San Mateo 1

1Re jun libro re nitiquir-a vova', jun libro re anche' tz'iban-va can re quibe' re rate't-rumoma' re Jesucristo. Can k'alaj che reja' rey-rumam can re Rey David, y rey-rumam can chuka' re Abraham. 2Ja re Abraham jare' re rutota' re Isaac; re Isaac jare' re rutota' re Jacob; re Jacob jare' re rutota' re Jud'a y chuka' re nic'aj chic ruch'alal re Jud'a. 3Y re Jud'a jare' re quirta' re Fares y re Zara, y re quite' re je ca'e' ac'ola' re' ja re ixok xubini'aj Tamar; y re Fares jare' re rutota' re Esrom; y re Esrom jare' re rutota' re Aram. 4Y re Aram jare' re rutota' re Aminadab; re Aminadab jare' re rutota' re Naas'on; y re Naas'on jare' re rutota' re Salm'on. 5Y re Salm'on xoc ruchijil re ixok xubini'aj Rahab, y re Rahab y re Salm'on xc'ue' jun cajc'ual xubini'aj Booz; y re Booz xoc ruchijil re ixok xubini'aj Rut, y reje' xc'ue' jun cajc'ual xubini'aj Obed; y re Obed jare' re rutota' re Isa'i. 6Y re Isa'i jare' re rutota' re Rey David; y re Rey David jare' re rutota' re Salom'on, y re rute' re Salom'on ja re ixok xubini'aj Betsab'e re ruxayil can re Ur'ias. 7Re Salom'on jare' re rutota' re Roboam; re Roboam jare' re rutota' re Ab'ias; y re Ab'ias jare' re rutota' re Asa. 8Y re Asa jare' re rutota' re Josafat; re Josafat jare' re rutota' re Joram; y re Joram jare' re rutota' re Uz'ias. 9Y re Uz'ias jare' re rutota' re Jotam; re Jotam jare' re rutota' re Acaz; y re Acaz jare' re rutota' re Ezequ'ias. 10Y re Ezequ'ias jare' re rutota' re Manas'es; re Manas'es jare' re rutota' re Am'on; y re Am'on jare' re rutota' re Jos'ias. 11Y re Jos'ias jare' re rutota' re Jecon'ias y quirta' chuka' re nic'aj chic ruch'alal re Jecon'ias. Y ja chupan re tiempo re' tak re kavinak yoj re yoj israelitas re xe'c'ue' ajuer can, xban chique che xe'bec'ue' chupan re naci'on Babilonia, roma xe'ch'acataj pa quik'a' re ej'ercito chin re Babilonia. 12Y tak jec'o chic pa Babilonia, re Jecon'ias xc'ue' jun rajc'ual xubini'aj Salatiel; y re Salatiel xc'ue' jun rajc'ual xubini'aj Zorobabel. 13Y re Zorobabel xc'ue' jun rajc'ual xubini'aj Abiud; re Abiud xc'ue' jun rajc'ual xubini'aj Eliaquim; y re Eliaquim xc'ue' jun rajc'ual xubini'aj Azor. 14Y re Azor xc'ue' jun rajc'ual xubini'aj Sadoc; re Sadoc xc'ue' jun rajc'ual xubini'aj Aquim; y re Aquim xc'ue' jun rajc'ual xubini'aj Eliud. 15Y re Eliud xc'ue' jun rajc'ual xubini'aj Eleazar; y re Eleazar xc'ue' jun rajc'ual xubini'aj Mat'an; y re Mat'an xc'ue' jun rajc'ual xubini'aj Jacob. 16Y re Jacob xc'ue' jun rajc'ual xubini'aj Jos'e, y ja Jos'e re' re xoc ruchijil re Mar'ia. Y ja Mar'ia re' re xoc rute' re Jes'us re nibex Cristo cha. 17Y catorce generaciones re xe'c'ue', nitiquir-pa riq'uin re Abraham hasta c'a riq'uin re Rey David. Y riq'uin re Rey David nitiquir chic-pa catorce generaciones, hasta c'a chupan re tiempo tak re kavinak yoj re yoj israelitas xe'c'ue' ajuer can, xban chique che xe'bec'ue' pa Babilonia. Y riq'uin chic re' nitiquir chic-a catorce generaciones y c'aja re ruq'uisibal cha re catorce generaciones re' tak xbalax re Cristo. 18Y ja quire' rubanic tak re Jesucristo xalax vova' chach re ruch'ulef: Re Mar'ia re xoc rute' re Jesucristo, jun k'apoj ixok y c'utun chic roma re Jos'e chin ye'c'ule' riq'uin. Pero tak c'amaje-na tiquic'am-qui', re Jos'e xunabej che re Mar'ia niyavaj chic. Pero re Mar'ia quire' xuc'alvachij roma re ru-poder re Esp'iritu Santo xka pa rue'. 19Jac'a re Jos'e re ndoc ruchijil re Mar'ia, jun ache choj ruc'aslen y mare' man xrajo-ta xuya' ruq'uex re Mar'ia chiquivach re vinak, mare' xunojij che xaxe tal choj quire' nuya' can y man nulisaj-ta rutzijol. 20Ja quire' re xunojij reja' pa r'anma, che xaxe tal choj quire' nuya' can. Pero pa ruvaran xutz'at jun 'angel chin re Ajaf, y re 'angel re' xubij cha: Jos'e, rat re yat rey-rumam can re Rey David, man taxibij-avi' chin nac'am re Mar'ia chin yac'ule' riq'uin re ac'utun chic chin ndoc avxayil, roma ja re Esp'iritu Santo re xka pa rue', mare' vocame niyavaj chic. 21Re ac'ual re xtic'ue' riq'uin re Mar'ia, ch'et ala', y Jes'us rube' re xtaya'. Y ja quire' re rube' xtaya' roma reja' xque'rucol re vinak chupan re quimac. 22Ronojel re' can bin chic can roma jun rusamajel re Dios re xc'ue' ajuer can, re xbex profeta cha. Can ancha'l re xubij re Ajaf cha re profeta re', can quire-va xbanataj. Y re profeta re' ja quire' rubin can: 23Xtitz'at-na-pa', che xtic'ue' jun xtan re xaxe tal choj xtipa alanic chij, y astapa' manak ache riq'uin. Y can xtic'ue-va jun ac'ual riq'uin, y re ch'et ala' re xtic'ue' riq'uin xtubini'aj Emanuel. Re be'aj re' ndel che tzij che re Dios c'o kaq'uin. 24Tak xuna' rach re Jos'e, can xuban-va re xbex cha roma re 'angel chin re Ajaf. Reja' can xuc'am re Mar'ia chin xoc ruxayil. 25Re ral re Mar'ia man rajc'ual-ta ache, roma re Mar'ia can niyavaj chic-va tak xquic'am-qui' riq'uin re Jos'e. Y tak re Jos'e xuya' rube' re ac'ual, Jes'us rube' xuya'.

will be added

X\