San Lucas 3

1Quince juna' tutz'am-va rubanic gobernar re ache rubini'an Tiberio C'esar. Y pa ruk'a' c'a re Tiberio C'esar xe'c'ue-va je caje' achi'a' re niquiban gobernar. Jun chique reje' rubini'an Poncio Pilato, y reja' chire' pa Judea nuban-va gobernar. Re jun chic, ja re Herodes re nuban gobernar chire' pa Galilea. Re jun chic, ja re Felipe re ruch'alal re Herodes, y reja' nuban gobernar pan Iturea y pa Traconite. Jac'a re jun chic nibano gobernar, ja re Lisanias, y reja' nuban gobernar pan Abilinia. 2Y ja chuka' tiempo re' tak re An'as y re Caif'as je namalaj tak sacerdotes pa rachoch re Dios, chire' pan Israel. Jare' tak xch'o re Dios cha re Juan re ruc'ajol re Zacar'ias chire' chupan re jun lugar anche' manak vinak re nibex desierto cha. 3Y tak reja' xuc'axaj quire', xba chupan re lugares re jec'o chunakaj re rakan-ya' rubini'an Jord'an. Reja' nubij chique re vinak re ye'bapon riq'uin che tijalataj quic'aslen chach re Dios y tiquibana' bautizar-qui', chin quire' re Dios nucuy quimac. 4Y re Dios can xuban-va re rubin can cha re Isa'ias, re rusamajel re Dios re xc'ue' ajuer can, re xbex profeta cha, y re rutz'iban can reja' nubij quire': Xtic'ue' c'a jun ache chupan jun lugar re anche' manak vinak re nibex desierto cha, y ja reja' re xtitzijon re ruch'abal re Dios chiquivach re vinak re xque'bapon riq'uin. Y xtubila' chique: Tichojmersaj rubey re ic'aslen, roma re Ajaf xa can nipa-yan. 5Y tak nichojmersas jun bey, nic'atzin che ye'muk re sivan, ye'kasas re lomas, re ruyalon vuelta nic'atzin che choj niban cha, y re tinitak li'on niban cha. 6Y conojel vinak xtiquitamaj che c'o Jun re xtitiquir yojrucol chach re kamac, y re Jun re' riq'uin re Dios pitinak-va, quire' nubij chupan re libro re rutz'iban can re profeta Isa'ias re rusamajel re Dios. 7Y quire' c'a nubij re Juan chique re vinak re ye'bapon riq'uin chin che ye'ban-a bautizar: Yex can yix ancha'l itzel tak cumatz re yixnumaj chach re ruyoval re Dios re nika pan ive', roma nijo' yixcolotaj chach re namalaj castigo re xtutak-pa re Dios re tiempo pitinak. ??Anchique xbin chiva che quire' tibana'? 8Yex tiene que nic'ut che katzij xjalataj re ic'aslen chach re Dios. Y man tinojij-ka che xaxe roma yex can yix rey-rumam can re Abraham mare' xquixcolotaj, man quire-ta. Roma xe-ta re Dios nrajo', hasta re aboj re ye'tz'etela' vova' nuban chique che can-ta ye'oc rey-rumam re Abraham. 9Re castigo re nuya' re Dios nipa-yan. Reja' xtuban ancha'l nuban jun ache re ruc'uan chic ricaj chin che ye'rukasaj re che' re xa manak otz quivach niquiya'. Y ronojel re che' re xque'rukasaj xtunem quik'ak'al, xcha' re Juan. 10Y re vinak re ye'c'axan-apo chin re Juan, xquic'utuj cha: ??Andex como ruc'amon che nakaban? xe'cha'. 11Y re Juan xubij chique: Anchique chiva yex re c'o ca'e' rutziak, tuya' jun cha re manak rutziak. Y xabanchique chiva yex re c'o vay riq'uin, tuya' chuka' cha re manak ruay, xcha' chique. 12Y jec'o-apo chuka' re achi'a' re je molay tak impuestos. Re achi'a' re' xe'bapon chin ye'ban bautizar, y xquic'utuj cha re Juan: Maestro, y yoj ??andex re ruc'amon che nakaban? 13Re Juan xubij chique: Xaxe re impuestos re bin chiva coma re autoridad, xaxe re' tic'utuj, y man tic'utuj m'as chique. 14Y chuka' je'aponak je ca'e-oxe' soldados, y xquic'utuj-apo cha re Juan: Y yoj ??andex ruc'amon che nakaban? Re Juan xubij chique: Man tilisaj qui-cosas re vinak, ya porque c'o autoridad pan ik'a'. Chuka' man titz'ucula' tzij chiquij. Xa quixc'ue' conforme riq'uin re mero re nich'ac. 15Y re vinak re jec'o-apo riq'uin re Juan, can quiyaben c'a che nubij-ta-pa anchique reja', roma niquinojij pa tak c'anma che q'uiba' re Juan jare' re Cristo, pero xa mana-ta reja' re Cristo re bin che nitak-pa roma re Dios. 16Mare' re Juan xubij chique re vinak re jec'o-apo riq'uin: Yex nitz'at che yen yiximban bautizar riq'uin ya'. Pero c'o Jun re xtipa re tiempo pitinak xquixruban bautizar riq'uin re Esp'iritu Santo y riq'uin k'ak'. Re Jun re xtipa, c'o m'as ruk'ij y c'o m'as ru-poder que chinoch yen. Roma hasta xaxe chin che yen ninsol re ximibal-rach re ruxajab, can man ruc'amon-ta. 17Y can ancha'l nuban jun ache cha re ru-trigo tak nuban trillar, y tak xuban-yan trillar nuxipuj rach chin quire' rion re runak' re trigo nic'ue' can y nuyac y re rij nuparoj. Y ja quire' xtuban re Jun re xtipa, xcha' re Juan. Re Jun re xtipa c'o autoridad pa ruk'a', chin nuban juzgar pa quive' re vinak re jec'o chach re ruch'ulef. Re vinak re ye'niman richin, xque'ruc'uaj chila' chicaj. Jac'a re vinak re man ye'niman-ta richin, xque'rutak chupan re k'ak' re man nichup-ta. 18Q'uiy tzij quire' xe'rucusaj re Juan chin xe'rupaxabaj tak xutzijoj re utzulaj ch'abal chin re Dios chique re vinak. 19Re Juan xubij cha re gobernador rubini'an Herodes: Man otz-ta re atz'amon rubanic, roma aconak-ka avxayil re ixok rubini'an Herod'ias re ruxayil re avch'alal rubini'an Felipe. Re Juan xunataj re' cha re Herodes, y xe'runataj chuka' nic'aj chic rumac re je'rubanalon. 20Y re Herodes c'o m'as rumac xuban, roma xutz'apij re Juan pa c'arcel. 21Y tak ntajin re bautismo quichin re vinak, xban chuka' bautizar re Jes'us. Tak re Jes'us ntajin che oraci'on, jare' tak xjakataj re rocaj. 22Y re Esp'iritu Santo xka-pa pa rue' re Jes'us ancha'l pa rubanic jun paloma. Y xc'axataj chuka' che nibex-pa cha chila' chicaj: Ja rat re Nuc'ajol, y yen camas yatinjo', y yinqui'cot aviq'uin. 23Chupan re tiempo re', re Jes'us c'o la'k treinta rujuna', jare' tak xutz'am re rusamaj. Y chiquivach re vinak, re Jes'us can ruc'ajol-va re Jos'e. Re Jos'e ruc'ajol can re El'i. 24Y re El'i ruc'ajol can re Matat, y re Matat ruc'ajol can re Lev'i, y re Lev'i ruc'ajol can re Melqui, y re Melqui ruc'ajol can re Jana, y re Jana ruc'ajol can jun chic ache rubini'an Jos'e. 25Y re Jos'e ruc'ajol can re Matat'ias, y re Matat'ias ruc'ajol can re Am'os, y re Am'os ruc'ajol can re Nahum, y re Nahum ruc'ajol can re Esli, y re Esli ruc'ajol can re Nagai. 26Y re Nagai ruc'ajol can re Maat, y re Maat ruc'ajol can jun ache rubini'an Matat'ias, y re Matat'ias, ruc'ajol can re Semei, y re Semei ruc'ajol can jun ache rubini'an Jos'e, y re Jos'e, ruc'ajol can re Jud'a. 27Y re Jud'a ruc'ajol can re Joana, y re Joana ruc'ajol can re Resa, y re Resa ruc'ajol can re Zorobabel, y re Zorobabel ruc'ajol can re Salatiel, y re Salatiel ruc'ajol can re Neri. 28Y re Neri ruc'ajol can jun ache rubini'an Melqui, y re Melqui ruc'ajol can re Adi, y re Adi ruc'ajol can re Cosam, y re Cosam ruc'ajol can re Elmodam, y re Elmodam ruc'ajol can re Er. 29Y re Er ruc'ajol can re Josu'e, y re Josu'e ruc'ajol can re Eliezer, y re Eliezer ruc'ajol can re Jorim, y re Jorim ruc'ajol can jun ache rubini'an Matat. 30Y re Matat ruc'ajol can jun ache rubini'an Lev'i, y re Lev'i ruc'ajol can re Sime'on, y re Sime'on ruc'ajol can jun ache rubini'an Jud'a, y re Jud'a ruc'ajol can jun ache rubini'an Jos'e, y re Jos'e ruc'ajol can re Jon'an, y re Jon'an ruc'ajol can re Eliaquim. 31Y re Eliaquim ruc'ajol can re Melea, y re Melea ruc'ajol can re Main'an, y re Main'an ruc'ajol can re Matata, y re Matata ruc'ajol can re Nat'an. 32Y re Nat'an ruc'ajol can re David, y re David ruc'ajol can re Isa'i, y re Isa'i ruc'ajol can re Obed, y re Obed ruc'ajol can re Booz, y re Booz ruc'ajol can re Salm'on, y re Salm'on ruc'ajol can re Naas'on. 33Y re Naas'on ruc'ajol can re Aminadab, y re Aminadab ruc'ajol can re Aram, y re Aram ruc'ajol can re Esrom, y re Esrom ruc'ajol can re Fares, y re Fares ruc'ajol can jun ache rubini'an Jud'a. 34Y re Jud'a ruc'ajol can re Jacob, y re Jacob ruc'ajol can re Isaac, y re Isaac ruc'ajol can re Abraham, y re Abraham ruc'ajol can re Tar'e, y re Tar'e ruc'ajol can re Nacor. 35Y re Nacor ruc'ajol can re Serug, y re Serug ruc'ajol can re Ragau, y re Ragau ruc'ajol can re Peleg, y re Peleg ruc'ajol can re Heber, y re Heber ruc'ajol can re Sala. 36Y re Sala ruc'ajol can re Cain'an, y re Cain'an ruc'ajol can re Arfaxad, y re Arfaxad ruc'ajol can re Sem, y re Sem ruc'ajol can re No'e, y re No'e ruc'ajol can re Lamec. 37Y re Lamec ruc'ajol can re Matusal'en, y re Matusal'en ruc'ajol can re Enoc, y re Enoc ruc'ajol can re Jared, y re Jared ruc'ajol can re Mahalaleel, y re Mahalaleel ruc'ajol can jun ache rubini'an Cain'an. 38Y re Cain'an ruc'ajol can re En'os, y re En'os ruc'ajol can jun ache rubini'an Set, y re Set ruc'ajol can re Ad'an, y re Ad'an rajc'ual re Dios.

will be added

X\