San Lucas 24

1Y cumaj-yan re nabey k'ij chin re semana, re ixoki' re' xe'ba anche' xmuk-va re Jes'us, y quic'uan-a re jubulaj tak ak'om re xe'quiban preparar. Y jec'o nic'aj chic ixoki' je'binak chiquij. 2Y tak xe'bapon chuchi' re jul re anche' xmuk-va re Jes'us, xquitz'at che re aboj re anchok cha tz'apin-va ruchi' re jul, elisan chic-a. 3Reje' xe'oc-apo chupan re jul, y xquitz'at che re ru-cuerpo re Ajaf Jes'us manak chic. 4Mare' xsatz quic'o'x y camas xquixibij-qui'. Y can jare' tak xe'quitz'at je ca'e' ancha'l achi'a' je'pa'al-apo quiq'uin, y can niyiq'uiloj re quitziak. 5Y re ixoki', roma re quiximbire' xe'luque-ka. Y jare' tak re je ca'e' ancha'l achi'a' xquibij chique: Yex ixoki' man ticanoj re Jes'us chiquicojol re anama'i' roma reja' xa c'as. 6Roma re ru-cuerpo man chic c'o-ta vova'. Reja' xc'astaj-yan-a. Te'ka chi'c'o'x re xubij chiva tak reja' c'a c'o chire' pa Galilea. 7Reja' xubij chiva: Yen re xinalax chi'icojol, tiene que xquinjach pa quik'a' re aj-maqui' tak vinak chin che xquinquimisas cho cruz, y pa rox k'ij xquinc'astaj-pa chiquicojol re anama'i'. Quire' re xubij chiva, xe'cha' re je ca'e' ancha'l achi'a' chique re ixoki'. 8Y re ixoki' can xbeka-va chiquic'o'x re ch'abal re je'rubin can re Jes'us. 9Y tak je'tzolojnak-pa anche' xmuk-va re Jes'us, xbequitzijoj ronojel chique re je once ap'ostoles y chique re vinak re quimalon-qui' quiq'uin re ap'ostoles. 10Re ixoki' re xe'beyi'o rutzijol chique re ap'ostoles ja re Mar'ia Magdalena, re Juana, re Mar'ia re rute' re Jacobo, y nic'aj chic ixoki'. 11Pero re ap'ostoles xa xquinojij che re ixoki' xa xe'ch'ujer, y mare' man xquinimaj-ta re xbex chique. 12Pero re Pedro can jare' xel-a, y jonanin c'a xba chuchi-jul roma reja' nrajo' nutz'at vo xa katzij o man katzij-ta che quire' xbanataj. Y tak xtzu'un-apo chupan re jul, xutz'at che rion chic re tziak jec'o can chire'. Reja' xtzolaj y camas nunojij re xbanataj. 13Y chupan chuka' re k'ij re', je ca'e' achi'a' re xe'tzekelben richin re Jes'us, quitz'amon-a bey pa jun aldea rubini'an Ema'us, re aldea re' jun la'k oxe' leguas rucojol riq'uin re tenemit Jerusal'en. 14Y tak je'binak, niquitzojola' re xe'banataj. 15Y tak can niquiya' che tzij je'binak y niquic'utula' c'a chiquivach-ka reje' re xe'banataj, can jare' tak re Jes'us xoc-a quichibil, y junan xe'ba. 16Re je ca'e' achi'a' re' can niquitz'at-va re jun re binak quiq'uin, pero c'o re banayon chique chin quire' man niquitamaj-ta rach. 17Y re Jes'us xuc'utuj chique: ??Andex c'a che tzij itz'amom-pa tak yixpitinak? ??Y anchique roma chuka' yixbison? roma quire' nintz'at yen. 18Y jun chique reje' re rubini'an Cleofas, xch'o-apo cha y xubij: ??Man ataman-ta rat re c'a ba-oc tibanataj pa tenemit Jerusal'en? Pero conojel re vinak re xe'c'ue' pa namak'ij jabal quitaman re xe'banataj. ??Y rat chire' yatpitinak-va y man ataman-ta andex re xe'banataj chire'? 19Y re Jes'us xuc'utuj chique: ??Andex xe'banataj chire' c'a? Y reje' xquibij: Re xquiban re vinak cha re Jes'us aj-Nazaret, re rusamajel re Dios re xbex profeta cha. Y chuka' can xuc'ut che c'o ru-poder, roma re namalaj tak milagros re xe'rubanala' y chuka' re ru-forma tak nich'o. Quire' re xk'alajin chach re Dios y chiquivach re vinak. 20Pero re principal tak sacerdotes y re achi'a' re pa camon ye'bano juzgar chakacojol yoj re yoj israelitas, jare' re xe'bano chin xquiquimisaj cho cruz. 21Y yoj can kanojin-va che ja reja' re pitinak chakacolic konojel yoj re yoj israelitas. Pero vocame man jun chic andex xtakaban, roma ja-yan oxe' k'ij ticom-va. 22Pero jec'o chique re kachibil ixoki' re cumaj-yan xe'ba chuchi' re jul anche' xmuk-va re Jes'us, y tak xe'tzolaj-pa xojquixibij, 23roma xbequibij che re ru-cuerpo re Jes'us xa man chic c'o-ta chupan re jul y xbequibij chuka' che c'o 'angeles xquic'ut-qui' chiquivach, y che re 'angeles re' xquibij chique che re Jes'us xc'astaj-yan-a. 24Y mare' jec'o chaka yoj re xe'ba chuchi' re jul chin xbequitz'eta' vo xa katzij o man katzij-ta re xbequibij re ixoki' chaka. Y can katzij-va che quire', roma can quire-va re xbequitz'eta' can re kachibil, pero re Jes'us cama-va xquitz'at-ta can. 25Y re Jes'us nitzijon binak quiq'uin, xubij c'a chique: Yex can man ninojij-ta ba', xa man c'o-ta pan iv'anma re quibin re je rusamajela' re Dios re xe'c'ue' ajuer can, re xbex profetas chique. 26Reje' quibin can che re Cristo tiene que nuk'asaj tijoj-pokonal, y c'are' niba chila' chicaj chin niya' ruk'ij, xcha' chique. 27Y re Jes'us xutz'am c'a rubixic chique andex ndel-va che tzij ronojel re je'tz'iban can chij reja' chupan re ruch'abal re Dios. Xutz'am-a riq'uin re je'rutz'iban can re Mois'es, c'a riq'uin re quitz'iban chuka' re nic'aj chic rusamajela' re Dios re xe'c'ue' ajuer can, re xbex profetas chique. 28Y tak xe'bapon chupan re aldea rubini'an Ema'us, re Jes'us xuban che can choj nak'ax-a. 29Y chin che nicanaj-ka quiq'uin, xe'pa re je ca'e' achi'a' re' xquibij cha: Cacanaj-ka kaq'uin, roma re k'ij xa xka-yan-ka, y xa nik'ukumar-yan-ka. Y re Jes'us xoc-apo pa jay, chin nic'ue-ka quiq'uin. 30Y tak je'tz'uyul chic-apo chach mesa, re Jes'us xuc'am-apo re vay, y tak rutioxin chic cha re Dios, xupar re vay y xujach chiquivach. 31Y c'are' ancha'l xa xjak re quinak'avach, y xquitamaj rach che can ja-va re Jes'us c'o quiq'uin. Y can c'aja xquitz'at manak chic quiq'uin. 32Y re je ca'e' achi'a' re' niquibila' c'a chiquivach: Can katzij-va che can nuna-va chic re k'anma tak yojtzijon yojpitinak riq'uin, tak reja' xubij chaka andex ndel-va che tzij re ruch'abal re Dios. 33Re je ca'e' achi'a' re' can jare' xe'yacataj-a re anche' je'tz'uyul-va, y xquitz'am-a bey chin ye'tzolaj pa Jerusal'en. Y xe'bequivila' re je once disc'ipulos y re nic'aj chic vinak re can xe'tzekelben-va richin re Jes'us, quimalon-qui'. 34Y re je once disc'ipulos re' y re nic'aj chic vinak niquibij: Re Ajaf Jes'us can xc'astaj-yan-va, y xuc'ut-yan-ri' chach re Sim'on Pedro. 35Y jare' tak re je ca'e' achi'a' xquitzijoj-apo re xquic'alvachij po bey tak je'binak pan Ema'us, y chuka' xquitamaj rach re Jes'us tak xupar re vay. 36Y conojel re quimalon-qui', c'a ye'tzijon chij re Jes'us, tak xquitz'at c'o chic chire' chiquicojol, y xubij chique: Re iv'anma can-ta otz nuna' roma yininiman chic. 37Pero reje' xquinojij che re niquitz'at xa jun esp'iritu chin 'anma, mare' camas xquixibij-qui'. 38Pero re Jes'us xubij chique: ??Anchique roma tak xsatz ic'o'x tak xinitz'at y xinojij-ka itzel tak cosas? 39Titz'eta' re nuk'a' y re vakan. Quinitz'ama-na-pa', y xtitz'at che can ja-va yen. Roma xe-ta yin ancha'l re xinojij chuij yen, man-ta c'o nu-cuerpo. 40Y tak re Jes'us rubin chic quire' chique, xe'ruc'ut re ruk'a' y chuka' re rakan chiquivach. 41Pero reje' man niquinimaj-ta. Xa xsatz quic'o'x roma re niquitz'at y roma chuka' re ye'qui'cot. Y chin che niquinimaj, xpa re Jes'us xuc'utuj chique: ??C'o como jun andex chin nitij c'o iviq'uin chin niya-ta ba' chua? xcha'. 42Y reje' xbequiya-pa jun pedazo sa'on car cha y ba' cab re c'a c'o xca' riq'uin. 43Y reja' xuc'ul y xutz'am rutijic chiquivach, chin tiquitz'eta' che can ja-va reja' re Jes'us. 44Y xubij c'a chique: Tak c'a yinc'o iviq'uin antes che yinquimisas, ximbij chiva che tiene que ninc'alvachij ancha'l nubij ronojel re je'tz'iban can chuij chupan re ruch'abal re Dios, ancha'l re je'tz'iban can roma re Mois'es, re je'tz'iban can coma re nic'aj chic rusamajela' re Dios re xe'c'ue' ajuer can, re xbex profetas chique, y re je'tz'iban can chupan re libro rubini'an Salmos. 45C'are' reja' xuban chique chin xk'ax pa quive' re ruch'abal re Dios re tz'iban can. 46Y xubij c'a chique, che chupan re ruch'abal re Dios tz'iban can ronojel re', che yen re Cristo tiene que nink'asaj tijoj-pokonal, y c'are' yinquimisas, y pa rox k'ij yinc'astaj-pa chiquicojol re anama'i'. 47Y pa nube' yen re Cristo xtitzijos re ruch'abal re Dios chique re vinak chach re ruch'ulef, che tijalataj re quic'aslen chach re Dios y nicuyutaj re quimac. Y nitz'uc-pa pa Jerusal'en. 48Yex re can xitz'at ronojel re xe'banataj, can titzijoj c'a re xitz'at. 49Y can tic'axaj c'a jabal re nimbij can chiva. Can xtintak-pa re rusujun re Nata' Dios. Re rusujun reja', ja re Esp'iritu Santo. Y jare' re xte'yi'o-ka poder chiva. Y can quixc'ue' c'a vova' pa tenemit Jerusal'en c'aja re k'ij tak xtika-pa re Esp'iritu Santo, xcha' chique. 50Y re Jes'us xe'ruc'uaj-a re ru-disc'ipulos c'a pa tenemit Betania. Y chire' reja' xe'ruyac ruk'a' chicaj y xuc'utuj re ru-bendici'on re Dios pa quive'. 51Y re Jes'us c'a ntajin-na chubanic quire' tak xyacataj-a chicaj pa cak'ik' roma xc'uax-a chicaj riq'uin re Dios. 52Y re ru-disc'ipulos can xquiya' c'a ruk'ij re Jes'us re anche' jec'o-va. C'are' xe'tzolaj pa tenemit Jerusal'en. Reje' camas c'a ye'qui'cot pa tak c'anma. 53Y k'ij-k'ij c'a ye'pa pa rachoch re Dios chin niquiya' ruk'ij re Dios y chuka' niquinimersaj rube'. Am'en.

will be added

X\