San Marcos 7

1Y chij re Jes'us xquimol-apo-qui' re achi'a' fariseos, y chuka' jun ca'e-oxe' achi'a' re je'atamayon re ley kachin yoj re yoj israelitas re je'pitinak pa tenemit Jerusal'en. 2Y tak re achi'a' re' xe'quitz'at che jec'o chique re ru-disc'ipulos re Jes'us re man niquich'aj-ta jabal re quik'a' tak ye'va', man otz-ta xe'quitz'at. Roma chiquivach reje' can man ch'ajch'oj-ta re quik'a'. Y mare' camas xe'ch'o chiquij, roma man niquiban-ta ancha'l re niquiban reje'. 3Roma re achi'a' fariseos y conojel re nic'aj chic vinak israelitas, xa ja re je'bilon can coma re kavinak xe'c'ue' ajuer can, xa jare' re ye'quibanala'. Roma vo xa man niquich'aj-ta re quik'a' q'uiy bey, can man ye'va-ta. 4Tak ye'tzolaj-pa pa tak q'uiybal, vo xa man niquijosk'ij-ta-qui', can man ye'va-ta. Y c'o nic'aj chic cosas re ye'quibanala' chuka', ancha'l re quijosk'esic re kumubal tak ya', re bojo'y, re ch'ich' tak lak y re andex chuka' rujosk'esic niquiban cha re quich'at. Quire' c'a re ye'quibanala' reje'. 5Mare' xe'pa re achi'a' fariseos y re achi'a' re je'atamayon re ley kachin yoj re yoj israelitas xquic'utuj cha re Jes'us: ??Anchique roma tak la a-disc'ipulos man niquiban-ta ancha'l re bin can coma re kavinak xe'c'ue' ajuer can? Reje' ye'va' y man niquich'aj-ta jabal quik'a'. Man niquiban-ta ancha'l nakaban yoj, xe'cha' cha re Jes'us. 6Pero re Jes'us xubij chique re achi'a' re': Yex xa ca'e' ipalaj. Mare' can jabal rubixic rubanon can chivij re jun rusamajel re Dios re xbex profeta cha, re xc'ue' ajuer can re xubini'aj Isa'ias. Re xubij re Dios cha che tutz'ibaj can, y ja quire' nubij: Re vinak re' xaxe riq'uin re quichi' niquiya' nuk'ij, pero re c'anma xa mana-ta re' re nrajo', xa c'ac'anaj c'o-va re c'anma chin che niquiya-ta nuk'ij. 7Xa can man jun nic'atzin-va che niquiya' nuk'ij, roma xa ense~nanzas quichin achi'a' niquic'ut y niquibij che can jare' re ruc'amon che niban. Quire' re rutz'iban can re profeta Isa'ias. 8Y yex jare' re yixtajin chubanic. Y re ru-mandamiento re Dios xa iyi'on can. Yex can man niban-ta re nrajo' re Dios, xa ja re niquibij re vinak, xa jare' re itz'amon rubanic. Ancha'l tak nibij re andex quijosk'esic re bojo'y y re andex quijosk'esic re kumubal tak ya'. Y jec'o chuka' nic'aj chic re je ancha'l re', re ye'banala'. 9Y re Jes'us xubij chuka' chique: Yex niban re andex je'quibilon can re kavinak xe'c'ue' ajuer can, can iyi'on can rubanic re nubij re ru-mandamiento re Dios re otz che niban. 10Roma re ch'abal re je'rutz'iban can re Mois'es, nubij: Taya' quik'ij re ate-arta'. Y re anchique ye'rutzelaj rute-rutota' camas rumac ndel re quire' nibano, y can ruc'amon che niquimisas. Quire' re tz'iban can. 11Jac'a yex man quire-ta niban. Xa man niban-ta ancha'l re rubin can re Dios. Yex xa ye'tijoj re vinak che man nic'atzin-ta che ye'quito' re quite-quirta'. Che xa riq'uin niquibij chique re quite-quirta': Yen man yintiquir-ta yixinto' riq'uin re ndoc chiva, roma re c'o viq'uin xa Corb'an. Re ch'abal re' ndel che tzij: Nsujun chic cha re Dios. Y xa riq'uin quire' niquibij, che quisujun chic cha re Dios re ndoc chique re quite-quirta', man nic'atzin-ta chic che ye'quito', yixcha' chique. 12Y riq'uin re nibij, can nik'alajin-va che niban chique re vinak che man chic ye'quito-ta re quite-quirta'. 13Riq'uin re', yex ibanon che man jun ruk'ij re ru-mandamiento re Dios. Y quire' ibanon xaxe chin niban re andex quibin can re ivinak re xe'c'ue' ajuer can. Y jec'o chuka' nic'aj chic ancha'l re' re ye'banala'. Quire' xubij re Jes'us chique re achi'a' fariseos y re achi'a' je'atamayon re ley kachin yoj re yoj israelitas. 14Y re Jes'us xch'o chic jun bey quiq'uin conojel vinak re quimalon-apo-qui' chire' y xubij chique: Tic'axaj c'a chiyixnojel re xtimbij chiva y tak'ax pan ive'. 15Roma re cosa re nutaj-ka re vinak, mana-ta re' re nitz'ilbisan richin. Re nitz'ilbisan richin jun vinak xa ja re itzel tak nojebal re nipa pa r'anma. 16Re c'o ruxquin chin nuc'axaj, can tuc'axaj c'a re ximbij. Quire' xubij re Jes'us chique re vinak. 17Y reja' xe'ruya' can re vinak, y xba pa jun jay. Y re disc'ipulos xquic'utuj cha chij re nitz'ilbisan chin jun vinak. 18Y re Jes'us xubij chique: Yex can junan ibanon quiq'uin re nic'aj chic vinak che man nak'ax-ta pan ive' re nimbij. Can man k'axnak-ta pan ive' che ronojel re nutaj-ka re vinak, xa mana-ta re' re nitz'ilbisan richin. 19Ronojel re andex nutaj-ka re vinak, xa man pa r'anma-ta nibo-va. Xa chupan nika-va-ka y c'are' ndel-a. Y roma re quire' xubij re Jes'us, nik'alajin che ronojel re riquil tak vay jec'o can, can je otz-va chin ye'tij. 20Y re Jes'us xubij chuka' che xa ja re itzel tak nojebal re nipa pa r'anma re vinak, xa jare' re nitz'ilbisan richin. 21Roma xa pa r'anma re vinak ye'po-va re itzel tak nojebal. Chire' nipo-va tak re vinak re je'c'ulan y re man je'c'ulan-ta niquicanola-qui' chin ye'macun. Y chire' chuka' nipo-va tak ye'quimisan. 22Pa tak c'anma c'a re vinak nipo-va tak ye'lak', tak niquirayij che ronojel-ta cosa quiq'uin-ta reje' c'o-va, ye'quibanala' re itzel tak banabal, ye'tz'ucu tzij, niquibanala' mac re camas ye'yi'o q'uex, itzel niquina' cha jun vinak re otz c'o, je nacanak, ye'quibila' itzel tak tzij chiquij re vinak, niquina' che camas quik'ij. 23Ronojel re etzelal qui tak re', pa r'anma c'a re vinak nipo-va, y jare' re nitz'ilbisan richin. Quire' xubij re Jes'us chique re ru-disc'ipulos. 24Y re Jes'us je ruchibil-a re ru-disc'ipulos xe'el-a chire', y xe'ba pa jun lugar re c'o-apo chiquinakaj re ca'e' tenemit quibini'an Tiro y Sid'on. Y xe'c'ue' pa jun jay, roma re Jes'us man nrajo-ta che nitamax che reja' c'o chire'. Pero man riq'uin re', cha'nin xnabex che c'o chire'. 25Can cha'nin xnabex-pa roma jun ixok re c'o jun ral-xtan, y re xtan re' c'o jun itzel esp'iritu riq'uin. Re ixok re' can xe c'a xuc'axaj-pa che re Jes'us c'o chire', reja' xpa riq'uin y xbexuque' chach. 26Re jun ixok re' man israelita-ta. Reja' jun aj-sirofenicia. Pero xbexuque' chach re Jes'us chin xbo'rc'utuj utzil cha che tulisaj re itzel esp'iritu re c'o riq'uin re ral. 27Pero re Jes'us xubij cha re ixok: Re utzil re pitinak riq'uin re Dios man otz-ta che chak xabanchique ninya-va. Xa ja re nuvinak israelitas re ye'nto' nabey. Roma man ruc'amon-ta che nilisas re quivay re ac'ola' chin che ja-ta re tz'e' ye'tijo, xcha' re Jes'us. 28Pero re ixok xubij cha re Jes'us: Ajaf, can katzij re nabij. Pero can yojtiquir chuka' nakac'ul-apo ba' cha re utzil re'. Ancha'l niquiban re tz'e' chuxe' mesa, ye'quimolola' chuka' re ruchi' tak vay re ye'quitzakala-ka re ac'ola'. 29Y re Jes'us can jare' xubij cha re ixok: Re xabij can quire-va. Vocame catzolaj, roma re itzel esp'iritu xel-yan-a riq'uin re aval, xcha' re Jes'us cha. 30Y re ixok xtzolaj charachoch. Y xbo'rvila' re ral cotz'al chuch'at. Y cha'nin chuka' xutz'at che re itzel esp'iritu man chic c'o-ta riq'uin re ral. 31Re Jes'us y chibil re ru-disc'ipulos xe'el-pa chupan re lugar re c'o-apo chunakaj re tenemit Tiro y xe'bak'ax-pa pa Sid'on. Y xe'bak'ax-pa chuka' chupan re lugar rubini'an Dec'apolis, c'are' xe'beka chuchi' re lago rubini'an Galilea. 32Chire' jec'o-va tak xc'am-pa jun ache chach re Jes'us, jun ache re man nuc'axaj-ta y man can-ta nitiquir nich'o. Y re je'c'amayom-pa richin, xquic'utuj utzil cha re Jes'us che tuya' ruk'a' pa rue'. 33Re Jes'us xuc'uaj-a re ache re'. Xuju' rue-ruk'a' pa tak ruxquin, xchuban, y c'are' xutz'am re rak'. 34Y re Jes'us xtzu'un chicaj, xjek'ejo'x-ka y xubij pa kach'abal yoj re yoj israelitas: Efata. Re tzij re' ndel che tzij: Tijakataj. 35Y re ache can jare' xuc'axaj y xtiquir otz xch'o. 36Y re Jes'us xuc'am-pa re ache y xubij chique re vinak che man tiquitzijoj re xbanataj. Pero re vinak, man riq'uin che can chalaben-a chique roma re Jes'us che man tiquitzijoj, xa jare' re xbequibana-pa nabey. 37Y re vinak re' xsatz quic'o'x tak xquitz'at re xbanataj, y niquibila': Jabal re xuban. Nuban chique re man niquic'axaj-ta, che niquic'axaj, y nuban chuka' chique re je mema', che ye'ch'o, ye'cha' re vinak.

will be added

X\