San Lucas 11

1C'o jun bey re Jes'us c'o pa jun lugar ntajin che oraci'on. Y tak xtane' cha re oraci'on, jun chique re ru-disc'ipulos xubij cha: Ajaf, tac'utu' chakavach andex rubanic tak nakaban orar, ancha'l xuban re Juan Bautista xuc'ut chiquivach re ru-disc'ipulos andex rubanic tak niquiban orar. 2Y jare' tak re Jes'us xubij chique re ru-disc'ipulos: Quire' tibij tak xtiban orar: Karta' Dios yatc'o chila' chicaj, can-ta conojel re vinak niquiya' ruk'ij re abe'. Y xte'ka-yan-ta re k'ij tak ja rat re xcabano gobernar. Y xe-ta re najo' rat re nakaban vova' chuch'ulef, ancha'l niquiban re jec'o aviq'uin chila' chicaj. 3Y taya' chuka' re kavay re nic'atzin chaka k'ij-k'ij. 4Y can ancha'l nakacuy re quimac conojel re vinak re yojquitzelaj, quire-ta xtaban kaq'uin yoj, xtacuy-ta re kamac re nakaban chavach. Y man taya' k'ij che re itzel nuban-ta chaka che yojtzak pa mac. Can kojacola' chach, xcha' re Jes'us. 5Y re Jes'us xubij chuka' chique re ru-disc'ipulos: Vo xa jun chiva yex napon pa nic'aj-ak'a' pa jun jay re anche' can taman-va rach jabal, y nubij cha re rajaf jay: Naban-ta jun utzil ninjal-ta ca'e-oxe' avay, 6roma c'o jun nu-amigo man aj-vova-ta xbeka viq'uin, y yen man jun vay c'o viq'uin chin ninya' cha. Mare' tabana' utzil chua, xcacha-apo cha. 7Y re vinak re anche' nac'utuj-va-apo re vay, can c'a chach ruch'at c'a xtich'o-va-pa chava y xtubij: Tabana' utzil man quinanak, roma xa xintz'apij-yan re ruchi-jay y re ac'ola' xa viq'uin yen ye'var-va. Mare' man yintiquir-ta yinyacataj-a chin ne'nya' can chava re utzil najo'. 8Y re Jes'us xubij chique re ru-disc'ipulos: Can katzij nimbij chiva, che re vinak re nic'utux-apo re vay cha, niyacataj-pa, pero man roma-ta che camas-ta je amigo riq'uin re nic'utun-apo re vay. Reja' niyacataj-pa y no'rya-pa ronojel re nic'atzin, pero xe chin che titane-ka re jun nic'utun-apo. 9Y yen nimbij chiva yex, xcha' re Jes'us. Tibana' ancha'l xuban re ache re xbec'utun vay. Tic'utuj re nic'atzin y re Dios xtuya-pa chiva. Ticanoj re nijo' y xtivel. Ticocaj-apo re ruchi-jay y xtijak chivach. 10Mare' vo xa can riq'uin ronojel iv'anma nic'utuj cha re Dios, reja' can xtuya-va-pa chiva re nic'utuj cha. Y vo xa nicanoj, can xtivel-va. Y vo xa yex can nicocaj-apo ruchi-jay, can xtijak-va chivach. 11Man jun tata'aj nibano cha jun rajc'ual che tak re ac'ual nuc'utuj jun vay cha, reja' xa jun aboj nuya' pa ruk'a', y tak nuc'utuj jun car cha, reja' mana-ta jun cumatz nuya' pa ruk'a', 12y tak nuc'utuj jun skamalo' cha, reja' mana-ta jun alacr'an nuya' pa ruk'a'. 13Yex astapa' itzel ina'oj, pero chique re ivajc'ual man jun bey quire' niban. Roma yex ja re otz tak cosas re niya' chique. C'alapa' re Irta' Dios re c'o chila' chicaj, che man-ta nuya-pa re Esp'iritu Santo chique re ye'c'utun cha, xcha' re Jes'us. 14Y jun k'ij re Jes'us nuc'achojsaj jun ache re can mem rubanon pa ruk'a' jun itzel esp'iritu. Y tak re Jes'us xubij cha re itzel esp'iritu che tel-a riq'uin re ache re', re itzel esp'iritu can xel-va-a, y re ache mem xtiquir xch'o chic jun bey. Y re vinak re xe'tz'eto, can anchique-la xquina' tak xquitz'at. 15Pero jec'o chuka' chique re vinak xe'bin: Re Jes'us c'o re Beelzeb'u riq'uin, re quijoval re itzel tak esp'iritu. Y ja re Beelzeb'u re niyi'o poder cha chin quire' nitiquir ye'rulisaj re itzel tak esp'iritu. 16Y jec'o nic'aj chic vinak, xaxe chin che niquitojtobej re Jes'us vo xa can katzij che ja re Dios takayom-pa richin, xquibij cha che tubana' jun se~nal chicaj. 17Pero re Jes'us rutaman re niquinojij re achi'a' re' pa tak c'anma, mare' xubij chique: Vo xa re vinak chin jun naci'on man niquinojij-ta y ca'e' quivach niquiban, nipa ayoval chiquicojol. Y re' man otz-ta, roma nuban cha re naci'on che nitzak. Y quire' chuka' pa jun jay, vo xa c'o ayoval chiquicojol, niquijach-qui' y man otz-ta chic xtiquitz'at-qui'. 18Y ja quire' chuka' re Satan'as, reja' manak modo che nuban ayoval quiq'uin re rusamajela', roma vo xa quire' nuban, re ruchibil rion niquiya' can y cha'nin nitzak y man chic nitiquir-ta nuban gobernar. Y yen quire' nimbij chiva, roma yex nibij che yen c'o re Beelzeb'u viq'uin y mare' tak yintiquir ye'nlisaj-a re itzel tak esp'iritu. 19Yex quire' ninojij chuij yen, che c'o re Beelzeb'u viq'uin, mare' yintiquir ye'nlisaj re itzel tak esp'iritu, pero re ye'tzekelben ivichin chuka' ye'tiquir ye'quilisaj itzel tak esp'iritu. ??Anchique como ya'yon poder chique reje' chin ye'tiquir niquiban quire'? Mare' ja re ye'tzekelben ivichin jare' re ye'sekresan che man otz-ta re ninojij yex. 20Y yen can ja-va re Dios re ya'yom-pa poder chua chin yintiquir ye'nlisaj-a re itzel tak esp'iritu. Xa xbeka-yan re k'ij che conojel ruc'amon che niquinimaj rutzij re Dios y ye'c'ue' pa ruk'a' reja'. 21Y tak c'o jun ache re camas ruchuk'a', y c'o ronojel rach ch'ich' riq'uin chin nuban ayoval, re ache re' can jabal-va nuchajij re rachoch, y man jun xtilek'an re cosas c'o riq'uin. 22Pero tak ne'c'ulun chic jun ache re c'o m'as ruchuk'a' que chach reja', nich'acataj, y nilisas-a ronojel rach ch'ich' chin ayoval re c'o riq'uin, re anchok riq'uin rubanon-va confiar-ri'. C'are' re ache re c'o m'as ruchuk'a', nutz'am rujachic chiquivach re ruchibil. 23Y mare', re vinak re man nrajo-ta nic'ue' viq'uin, xa riq'uin re Satan'as nrajo' nic'ue-va. Y anchique vinak man nuban-ta re nusamaj, xa nuyoj re nusamaj. 24Tak c'o jun itzel esp'iritu ndel-a riq'uin jun vinak, re itzel esp'iritu re' niba pa tak lugares re anche' manak vinak y manak ya', y chire' c'a nucanoj-va jun lugar chin nixulan. Y tak re jun itzel esp'iritu re' nuna' che man ak lugar nuvil chin nixulan, nunojij: M'as otz yintzolaj chic anche' xinel-va-pa. 25Y tak re itzel esp'iritu re' nitzolaj chic-apo pa r'anma re vinak anche' elinak-va-a, no'rvila' re r'anma re vinak re' ancha'l jun jay re meson rupan y jabal ruvekic banon. 26Y c'are' re itzel esp'iritu re' ye'bo'rc'ama-pa je vuku' chic ruchibil itzel tak esp'iritu re m'as je itzel, y conojel re' ye'oc pa r'anma re vinak. Y re vinak re anchok riq'uin ye'c'ue-va chic jun bey re itzel tak esp'iritu re', m'as c'ayef nuban re ruc'aslen que chach re xuban nabey. 27Y tak re Jes'us ntajin chubixic re' chiquivach conojel re vinak re quimalon-qui' riq'uin, jare' tak jun ixok re c'o chire' chiquicojol cof xbech'o-pa, y xubij: Otz-rubanoj re ixok re xyi'o avichin chach re ruch'ulef y xatruq'uiytisaj riq'uin tz'umaj, xcha' re ixok cha re Jes'us. 28Y re Jes'us xubij: M'as otz-quibanoj re niquic'axaj re ruch'abal re Dios y niquiban re nubij. 29Y tak re Jes'us xutz'at che camas je q'uiy vinak niquimol-apo-qui' chij, xpa re Jes'us xubij chique re vinak re': Re vinak chupan re tiempo re' camas je mal tak vinak y man yinquinimaj-ta. Mare' can niquijo' che yen nimban jun se~nal chiquivach chin quire' yinquinimaj. Pero mana-ta re niquijo' reje' jare' re xtibanataj. Xa can xe re xbanataj riq'uin re jun ache re xubini'aj Jon'as, re jun rusamajel re Dios re xc'ue' ajuer can re xbex profeta cha, xaxe re se~nal re' re niya' chique reje'. 30Re xuc'alvachij re Jon'as xuc'ut chiquivach re vinak re xe'c'ue' ajuer can chupan re tenemit N'inive, che can ja re Dios takayom-pa richin. Y quire' chuka' yen re xinalax chi'icojol, re xtinc'alvachij xticusas chin jun se~nal chiquivach re vinak vocame. 31Y tak xtapon re k'ij tak re vinak xque'bapon chach re Dios chin xque'ban juzgar, xte'c'astaj-pa re jun ixok re xuban gobernar pa Sab'a y xtubij che man otz-ta xquiban re vinak re jec'o vocame. Roma re tiempo tak xc'ue' re jun ixok re', camas naj xbiyin chin quire' xbo'rc'axaj y xbo'rtz'eta' re namalaj na'oj re c'o riq'uin re Rey Salom'on. Y vocame yinc'o yen re c'o m'as nuk'ij que chach re Rey Salom'on re xc'ue' ajuer can, y xa man yinquinimaj-ta re vinak. 32Y tak xtapon chuka' re k'ij tak re Dios xque'ruban juzgar re vinak re jec'o vocame, xque'c'astaj-pa re vinak re xe'c'ue' ajuer can pa tenemit N'inive. Re vinak re' xtiquibij che man otz-ta xquiban re vinak re jec'o chupan re tiempo re', roma man xinquinimaj-ta, roma re vinak re xe'c'ue' pa tenemit N'inive, can xe xquic'axaj re ruch'abal re Dios re xutzijoj re Jon'as chique, can jare' tak xquinimaj y xjalataj re quic'aslen chach re Dios. Y vocame yinc'o yen re c'o m'as nuk'ij que chach re Jon'as, y xa man yinquinimaj-ta re vinak. 33Y man jun vinak nibano che tak nutzaj jun l'ampara nuya-ta-apo chuxe' jun caj'on o nuvovaj-ta-apo. Re vinak re nutzaj jun l'ampara, nutzekeba' chicaj, chin quire' sakil nuban pa jay tak ye'oc-apo re vinak. 34Y re anak'avach can ye'oc chava ancha'l ndoc jun l'ampara. Roma vo xa re anak'avach je otz, ronojel re a-cuerpo c'o pa sakil. Pero vo xa re anak'avach man je otz-ta, ronojel re a-cuerpo c'o pa k'oko'm. 35Mare' tachajij re ac'aslen, chin quire' re sakil re ruyi'on re Dios pan av'anma man tijalataj, y man chic tik'alajim-pa che c'a yatc'o pa k'oko'm. 36Roma vo xa yatc'o pa sakil, can man yatc'o-ta pa k'oko'm, y quire' can yatzu'un-va jabal. Re' can junan-va riq'uin tak tzijon jun l'ampara chin nusekresaj re anche' yatc'o-va y can pak'ij rubanon roma k'alaj ronojel. 37Y tak re Jes'us xtane-ka che tzij chiquivach re vinak, c'o jun chique re achi'a' fariseos xubij cha re Jes'us che tubana' utzil niba-ta ba' charachoch, chin ne'va' riq'uin. Y re Jes'us can xbo-va. Y tak xapon, xbetz'uye' chach mesa. 38Y re ache fariseo, can anchique-la xutz'at re Jes'us, roma xtz'uye-apo chach mesa y man xuch'aj-ta ruk'a' ancha'l re qui-costumbre re israelitas. 39Y re Ajaf Jes'us can rutaman re nunojij re ache fariseo, y mare' xubij cha: Yex fariseos xa yix ancha'l re lak re jabal ch'ajch'oj rij y re rupan can xak che tz'il. Yex can nic'ut chiquivach re vinak che camas otz re ibanabal, pero pa tak iv'anma man quire-ta, roma xa nojnak riq'uin elak', y nojnak riq'uin ronojel rach etzelal. 40Xa yix nacanak tak vinak, roma itaman che ja re Dios xbano re ka-cuerpo y chuka' reja' xbano re k'anma. 41Mare' yex xa ja re iv'anma tich'ojersaj, chin quire' tak ch'ajch'oj chic re iv'anma, xtalax c'a-pa iviq'uin che ye'to' re man jun cosa c'o quiq'uin, y xquixch'ojch'ojer. 42!!Tivok'ex ivach yex fariseos! roma yex xaxe re jubulaj tak k'ayis, ancha'l re hierbabuena y re ruda y ronojel quivach tico'n, jare' re ye'lisaj can tak ba' chin ndoc i-diezmo chin niya' cha re Dios, pero xa man nijo-ta re Dios, y man otz-ta ina'oj quiq'uin re vinak. Pero jare' re m'as otz-ta che niban nabey, y c'aja-ta re' niban re can yixtajin-va chubanic. 43!!Tivok'ex ivach yex fariseos! roma ja re nabey tak ch'acat ye'canola' re pa tak nema-jay re anche' nitzijos-va re ruch'abal re Dios re nibex sinagoga cha, chin quire' nibex che camas ik'ij. Y chuka' camas nika chivach che niya' ruxnokil-ivach pa tak q'uiybal, re anche' niquimol-va-qui'. 44!!Tivok'ex chuka' ivach yex achi'a' re itaman re ley kachin yoj re yoj israelitas y chuka' yex fariseos re ca'e' ipalaj! roma yex xa yix ancha'l re anche' je'mukun-va re anama'i', re man chic banon-ta quibanic y man chic k'alaj-ta che c'o mukun chire', y re vinak xa choj ye'k'ax pa rue', can man c'a quitaman-ta che xa pa rue' jun quiminak ye'k'ax-va, xcha' re Jes'us. 45Pero jun chique re achi'a' je'atamayon re ley quichin re israelitas, xubij cha re Jes'us: Maestro, tak rat nabij quire', man xe-ta chic chique re fariseos nabij-va, xa can chibil chuka' chaka yoj nabij-va. 46Y re Jes'us xubij cha re ache re': !!Tivok'ex chuka' ivach yex re itaman re ley! roma tak ye'tijoj re vinak, niya' namalaj tak ejka'n chiquij, re camas c'ayef quic'uaxic. Re ejka'n re' xaxe chiquij re vinak niya-va, y yex can man jun ch'et rue-ik'a' nisiloj chin niban y nic'uaj-ta re ejka'n re nibij che tiene que niquic'uaj re vinak. 47!!Tivok'ex ivach yex re itaman re ley! roma yex yix ancha'l re ivinak re xe'c'ue' ajuer can, xe'quiquimisala' re rusamajela' re Dios re xe'c'ue' ajuer can, re xbex profetas chique. Y ja quire' yex vocame nik'alajin che yix quire', roma ye'ibanala' rubanic re qui-pante'on. 48Vocame nik'alajin che yex yix ancha'l reje', roma nika chivach re xquibanala' chique re rusamajela' re Dios re xbex profetas chique. 49Y mare' re Dios re c'o ronojel rach na'oj riq'uin xubij: Xque'ntak achi'a' quiq'uin re israelitas re nutenemit, achi'a' re xque'tzijon re ch'abal re nimbij chique, y chuka' xque'ntak ap'ostoles quiq'uin. Pero jec'o chique reje' re xque'quimisas, y chuka' xque'ya' pa tak tijoj-pokonal. 50Mare' xubij re Jes'us: Conojel re profetas re je'quimisam-pa tak xtiquir-pa re ruch'ulef, ja re vinak re jec'o vocame, jare' re xque'kalen re quicamic. 51Nitiquir-pa riq'uin re rucamic re ache xubini'aj Abel c'a riq'uin re rucamic re ache xubini'aj Zacar'ias. Y ja Zacar'ias re' re xquimisas chunakaj re altar re c'o chach rachoch re Dios. Mare' nimbij chiva, che re Dios pa quive' re vinak re jec'o vocame xtuya-va re quicamic re achi'a' re xe'samaj pa ru-cuenta re Dios. 52!!Tivok'ex ivach yex achi'a' re itaman re ley! roma yex jabal itaman andex rubanic tak jun vinak ndoc rajc'ual re Dios, pero yex man yix-aconak-ta rajc'ual reja' y chuka' man niya-ta k'ij chique re vinak chin ye'oc-ta rajc'ual re Dios, astapa' re vinak niquijo' ye'oc rajc'ual reja'. 53Tak re Jes'us xubij ronojel re', re achi'a' re je'atamayon re ley quichin re israelitas y re achi'a' fariseos camas xpa quiyoval. Y mare' conojel reje' xquibanala' chic preguntas cha, xaxe chin niquinak. 54Re achi'a' re' cama-va niquiya-ta can re Jes'us, roma niquijo-ta reje' che reja' c'o-ta jun ch'abal re man pa rubiyal-ta re nubij chin che nika pa quik'a', chin che niquisujuj. Pero re Jes'us can rion pa rubiyal re ye'rubij tak nich'o.

will be added

X\