San Marcos 11

1Y tak nakaj chic jec'o-va chique re aldea quibini'an Betfag'e y Betania, xa ba' chic nrajo' che ye'bapon pa tenemit Jerusal'en, roma can chuxe' chic-apo re loma rubini'an Olivos jec'o-va, jare' tak re Jes'us xe'rutak-a je ca'e' chique re ru-disc'ipulos. 2Reja' xubij-a chique: Quixbiyin-apo chupan la aldea la nitz'at-apo chila'. Y can xe xquixoc-apo, jare' xtivel jun alaj burro ximil can chire'. Y re chicop re' can man jun ch'ocolbeyon richin. Tisolo-pa y tic'ama-pa chua. 3Y vo xa c'o jun xtibim-pa chiva anchique roma nisol re chicop, tibij cha che ndoc cha re Ajaf, pero cha'nin xto'rya' can, quixcha' can cha, jare' xbex-a chique roma re Jes'us. 4Y re je ca'e' disc'ipulos xe'ba. Tak xe'bapon, xquivel re alaj burro ximon can chire' po bey, re anche' c'o-va re entrada chin re jay. Y reje' xquisol-pa. 5Pero tak reje' ye'tajin chusolic re alaj burro, xe'tz'et-pa coma jun ca'e-oxe' vinak re jec'o chire' y xquibij chique re je ca'e' disc'ipulos: ??Andex yixtajin chubanic chire'? ??Anchique roma nisol re ch'et alaj burro? xe'cha-pa chique. 6Y re disc'ipulos xquibij re rubin-a re Jes'us chique. Y re xe'tz'eto-pa quichin xquiya' k'ij chique chin che xquisol-a y xquic'uaj-a re alaj burro re'. 7Y re disc'ipulos re' xquic'am-pa re alaj burro cha re Jes'us. C'are' xquiya' quik'u' chij re chicop re', chin che re Jes'us xch'oque-a chij. 8Y je q'uiy chique re vinak, xquiriq'uila' re quik'u' pa rubey re Jes'us chin niquiya' ruk'ij. Y nic'aj chic xe'bequic'amala-pa ruk'a' tak che' re nibex palma cha chin xquivak pa rubey. Reje' quire' xquiban chin che xquiya' chuka' ruk'ij re Jes'us. Y quire' niquibanala' tak je'binak. 9Re vinak re je nabey chach re Jes'us y re je xambay can, jun pa quichi' niquiban tak niquibij: !!Matiox che pitinak re Jun re'! !!Reja' can banom-pa bendecir y pitinak pa rube' re Ajaf Dios! 10!!Matiox che nitzolaj-yan chic-pa ruk'ij re David re karta' re xc'ue' ajuer can! !!Matiox cha re Dios re c'o chila' chicaj! xe'cha' re vinak. 11Y re Jes'us xoc-apo pa tenemit Jerusal'en, y xbak'ax-pa pa rachoch re Dios y xe'rutz'at can re jec'o chire'. Y tak xoc-pa re ak'a', reja' je ruchibil-a re je doce ru-disc'ipulos xe'ba pan aldea rubini'an Betania. 12Pa ruca'n k'ij tak quitz'amon bey chin je'tzolojnak-pa pa Betania y ye'ba pa Jerusal'en, re Jes'us xpa ch'umunic rupan. 13Y reja' c'ac'anaj xutz'at-va-apo che c'o jun che' rubini'an higuera tiquil, y camas jabal rubanon re ruxak. Xba-apo chuxe' chin no'rcanoj-pa vo xa c'o rach. Pero tak xapon-apo chuxe' xa manak rach, xa rion ruxak. Roma man ru-tiempo-ta che nivachin. 14Jare' tak re Jes'us xch'o cha re che' y xubij: Man jun bey chic xcavachin. Can man jun chic vinak xtitijo avach, xcha' cha re che'. Y re ru-disc'ipulos xquic'axaj re xubij. 15Y xe'bapon chic pa tenemit Jerusal'en. Y re Jes'us xba pa rachoch re Dios. Pero tak reja' c'o chic chire', xe'rukotaj-pa re vinak ye'c'ayin y re ye'lok'on. Y chique re vinak re ye'jalo rach mero xe'rutiquimila' can re qui-mesas. Y quire' chuka' xuban can chique re quich'acat re ye'c'ayin palomas. 16Y reja' man xrajo-ta che re vinak quic'uan ejka'n, ye'k'ax chupan re rachoch re Dios. 17C'are' reja' xuc'ut chiquivach re vinak riq'uin re ruch'abal re Dios, che re rachoch re Dios xa can chin-va oraci'on. Mare' reja' xubij chique re vinak, che chupan re ruch'abal re Dios tz'iban can che re vachoch jay chin niquiban orar conojel vinak re jec'o chach re ruch'ulef. Jac'a yex xa ancha'l cachoch elek'oma' ibanon cha. 18Y re' xc'axax coma re principal tak sacerdotes y re achi'a' je'atamayon re ley kachin yoj re yoj israelitas. Pero roma reje' ye'quitz'at re vinak che camas xsatz quic'o'x y can anchique-la xquina' roma re ense~nanza re nuc'ut re Jes'us chiquivach, mare' xa can niquicanola' c'a andex rubanic niquiban chin niquiquimisaj re Jes'us. Re principal tak sacerdotes y re achi'a' je'atamayon re ley kachin yoj re yoj israelitas niquixibij-qui' chach re Jes'us, roma xa can bama conojel vinak jabal niquic'axaj re nuc'ut. 19Y tak xk'okumar-pa, re Jes'us je ruchibil-a re ru-disc'ipulos xe'ba. Man xe'c'ue-ta-ka chire' pa tenemit Jerusal'en. 20Namak'a' cha re ruca'n k'ij, tak quitz'amon bey pa Jerusal'en, xquitz'at che chake'j chic re che' rubini'an higuera re xubij can re Jes'us che man jun bey chic xtivachin. 21Y re Pedro cha'nin xbeka chuc'o'x, y xubij cha re Jes'us: Maestro, tatz'eta' la higuera, xa can xchakij-va-ka ancha'l re xabij, xcha-apo cha re Jes'us. 22Pero re Jes'us xubij chique conojel re ru-disc'ipulos: Yex chuka' nic'atzin che niban confiar-ivi' riq'uin re Dios. 23Y can katzij nimbij chiva che xabanchique nibin cha re loma re' che tel-a vova' y tak'ax pa mar, can quire' nibanataj. Vo xa can katzij nuban confiar-ri' y man nubij-ta-ka pa r'anma che xa man la'k nibanataj-ta re'. 24Mare' yen nimbij chiva che ronojel re nic'utuj tak yex niban orar y ninimaj che can xtic'ul-va, can quire' xtibanataj. 25Y tak niban orar, can man-ta jun re nik'ato richin. Roma vo xa c'o jun vinak re c'o rumac rubanon chivach, ticuyu'. Chin quire' re Karta' re c'o chila' chicaj xquixrucuy chuka' yex riq'uin re imac re ye'banala' chach. 26Roma vo xa yex man nicuy-ta rumac jun vinak re c'o etzelal rubanon chiva, chuka' re Karta' re c'o chila' chicaj man xtucuy-ta re imac re yixtajin chubanic chach. 27Re Jes'us y re ru-disc'ipulos xe'bapon chic jun bey pa tenemit Jerusal'en. Y chire' pa rachoch re Dios c'o-va re Jes'us tak xe'bapon re principal tak sacerdotes riq'uin, y re achi'a' je'atamayon re ley kachin yoj re yoj israelitas y chibil chuka' re rejeta'k tak achi'a' re c'o quik'ij. 28Y xquic'utuj cha: ??Anchique xyi'o autoridad pan ak'a' chin xa'kotaj-a re vinak xe'c'ayin pa rachoch re Dios? ??Y anchique xyi'o autoridad chava chin che q'uiy cosas ya'banala' chiquicojol re vinak? xe'cha' cha. 29Xpa re Jes'us xubij chique re achi'a' re': Yen chuka' c'o jun cosa ninjo' ninc'utuj chiva. Y vo xa yex xtibij chua, yen chuka' xtimbij chiva anchique ya'yon autoridad chua yen chin ye'mbanala' re cosas re'. 30Tic'axaj jabal re xtinc'utuj chiva. ??Re Juan xtak-pa roma re Dios chin xe'ruban bautizar re vinak? ??O xa vinak xe'bin cha che quire' tubana'? Tibij chua andex ninojij, xcha' chique. 31Y re principal tak sacerdotes, re achi'a' je'atamayon re ley kachin yoj re yoj israelitas y chuka' re rejeta'k tak achi'a' re c'o quik'ij, xquibila' chiquivach: ??Y vocame andex xtakabij cha re Jes'us? Roma vo xa xtakabij che re Juan ja re Dios takayom-pa richin, re Jes'us xtubij chaka: ??Anchique roma tak man xinimaj-ta? 32Y vo xa nakabij che xa vinak xe'bin cha re Juan che tubana' quire', c'ayef nuban chaka yoj. Reje' xquibij-ka quire', roma quixibin-qui' chiquivach re vinak. Roma conojel re vinak can quitaman che re Juan jun rusamajel re Dios re xbex profeta cha. 33Y c'are' xquibij-apo cha re Jes'us: Yoj man kataman-ta. Y re Jes'us can jare' chuka' tak xubij chique re achi'a' re': Roma yex man xixtiquir-ta xibij chua, quire' chuka' yen man xtimbij-ta chiva anchique ya'yon autoridad chua chin ye'mbanala' re cosas re', xcha' re Jes'us.

will be added

X\