San Marcos 8

1Ja k'ij re' tak camas je q'uiy vinak re xquimol-apo-qui' riq'uin re Jes'us. Pero re vinak re' xq'uis quivay, y mare' reja' xe'rayoj re ru-disc'ipulos y xubij chique: 2Yen camas ninjoyovaj quivach re vinak re', roma oxe' k'ij que'c'ue-va viq'uin y vocame manak chic quivay chin niquitaj. 3Y ye'ntak-ta-a cho tak cachoch choj quire' y man jun cosa niquitaj-a, man otz-ta. Roma jec'o naj je'pitinak-va, y q'uiba' ye'tzak pa tak bey roma viyjal, xcha' reja'. 4Y re ru-disc'ipulos xquibij cha: Re lugar yojc'o-va xa je manak vinak. Mare' manak anche' nakavila-va-pa vay chin che ye'va' jabal conojel re vinak re', xe'cha' cha re Jes'us. 5Pero re Jes'us xuc'utuj chique re ru-disc'ipulos: ??Jenipa' vay c'o iviq'uin? xcha' chique. Y reje' xquibij: C'o vuku', xe'cha' cha. 6Y re Jes'us xubij che que'tz'uye-ka re vinak pan ulef. C'are' reja' xe'ruli'ej pa ruk'a' re vuku' xcana-vay y xutioxij cha re Dios. Y c'are' xe'rupar y xuya-a chique re ru-disc'ipulos, y reje' xquijachala' chiquivach re vinak. 7Y c'o chuka' ca'e-oxe' ch'utak car quiq'uin. Y re Jes'us xutioxij cha re Dios roma re car re', y c'are' xutak rujachic chiquivach re vinak. 8Y conojel jabal xe'va'. Can man jun re man-ta xva'. Y c'a c'o vuku' chacach re xuban sobra. 9Re xe'va' chupan re k'ij re', jec'o la'k jun caje' mil vinak. Y c'are' re Jes'us xe'ruban despedir re vinak. 10Y can jare' tak re Jes'us xoc-a pa canoa quiq'uin re ru-disc'ipulos, y xe'ba pa jun lugar rubini'an Dalmanuta. 11Y jec'o chique re achi'a' fariseos re xe'beka riq'uin re Jes'us, y xquitz'am-qui' che ch'abal. Y chin che niquitojtobej re Jes'us xquibij cha che can tubana' jun se~nal chicaj, chin quire' can nuc'ut che ja re Dios takayom-pa richin, xe'cha' cha re Jes'us. 12Pero re Jes'us xbison-ka pa r'anma y xjek'ejo'x-ka. C'are' xubij: ??Anchique roma yex re yixc'o chupan re tiempo re' can nijo' nitz'at che c'o-ta jun se~nal nibanataj chicaj? Pero yen can katzij nimbij chiva che mana-ta re nijo' yex re xtibanataj, xcha' re Jes'us chique. 13Y re Jes'us xe'ruya' can re achi'a' fariseos, y xoc-a pa canoa quiq'uin re ru-disc'ipulos, chin che ye'k'ax juc'an chic-apo ruchi-ya'. 14Y re disc'ipulos xquimistaj man xquic'uaj-ta quivay, y chire' pa canoa xaxe jun vay c'o can. 15Y re Jes'us xubij chique re ru-disc'ipulos: Can tic'axaj re xtimbij chiva, che can tichajij-ivi' chach re levadura quichin re achi'a' fariseos y chin re Rey Herodes. Tak re Jes'us xubij quire', xa xch'o chij re ense~nanza re niquic'ut re achi'a' re' chiquivach re vinak. 16Pero re disc'ipulos man xk'ax-ta pa quive' y xquibila' chiquivach: Reja' xubij quire' roma manak kavay xkac'am-pa, xe'cha'. 17Pero re Jes'us xunabej re niquibila' re ru-disc'ipulos, mare' xubij chique: ??Anchique roma yex ninojij che roma manak kavay, mare' tak ximbij quire'? Yex can man xk'ax-ta pan ive' re ximbij, roma xa can c'a icoversan re iv'anma. 18Yex c'o inak'avach, pero xa man yixtzu'un-ta. C'o ixquin, pero xa man nic'axaj-ta. Yex ancha'l xa man chic ne'ka-ta chi'c'o'x 19tak yen xinya' quivay re je vo'o' mil vinak riq'uin re vo'o' vay re ximpar chiquivach. ??Jenipa' chacach je'nojnak che vay re xuban sobra? xcha' chique. Y re disc'ipulos xquibij cha re Jes'us: Doce chacach. 20Y chuka' can ancha'l xa man chic ne'ka-ta chi'c'o'x tak yen xinya' quivay re je caje' mil vinak riq'uin re vuku' vay re ximpar chiquivach. ??Jenipa' chacach je'nojnak che vay re xuban sobra? xcha' chique. Y re disc'ipulos xquibij cha re Jes'us: Vuku' chacach. 21Y re Jes'us xubij chique: ??Anchique roma tak can man k'axnak-ta pan ive'? 22Re Jes'us y chibil re ru-disc'ipulos, xe'bapon pa Betsaida. Y xc'am-pa jun ache moy chach. Y re je'c'amayom-pa richin re moy re' xquic'utuj utzil cha che tuya' ruk'a' pa rue' che re ache moy nitiquir-ta nitzu'un. 23Xpa re Jes'us xuyukej-a chuk'a' re ache moy y xuc'uaj-a chuchi' re tenemit. C'are' re Jes'us xuya-apo ruchub chuchi' tak nak'arach re moy. Y xuya' ruk'a' pa rue'. C'are' xuc'utuj cha vo xa c'o nutz'at. 24Y tak re moy xujak re nak'arach, xubij: Ja'. Ye'ntz'at re achi'a'. Nintz'at che ancha'l che' je'pa'al. Pero xa man quire-ta, roma xa ye'biyin, xcha'. 25Y re Jes'us xuya' chic jun bey re ruk'a' chuchi' tak nak'arach re ache. Can xuban cha re ache che xtzu'un. Y re ache xtzu'un jabal. Can jabal ye'rutz'at ronojel, che naj che nakaj. 26Y re Jes'us xutak-a re ache chin tiba charachoch. Reja' xubij-a cha: Man catoc-apo pa tenemit chin man taya' rutzijol, xa choj cabiyin chavachoch, xcha-a re Jes'us cha. 27Re Jes'us y re ru-disc'ipulos xe'ba pa tak cocoj tenemit re jec'o chire' pa Cesarea chin re Filipo. Y po bey re Jes'us xuc'utuj chique re ru-disc'ipulos: ??Yin anchique c'a yen niquinojij re vinak? xcha' chique. 28Y reje' xquibij cha: Jec'o ye'bin che ja rat re Juan Bautista. Nic'aj chic niquibij che ja rat re El'ias, re jun rusamajel re Dios re xc'ue' ajuer can, re xbex profeta cha. Y jec'o chuka' re ye'bin che rat yat jun chique re rusamajela' re Dios re xe'c'ue' ajuer can, re xbex profetas chique, xe'cha' cha re Jes'us. 29Y reja' xuc'utuj chique re ru-disc'ipulos: Y yex, ??andex ninojij chuij? Y re Pedro can jare' xubij cha re Jes'us: Ja rat re Cristo re bin che nitak-pa roma re Dios. 30Y re Jes'us xubij chique che man jun anchok cha tiquibij-va che ja reja' re Cristo. 31Y re Jes'us xutz'am rutzijosic y ruc'utic chiquivach re ru-disc'ipulos: Yen re xinalax chi'icojol, tiene que nink'asaj q'uiy tijoj-pokonal. Xquintzelas coma re rejeta'k tak achi'a' re c'o quik'ij, coma re principal tak sacerdotes, y chuka' coma re achi'a' re je'atamayon re ley kachin yoj re yoj israelitas. Y xquinquimisas, pero pa rox k'ij xquinc'astaj-pa chiquicojol re anama'i', xcha' re Jes'us. 32Y tak re Jes'us xubij re ch'abal re' chique re ru-disc'ipulos, can jabal k'alaj rubixic xuban cha. Pero re Pedro man xka-ta chach re xubij re Jes'us, mare' xujich'aj-a quiq'uin re nic'aj chic disc'ipulos, y cof xch'o cha re Jes'us. 33Pero tak re Jes'us xuc'axaj quire', xuposcolij-ri' y xe'rutzu' re nic'aj chic ru-disc'ipulos. Y xubij cha re Pedro: Catel-a viq'uin rat Satan'as, roma man otz-ta re nanojij. Roma re anojebal rat xa can junan quiq'uin re quinojebal re vinak y man nanojij-ta ba' andex re nrajo' re Dios. 34Y re Jes'us xe'rayoj-apo re vinak y re nic'aj chic ru-disc'ipulos. Y xubij chique: Vo xa c'o jun nrajo' yinrutzekelbej, can tubana' ancha'l jun re binak chuxe' ru-cruz. Man tuban re nurayij reja'. Man tupokonaj nuk'asaj tijoj-pokonal. Vo xa c'o jun re ninojin quire', otz che nipa viq'uin chin yinrutzekelbej. 35Roma vo xa camas nupokonaj re ruc'aslen vova' chach re ruch'ulef, xa man xtuvel-ta ruc'aslen re man niq'uis-ta. Jac'a re man nupokonaj-ta re ruc'aslen, astapa' xtiquimisas nutzij yen y roma re utzulaj ch'abal chin re Dios re nibex evangelio cha, jare' s'i can xtuvel-va ruc'aslen re man niq'uis-ta. 36Roma man jun cosa otz nuc'am-pa cha re vinak, xe-ta nic'ue' ronojel re biyomal chin re ruch'ulef riq'uin, y re vinak re' man nicolotaj-ta. 37Astapa' camas biyomal c'o riq'uin re vinak, pero man nitiquir-ta nulok' re c'aslen re man niq'uis-ta. 38Man jun vinak tiq'uex nutzijoj che yinruniman yen y re nuch'abal. Man tiq'uex nubij quire' chique re vinak re jec'o vocame, re xa man niquinimaj-ta re Dios y can je aj-maqui-va. Roma vo xa c'o jun re niq'uex nubij quire' chique, yen chuka' re xinalax chi'icojol xquinq'uex nimbij che re jun vinak re' che vichin yen. Quire' xtimban tak xquimpa chic jun bey, y junan chic nuk'ij riq'uin re Nata' y je vichibil-pa re lok'olaj tak 'angeles.

will be added

X\