San Lucas 4

1Re k'ij tak xban bautizar re Jes'us, nojnak r'anma riq'uin re Esp'iritu Santo xel-pa chupan re rakan-ya' Jord'an. Y re Esp'iritu Santo xuban cha re Jes'us che xba chupan re jun lugar anche' manak vinak re nibex desierto cha. 2Y chire' xc'ue-va cuarenta k'ij, y ronojel re tiempo re' re itzel nutaj ruk'ij chij chin che nika-ta pa mac. Y chupan re tiempo re xc'ue' chire', man jun cosa xutaj. Mare' re Jes'us xch'umun rupan. 3Y xpa re itzel xubij cha re Jes'us: Rat nabij che yat Ruc'ajol re Dios. Tabana' cha re aboj re' che toc vay. 4Pero re Jes'us xubij cha: Tz'iban can chupan re ruch'abal re Dios che re ache man xe-ta riq'uin re vay nuvel-va ruc'aslen, xa can nuvel-va chuka' ruc'aslen riq'uin re ruch'abal re Dios. 5Y jare' tak re itzel xuc'uaj-a re Jes'us pa rue' jun loma re camas naj jotal, y xa pa jun rato xuc'ut ronojel naciones chin re ruch'ulef chach re Jes'us. 6Y c'are' re itzel xubij cha re Jes'us: Yen ninjach pan ak'a' re quik'ij ronojel re naciones re' chin naban gobernar pa quive' y xabanchok cha ninya-va can, roma pa nuk'a' yen jachon-va can. 7Y vo xa rat yaxuque' chinoch y naya' nuk'ij, ronojel c'a re' xtoc avichin, xcha' re itzel cha. 8Pero re Jes'us xubij cha: Cabiyin, y man chic quinanak rat Satan'as. Roma chupan re ruch'abal re Dios re tz'iban can, nubij: Xaxe c'a re Kajaf Dios takaya' ruk'ij y xaxe chuka' reja' takabana' rusamaj, xcha' re Jes'us cha. 9Y c'are' re itzel xuc'uaj chic-a re Jes'us c'a pa tenemit Jerusal'en, y xuban cha che xjote-a c'a pa rue' re namalaj rachoch re Dios roma camas naj jotal chicaj. Y tak jec'o chic chire', re itzel xubij cha re Jes'us: Tatorij-ka-avi' vova', rat re yabin che yat Ruc'ajol re Dios. 10Roma chupan re ruch'abal re Dios re tz'iban can, nubij: Re Dios xque'rutak re ru-'angeles chin yatquichajij. 11Y xcatquili'ej pa quik'a', chin quire' man xtasoc-ta avakan chach aboj. 12Pero re Jes'us xubij cha re itzel: Yen can man nintojtobej-ta re Dios. Roma chupan re ruch'abal re Dios re tz'iban can nubij che man takatojtobej re Kajaf Dios. 13Y tak re itzel man nuvel-ta chic andex nuban cha re Jes'us chin nitzak pa ruk'a', xuya' can jun tiempo. 14Y re Jes'us xtzolaj pa Galilea, y nojnak r'anma riq'uin re ru-poder re Esp'iritu Santo. Y chupan ronojel re tenemit jec'o chunakaj re Galilea, xapon rutzijol re Jes'us. 15Y reja' nuc'ut c'a re ruch'abal re Dios pa tak nema-jay re anche' nitzijos-va re ruch'abal re Dios re nibex sinagoga cha. Y re vinak re ye'c'axan re nubij, camas c'a niquiya' ruk'ij. 16Re Jes'us xba pa tenemit Nazaret, re anche' xq'uiy-va. Y chupan re k'ij chin uxlanen, reja' xba pa jun nema-jay re anche' nitzijos-va re ruch'abal re Dios re nibex sinagoga cha, roma reja' can quire-va tuban. Y tak c'o chic chire', reja' xpa'e' chin nuban leer re ruch'abal re Dios. 17Y c'o c'a jun libro re xya-apo cha, chin nuban leer chiquivach re vinak re jec'o-apo chire'. Y re libro re xya-apo cha ja re rutz'iban can re Isa'ias re rusamajel re Dios re xc'ue' ajuer can, re xbex profeta cha. Y tak re Jes'us xujak re libro, xuvel c'a re jun parte re anche' nubij-va: 18Re Esp'iritu Santo richin re Ajaf Dios, c'o viq'uin yen, roma can xinrucha-va-pa chin nimbij re utzulaj ch'abal re nibex evangelio cha chique re vinak re meba' c'anma chach re Dios. Xinrutak-pa chuka' chin ye'nk'omaj re vinak re nik'axo c'anma pa ruk'a' re mac. Xinrutak-pa chuka' chin ye'nlisaj-a libres re vinak re jec'o preso pa ruk'a' re mac. Xinrutak-pa chuka' chin nimban chique re vinak ancha'l je moyi', che ye'tzu'un. Y xinrutak-pa chuka' chin ye'ncol re vinak re camas niquitaj pokan. 19Y xinrutak-pa chuka' chin nimbij chique re vinak che ja tiempo re' tak re Ajaf Dios nuban re utzil re man jun bey rubanon-ta. 20Y re Jes'us xutz'apij re libro re xuban leer chiquivach re vinak re jec'o chupan re nema-jay re anche' nitzijos-va re ruch'abal re Dios re nibex sinagoga cha. C'are' xuya' can cha jun ache re nisamaj chire', y c'are' xbetz'uye'. Y re vinak niquitzu-niquitzu-apo. 21Y reja' xch'o y xubij: Ja chupan re i-tiempo yex nibanataj-va re rubin can re Dios chupan re libro re', xcha'. 22Y conojel re vinak re quimalon-apo-qui' chire', otz niquitz'at re Jes'us y chuka' nika chiquivach re utzulaj tak ch'abal re xe'rubij chique, can anchique-la xquic'axaj, roma man jun bey quic'axan quire' ancha'l re xe'rubij chique. Y chuka' re vinak re' niquibila' chiquivach: Xa jare' re ruc'ajol re Jos'e, ye'cha'. 23Y re Jes'us xubij chic chique: Yen can ntaman re andex ninojij chuij roma nibij: Vo xa re Jes'us re' can nitiquir-va ye'rubanala' milagros, man xe-ta pa tenemit Capernaum que'rubanala-va. Can que'rubanala' chuka' vova' pa rutenemit. 24Y chuka' xubij chique re quimalon-qui' chire': Re jun rusamajel re Dios re nibex profeta cha, man niquinimaj-ta tak napon pa rutenemit, roma aj-chire'. 25Y yen nimbij che yex itaman re xbanataj pa ru-tiempo re El'ias re rusamajel re Dios re xbex profeta cha, tak oxe' juna' y nic'aj manak job xuban. Can katzij-va che je q'uiy malca'n tak ixoki' jec'o chupan re tiempo re' tak camas viyjal xpa pa rue' re ka-naci'on Israel. 26Pero re Dios man xutak-ta re El'ias pan Israel re rutenemit re Dios, chin che xuto-ta jun chique re malca'n tak ixoki' re jec'o chire'. Reja' xutak-a re El'ias riq'uin jun malca'n-ixok re c'o c'a pa jun tenemit rubini'an Sarepta. Y re tenemit re' c'a chunakaj re tenemit Sid'on c'o-va-apo. 27Y can quire' chuka' xbanataj quiq'uin re xe'yavaj pa ru-tiempo re El'ias re rusamajel re Dios re xc'ue' ajuer can, re xbex profeta cha. Pa ru-tiempo re Eliseo, chire' pa naci'on Israel, je q'uiy re je'ac'ayon re jun yabil rubini'an lepra. Pero re Dios man xrajo-ta chuka' che c'o-ta jun re xc'achojsas cha re ruyabil ruc'alvachin, xaxe c'a re Naam'an re xrajo' re Dios che xc'achojsas y reja' jun ache aj-Siria. 28Y re vinak re quimalon-apo-qui' chire' pa nema-jay re anche' nitzijos-va re ruch'abal re Dios re nibex sinagoga cha, tak xquic'axaj re xubij-ka re Jes'us chique, xyacataj quiyoval. 29Y xe'beyacataj-pa, y xquilisaj-a re Jes'us chuchi' re tenemit. Re jun tenemit re' chach jun loma c'o-va. Mare' re vinak xquic'uaj-a c'a pa rue' re loma chin ne'quichocomij-pa. 30Pero re Jes'us choj xel-pa chiquicojol re vinak y xba. 31C'are' re Jes'us xbeka pa tenemit Capernaum. Re tenemit re' c'o chupan re Galilea. Y chupan re k'ij chin uxlanen reja' xba pa nema-jay rubini'an sinagoga chin nuc'ut re ruch'abal re Dios chiquivach re vinak re quimalon-qui' chire'. 32Y conojel re vinak re quimalon-qui' chire', can anchique-la xquina' tak xquic'axaj re ense~nanza re nuc'ut re Jes'us chiquivach, roma can riq'uin autoridad tak ye'rubila' re ch'abal y can ja re nubij reja' re tiene que niban. 33Y chire' pa nema-jay re anche' nitzijos-va re ruch'abal re Dios re nibex sinagoga cha, chire' chiquicojol re vinak c'o-apo jun ache re c'o jun itzel esp'iritu riq'uin. Y re itzel esp'iritu re c'o riq'uin re ache, jun pa ruchi' xuban tak xch'o, 34y xubij cha re Jes'us: ??Andex najo' chaka yoj, rat Jes'us re yat aj-Nazaret? ??Xapa chin che yojaq'uis? Yen ntaman yat anchique rat y mare' ntaman che rat can yat lok'olaj Ruc'ajol re Dios, xcha'. 35Pero re Jes'us xubij cha re itzel esp'iritu: Ch'oj-achi'. Catel-a riq'uin. Y re itzel esp'iritu xutzak re ache pan ulef chiquicojol re vinak re quimalon-qui' chire'. Y re itzel esp'iritu choj xel-a riq'uin re ache. 36Y re vinak re quimalon-qui' chire', xsatz quic'o'x tak xquitz'at re xuban re Jes'us, y niquibila' chiquivach: ??Anchique como che autoridad c'o riq'uin re ache re'? Roma can riq'uin poder nich'o. Can natz'at che c'o autoridad pa ruk'a', roma ronojel re nubij, tiene que niban. Re itzel tak esp'iritu can niquinimaj rutzij y ye'el-a, ye'cha-ka re vinak chiquivach. 37Y re vinak re jec'o chupan re lugares re jec'o chunakaj re tenemit Capernaum, xquic'axaj re ye'rubanala' re Jes'us. Cha'nin c'a xba rutzijol re Jes'us. 38Y chupan re mismo k'ij re' re chin uxlanen, re Jes'us xel-pa chire' pa nema-jay re anche' nitzijos-va re ruch'abal re Dios re nibex sinagoga cha, y choj xba c'a charachoch re jun ru-disc'ipulo rubini'an Sim'on. Y chupan re k'ij re' re rujete' re Sim'on niyavaj roma jun namalaj c'atan tz'amayon richin. Y re jec'o chire' pa jay xquic'utuj utzil cha re Jes'us pa rue' re yava', che nuc'achojsaj-ta. 39Y reja' xluque-ka riq'uin re ixok y xubij che tiq'uis-a re c'atan chij. Y can xe xubij quire' re Jes'us, can jare' xq'uis-a. Y re ixok re', can jare' xbeyacataj-pa y xuya' quivay re Jes'us y re je'binak chij. 40Tak xka-yan-ka re k'ij chupan re jun k'ij re' re chin uxlanen, conojel re vinak chin re tenemit, re jec'o yava'i' quiq'uin, xe'quic'uaj-apo chach re Jes'us. Re yava'i' re xe'quic'uaj-apo re vinak re', q'uiy rach yabil ndoc chique. Cada jun chique re ye'yavaj, re Jes'us xuya' ruk'a' pa quive' chin xe'ruc'achojsaj-a. 41Je q'uiy chique re yava'i' re' xa itzel tak esp'iritu jec'o quiq'uin. Pero re Jes'us xe'rulisaj-a chuka'. Y tak re itzel tak esp'iritu ye'el-a quiq'uin re yava'i', can jun c'a pa quichi' tak ye'ch'o y niquibij: Ja rat re Ruc'ajol re Dios. Y re Jes'us xuban chique che man chic que'ch'o. Roma re itzel tak esp'iritu quitaman che re Jes'us, jare' re Cristo. 42Y namak'a-yan ruca'n k'ij, re Jes'us xel-a pa tenemit. Reja' xba chupan jun lugar anche' manak vinak re nibex desierto cha. Pero re vinak xe'ba chucanoxic re Jes'us, y xbequivila-pa. Re vinak re' man niquijo-ta che niba re Jes'us, reje' xquijo-ta xquik'at-ka. 43Pero re Jes'us xubij chique: Yen tiene que yimba pa tak nic'aj chic tenemit, chin ne'ntzijoj re utzulaj ruch'abal re Dios re nich'o chij tak re vinak ye'oc pa ruk'a' re Dios. Roma re' tak xintak-pa, xcha' re Jes'us. 44Y ja quire' xubanala' re Jes'us pa Galilea, can xutzijoj re ruch'abal re Dios pa tak nema-jay re anche' nitzijos-va re ruch'abal re Dios re nibex sinagoga cha.

will be added

X\