San Lucas 23

1Y c'are' conojel re jec'o chire' xe'yacataj-a, chin xquic'uaj-a re Jes'us che ne'quijacha' pa ruk'a' re jun gobernador rubini'an Pilato. 2Y chire' chach re gobernador, niquisujuj-apo y niquibij: Yoj kataman che re ache re' q'uiy rumac. Reja' nujal quina'oj re vinak. Nubila' chuka' chique re vinak che man tiquitoj re impuestos cha re C'esar. Y chuka' nubila' che reja' jun Rey roma ja reja' re Cristo. 3Y re Pilato xuc'utuj cha re Jes'us: ??Ja rat re qui-Rey re israelitas? Y re Jes'us xubij: Ja', ja quire', can ancha'l re xabij. 4Y c'are' re Pilato xubij chique re principal tak sacerdotes y chique re vinak: Yen man jun ch'a'oj ninvel chij re jun ache re'. 5Pero reje' xa m'as xe'yori' chin niquibij-apo: Xa nujal quina'oj re vinak re jec'o pa tak tenemit chin re Judea. Y rutz'amom-pa rubanic quire' chila' pa Galilea, y quire' nubanala' pitinak, y vocame ja xbeka vova' pa tenemit Jerusal'en. 6Y tak re Pilato xuc'axaj Galilea re c'a niquibij-ka re vinak, xuc'utuj vo xa aj-Galilea re Jes'us. 7Tak xbex cha che aj-Galilea, reja' xutak-a re Jes'us riq'uin re Herodes re gobernador chin re Galilea. Y como re Herodes c'o chire' pa tenemit Jerusal'en re k'ij re', otz xuban. 8Y tak re Herodes xutz'at re Jes'us, camas xqui'cot r'anma, roma c'o-yan chic che tiempo rurayin nutz'at rach. Y roma c'o q'uiy cosas ruc'axan chij, mare' nurayij che chach-ta reja' tak nuban jun milagro. 9Y re Herodes q'uiy c'a preguntas xubanala' cha re Jes'us, pero re Jes'us man jun tzij xubij cha. 10Y jec'o-apo re principal tak sacerdotes y re achi'a' je'atamayon re ley quichin re israelitas, chin niquisujuj re Jes'us chach re Herodes. Reje' can niquitaj quik'ij chin ye'sujun-apo. 11Y re Herodes chibil re ru-soldados can man jun ruk'ij xquiban cha re Jes'us y xe'tze'en chij. Xquiya' c'a jun tziak chij, can ancha'l re ye'quicusala' re Reyes. Roma chiquivach reje' xa man jun ruk'ij re Jes'us. Y c'are' re Herodes xutzolij chic-a re Jes'us riq'uin re Pilato. 12Re Herodes y re Pilato man que'ch'o-ta chiquivach, roma c'o ayoval chiquicojol. Jac'a re k'ij re' xa xquiban-ka amigos. 13Y c'are' re Pilato xe'rayoj re principal tak sacerdotes y re achi'a' re pa camon ye'bano juzgar, y chuka' xe'rayoj re vinak re je'tzakatal-apo chiquij. 14Y c'are' xubij chique: Yex xbe'ijacha' re Jes'us pa nuk'a', y nibij che nujalala' quina'oj re vinak. Pero chivach yex xinc'utuj cha vo xa katzij o man katzij-ta, y yen nintz'at che man jun rumac, y ronojel re nibij yex che je'rubanon, yen nintz'at che man katzij-ta. 15Y chuka' re Herodes man jun rumac xuvel re Jes'us tak xixintak-a riq'uin, y mare' xutzolij chic-pa viq'uin. Xaxe riq'uin re' nakatamaj che man jun ch'a'oj rubanon chin quire' nika-ta re camic pa rue'. 16Xtintak c'a ruch'ayic, y c'are' ninlisaj-a libre, xcha' re Pilato. 17Y re Pilato tiene que nulisaj-a libre jun preso, roma ja quire' re costumbre re niban ronojel juna' chupan re namak'ij rubini'an pascua. 18Y mare' conojel jun pa quichi' xe'ch'o-apo, y xquibij: !!Ja re Barrab'as talisaj-a libre, y re Jes'us tiquimisas! xe'cha'. 19Y re Barrab'as c'o pa c'arcel roma xyacataj chij re gobierno chire' pa tenemit y chuka' roma c'o camic rubanon. 20Y re Pilato, roma nrajo' nulisaj-a libre re Jes'us, xch'o chic jun bey chique re vinak. 21Pero re vinak xa m'as jun pa quichi' ye'ch'o-apo y niquibij: !!Tiquimisas cho cruz! !!Tiquimisas cho cruz! 22Y pa rox bey xch'o re Pilato chique y xubij: ??Andex rumac rubanon chivach re jun ache re'? Yen man jun ch'a'oj ninvel chij, chin che niquimisas-ta. Ninya' pa castigo, y c'are' ninlisaj-a libre, xcha'. 23Pero re vinak y re principal tak sacerdotes, xa m'as niquirak-apo quichi' chin niquic'utuj-apo che tiquimisas re Jes'us cho cruz. Can xnimax-va c'a quitzij re vinak. 24Y jare' tak re Pilato xubij che nuban re ancha'l re niquic'utuj-apo re vinak. 25Y xulisaj-a libre re Barrab'as re xquic'utuj-apo cha che tulisaj-a libre. Y re ache re' c'o pa c'arcel roma xyacataj chij re gobierno y chuka' quimisanel. Y re Jes'us xujach-a pa quik'a' chin che tiquimisas cho cruz, roma jare' re niquijo' re vinak che niquiban. 26Tak re soldados quic'uan-a re Jes'us chin ne'quibajij cho cruz, xquic'ul c'a jun ache pitinak pak'os, y re ache re' aj-Cirene y rubini'an Sim'on. Y re soldados xquitz'am y chij c'a reja' xquiya-va-a re ru-cruz re Jes'us. Mare' ja reja' re xc'uan-a re cruz, y chij can re Jes'us binak-va. 27Y camas vinak je'binak chij. Y camas je q'uiy chuka' ixoki' re ye'ok' chij re Jes'us y niquijoyovaj rach. 28Y re Jes'us xe'rutzu' re ye'ok', y xubij chique: Yex ixoki' aj-Jerusal'en, man quixok' chuij. Xa quixok' chivij yex mismo, y quixok' chiquij re ac'ola' jec'o iviq'uin. 29Roma re tiempo re xte'ka c'ayef xtibanataj, y mare' xtibex: Otz-quibanoj re ixoki' re man nic'ue-ta ac'ual quiq'uin, re man jun bey xquiyabej-ta jun ac'ual, y re man jun bey xquiya-ta rutz'um jun ac'ual. 30Jare' tak xtibanataj che re vinak can xque'ch'o-va chique re nima'k tak lomas y xtiquibila': Quixtzak-pa chakij. Chuka' xque'ch'o chique re cocoj tak lomas y xtiquibila': Kojivovaj, xque'cha'. 31Roma niquiban-na c'a chua yen re yin ancha'l jun che' rax, c'alapa' chique re vinak je ancha'l che' chake'j, xcha' re Jes'us. 32Y jec'o chuka' je ca'e' achi'a' je'c'uan-a riq'uin re Jes'us chin ye'quimisas. Re achi'a' re' c'o quimac quibanon. 33Y tak xe'bapon chupan re jun lugar rubini'an Calavera, xquibajij re Jes'us cho cruz, y quire' chuka' xquiban chique re je ca'e' elek'oma'. Jun xbajex pa rajquik'a', y re jun chic xbajex pa ruxocon. 34Y re Jes'us tak c'o chic cho cruz xubij: Nata' Dios, tacuyu' quimac re vinak, roma man quitaman-ta andex re ye'tajin chubanic. Y c'are' re soldados xquiban sortear re rutziak re Jes'us, chin xquitz'at andex che tziak re niquic'uala-a cada jun. 35Y conojel c'a re vinak re jec'o-apo chire' y re achi'a' re ye'bano gobernar re aj-israelitas, niquitz'at-apo re Jes'us. Y conojel c'a re vinak re' ye'tze'en-apo chij y niquibila': Reja' je q'uiy xe'rucol. Vocame tucola-ri' reja' mismo, k'alaj re' vo xa can katzij che ja reja' re Cristo re cha'on roma re Dios. 36Y ja quire' chuka' niquiban-apo re soldados. Ye'tze'en-apo chij re Jes'us. Ye'jelon-apo riq'uin y niquisuj-apo vinagre cha. 37Y niquibila' chuka' cha: Vo xa can ja rat re qui-Rey re israelitas, tacola-avi' ayon rat, ye'cha' cha. 38Y pa rue-a re cruz c'o c'a tzij je'tz'iban-a chach jun tz'alam. Re tzij re' je'tz'iban-a pan oxe' rach ch'abal. Tz'iban pa quich'abal re aj-Grecia, pa quich'abal re aj-Roma y pa quich'abal re israelitas. Y re tzij re' nubij: Jare' re qui-Rey re israelitas. 39Y jun chique re je ca'e' achi'a' re c'o quimac quibanon jec'o chuka' cho cruz, itzel xch'o-apo cha re Jes'us, roma xubij: Rat re nabij che ja rat re Cristo, tacola-avi' rat, y kojacola' chuka' yoj. 40Jac'a re jun chic ruchibil re ache re' cof xch'o-apo cha re mismo ruchibil y xubij: Rat can man naxibij-ta-avi' chach re Dios y chupan re mismo castigo yojc'o-va riq'uin, y reja' manak rumac chin niya' re mismo castigo re' pa rue'. 41Jac'a yoj can ruc'amon-va che kojquimisas chin quire' nakatoj re kamac. Pero reja' man ruc'amon-ta che quire' niban cha, roma man jun rumac rubanon. 42Y re mismo ache re' xubij-apo cha re Jes'us: Quine'ka c'a cha'c'o'x, tak xcapa chic jun bey y tak can yat Rey chic. 43Y re Jes'us xubij cha: Can katzij nimbij chava, che vocame mismo xcate'c'ue' viq'uin chupan re lugar anche' camas jabal y re lugar re' rubini'an Para'iso. 44Y pa nic'aj-k'ij la'k che' tak xk'ukumar rach re ruch'ulef. Y re k'oko'm re' xq'uis-a c'a pa tak a las tres re tak'ak'ij. 45Re k'ij man chic xtzu'un-ta, y ja mismo rato re' tak xel ca'e' re utzulaj tziak re anchok cha tason-va rupan re rachoch re Dios. 46Jare' tak re Jes'us riq'uin ruchuk'a' xubij: Nata' Dios, pan ak'a' c'a ninjach-va re v'anma. Y can xe xubij quire', jare' tak xcom. 47Tak re capit'an quichin re soldados xutz'at re xbanataj, xuya' ruk'ij re Dios, y xubij: Can katzij-va che re jun ache re' man jun rumac. 48Y conojel re vinak re jec'o-apo chire' xquitz'at re xbanataj, can man niquivel-ta chic andex niquiban y ye'bison xe'tzolaj roma re xbanataj. 49Y re vinak re quitaman rach re Jes'us, y re ixoki' re can c'a pa Galilea je'tzakatal-va-pa chij, c'ac'anaj c'a jec'o-va niquitzu-pa re ye'banataj. 50Y c'o c'a jun ache rubini'an Jos'e, y aj pa tenemit Arimatea. Re tenemit Arimatea pa Judea c'o-va. Re jun ache re' camas otz runa'oj y chuka' choj ruc'aslen chach re Dios y quichibil re achi'a' re pa camon ye'bano juzgar re jec'o chiquicojol re israelitas. 51Y re Jos'e jun ache re ruyaben chuka' tak re Dios xtuban gobernar, y mare' reja' man xka-ta chach re xquiban re ruchibil cha re Jes'us. 52Y reja' xba riq'uin re Pilato re gobernador chuc'utuxic re ru-cuerpo re Jes'us chin numuk. 53Y tak rukasan chic-pa re ru-cuerpo re Jes'us cho cruz, xupis pa jun s'abana. Y c'are' xbo'rmuku' can pa jun jul quichin anama'i', c'oton chach jun pe~na. Y man jun c'a cusayon-ta re jul re'. 54Pero re k'ij re', re vinak niquibanala' chic utzil ronojel re xtoc chique chupan re k'ij chin uxlanen, roma re k'ij chin uxlanen xa nitiquir-yan. Y re k'ij chin uxlanen re nitiquir-a ja tak nika-ka re k'ij. 55Y re ixoki' re can c'a pa Galilea je'tzakatal-va-pa chij re Jes'us, xe'ba chij tak xbemuk can, y mare' can jabal xquitz'at tak xya' can re ru-cuerpo re Jes'us chupan re jul, mare' can xna'e' can chiquivach. 56Y tak re ixoki' re' xe'tzolaj cho tak cachoch, xquiban preparar jubulaj tak ak'om, chin jare' ne'quiya' can chij re Jes'us. Y xe'xulan re jun k'ij chin uxlanen, roma can niquiban cumplir re nubij chupan re ley chin re Mois'es.

will be added

X\