: Jec'o ye'bin che ja rat re Juan Bautista. Nic'aj chic niquibij che ja rat re El'ias, re jun rusamajel re Dios re xc'ue' ajuer can, re xbex profeta cha. Jec'o chuka' ye'bin che ja rat re Jerem'ias re jun chuka' rusamajel re Dios re xc'ue' ajuer can, reja' chuka' jun profeta. Y jec'o chuka' ye'bin che rat yat jun chique re rusamajela' re Dios re xe'c'ue' ajuer can, re xbex profetas chique. 15Y reja' xuc'utuj chaka yoj: Y yex, ??andex ninojij chuij? xcha' chaka. 16Y re Sim'on Pedro can jare' xubij cha re Jes'us: Ja rat re Cristo re Ruc'ajol re c'aslic Dios. 17Y can xe xuc'axaj quire' re Jes'us, can jare' tak xubij: Otz-abanoj rat Sim'on Pedro re yat ruc'ajol re jun ache rubini'an Jon'as, roma re xabij che ja yen re Cristo re Ruc'ajol re Dios. Re xabij man vinak-ta c'a xbin chava, xa can jac'a re Nata' Dios re c'o chila' chicaj re xbin chava che quire' xabij. 18Yen ninjo' nimbij chava rat: Yen nyi'on chic jun abe', mare' tak rat abini'an Pedro. Y nimbij chava che pa rue' re aboj re' xtimpoba-va re nu-iglesia. Y man xtich'acataj-ta roma re camic y re etzelal. 19Can chava-va rat xtinya-va re poder chin che naban chique re vinak che ye'oc pa ruk'a' re Dios, y re vinak man nrajo-ta ndoc pa ruk'a' re Dios can xtaban cha che man ndoc-ta. Can otz c'a xtitz'et chila' chicaj, tak rat xtatz'apij o xtajak jun bey chiquivach re vinak. 20Y re Jes'us can jare' xubij chaka yoj re yoj ru-disc'ipulos che man jun anchok cha takabij-va che ja reja' re Cristo. 21Y re Jes'us xutz'am rubixic chakavach yoj re yoj ru-disc'ipulos, che yen tiene que yimba pa tenemit Jerusal'en y camas q'uiy tijoj-pokonal xtink'asaj pa quik'a' re rejeta'k tak achi'a' re c'o quik'ij, pa quik'a' re principal tak sacerdotes y pa quik'a' chuka' re je'atamayon re ley kachin yoj re yoj israelitas. Can xquinquiquimisaj-va, pero pa rox k'ij xquinc'astaj-pa chiquicojol re anama'i', xcha' re Jes'us chaka. 22Y re Pedro can xe xuc'axaj quire', xba-apo riq'uin re Jes'us y xujich'aj-a ba' y cof xch'o cha. Y xubij cha: Can man tujovaj re Dios che quire-ta nibanataj ancha'l re xabij rat Ajaf. 23Pero tak re Jes'us xuc'axaj che quire' xubij re Pedro, xuposcolij-ri'. Y c'are' xubij cha: Catel-a viq'uin rat Satan'as, roma man otz-ta re nanojij. Rat xa nak'at re nubey. Roma re anojebal xa can junan quiq'uin re quinojebal re vinak y man nanojij-ta ba' andex re nrajo' re Dios. 24Y c'are' re Jes'us xch'o chaka konojel yoj re yoj ru-disc'ipulos y xubij: Vo xa c'o jun nrajo' yinrutzekelbej, can tubana' ancha'l jun re binak chuxe' ru-cruz. Man tuban re nurayij reja'. Man tupokonaj nuk'asaj tijoj-pokonal. Vo xa c'o jun re ninojin quire', otz che nipa viq'uin chin yinrutzekelbej. 25Roma vo xa camas nupokonaj re ruc'aslen vova' chach re ruch'ulef, xa man xtuvel-ta ruc'aslen re man niq'uis-ta. Jac'a re man nupokonaj-ta re ruc'aslen, astapa' xtiquimisas nutzij yen, jare' s'i can xtuvel-va ruc'aslen re man niq'uis-ta. 26Roma man jun cosa otz nuc'am-pa cha re vinak, xe-ta nic'ue' ronojel re biyomal chin re ruch'ulef riq'uin, y re vinak re' xa man nicolotaj-ta. Astapa' camas biyomal c'o riq'uin re vinak, pero man nitiquir-ta nulok' re c'aslen re man niq'uis-ta. 27Roma yen re xinalax chi'icojol can xquimpa chic jun bey, y can junan chic nuk'ij riq'uin re Nata' y je vichibil-pa re nu-'angeles. Y c'ajare' tak xtinya' rajal-ruq'uixel chique conojel, roma re quibanabal re xe'quibanala'. 28Y can katzij re nimbij chiva, che yen re xinalax chi'icojol can xquimpo-va riq'uin nuk'ij y c'o autoridad pa nuk'a'. Y jec'o chiva yex re can man xque'com-ta, xa c'aja tak yinquitz'eton chic can che yinka-pa chila' chicaj, xa c'ajare' tak xque'com, xcha' re Jes'us.

will be added

X\