San Marcos 16

1Y tak k'axnak chic re k'ij chin uxlanen, re Mar'ia Magdalena, re Mar'ia quite' re Jos'e y re Jacobo, y chuka' re ixok rubini'an Salom'e xbequilok'ola-pa ak'om re jubul-oc ruxla'. Y re ak'om re' ndoc chique chin ne'quiya' can chij re ru-cuerpo re Jes'us. 2Y namak'a-yan chupan re nabey k'ij cha re semana, xe'ba chuchi' re jul re anche' xmuk-va re Jes'us, y tak xe'bapon chire' nitzu'un chic re k'ij. 3Y reje' xquibila' chiquivach: ??Y anchique c'a xtilisan-a re aboj tz'apebal-ruchi' re jul chakavach? xe'cha'. 4Pero tak xquitz'at re jul, xa jakal. Re moma' aboj re anchok cha tz'apin-va can ruchi' re jul, xa elisan chic-a. 5Y tak reje' je'aconak chic-apo chupan re jul, xquitz'at che c'o jun ancha'l c'ajol-ala', tz'uyul pa rajquik'a' re anche' xli'e-va re Jes'us, rucusan jun tziak sak re napon c'a charakan-ka. Y re ixoki' tak xquitz'at re', xquixibij-qui'. 6Pero reja' xubij chique: Man tixibij-ivi'. Roma yen can ntaman che yex nicanoj re ru-cuerpo re Jes'us aj-Nazaret, re xquimisas cho cruz. Reja' xc'astaj-yan-a, xa manak chic vova'. Titz'eta' anche' xc'ue-va. 7Vocame quixbiyin, y te'ibij cha re Pedro y chique re nic'aj chic ru-disc'ipulos re Jes'us. Te'ibij chique che re Jes'us xtinabayaj-a chivach, chin nic'ul-ivi' chila' pa Galilea. Y chire' xtitz'at-va, can ancha'l re rubin can chiva. 8Y re ixoki' xe'el-a chire' pa jul, pero can ye'barbot roma quiximbire'. Je'anomojnak-a. Can man jun anchok cha xquitzijoj-va, roma camas quixibin-qui'. 9Tak re Jes'us xc'astaj chupan re namak'a' chin re nabey k'ij chin re semana, nabey xuc'ut-ri' chach re Mar'ia Magdalena, re ixok re anchok riq'uin xulisaj-va vuku' itzel tak esp'iritu. 10Y re Mar'ia Magdalena can jare' xba y xbo'rbij chique conojel re je ruchibil re Jes'us. Reje' camas ye'bison y quitz'amon ok'ej. 11Pero tak reje' xquic'axaj che re Jes'us xc'astaj-yan y che re Mar'ia Magdalena xutz'at-yan can rach, xa man xquinimaj-ta. 12Y c'are' re Jes'us xuc'ut-ri' chiquivach je ca'e' achi'a' tak quitz'amon-a bey chin ye'ba pa jun aldea. Pero roma re Jes'us jun chic-va nitzu'un tak xuc'ut-ri' chiquivach, mare' man cha'nin-ta xquitamaj rach. 13Re je ca'e' achi'a' re' xbequibij chuka' chique re nic'aj chic ruchibil re Jes'us, pero chuka' man xe'nimax-ta. 14Y tak xbanataj-yan ronojel re', jare' tak re Jes'us xuc'ut-ri' chiquivach re je once ru-disc'ipulos, y tak re Jes'us xuc'ut-ri' chiquivach ja tak quitz'amon va'in y jare' tak xubij chique: ??Anchique roma tak man xiban-ta confiar-ivi' y can xicoversaj re iv'anma? xcha' chique. Quire' xubij chique re ru-disc'ipulos roma man xe'quinimaj-ta re xe'tz'eto chin re Jes'us che xc'astaj-yan chiquicojol re anama'i'. 15Y xubij chuka' chique: Quixbiyin chach re ruch'ulef y titzijoj re utzulaj ch'abal chin re Dios chique conojel re vinak. 16Re vinak re niniman re utzulaj ch'abal chin re Dios y nuban chuka' bautizar-ri', xticolotaj. Jac'a re vinak re man xque'niman-ta, xtika re castigo pa quive'. 17Re xque'niman vichin, q'uiy cosa xque'quibanala' chin nik'alajin che can yinc'o-va quiq'uin. Pa nube' yen xque'quilesala' itzel tak esp'iritu y xque'ch'o nic'aj chic ch'abal re man je'quitamalon-ta. 18Reje' chuka' astapa' xque'quitz'am itzel tak cumatz y xque'quitijla' itzel tak ak'om, man jun andex xtuban chique. Xtiquiyala' chuka' quik'a' pa quive' yava'i' y xque'c'achoj. Q'uiy c'a cosas re xque'quibanala' reje', xcha' re Jes'us. 19Tak re Ajaf Jes'us xch'o-yan can chique re ru-disc'ipulos, xba. Y chila' chicaj xc'ul roma re Dios, y xtz'uye-apo pa rajquik'a'. 20Y re disc'ipulos xe'el che naj che nakaj, xquitzijoj re ruch'abal re Dios. Y re Ajaf can c'o-va quiq'uin chin ye'ruto' y chuka' can xuban chique che q'uiy milagros xe'tiquir xquibanala', chin che xk'alajin che can ja-va re ruch'abal re Dios re niquitzijoj. Am'en.

will be added

X\