San Lucas 1

1Je q'uiy quitijon quik'ij chin niquitz'ibaj che ja'jun che ja'jun re cosas re xe'banataj chakacojol pa ru-tiempo re Jes'us. 2Y tak xquitz'ibaj, can ancha'l-va re xtzijos chaka, coma re xe'tz'eto chin ronojel re xuban re Jes'us. Y re xe'tz'eto re xbanataj, reje' can xquitzijoj chuka' re ruch'abal re Dios. 3Y yen chuka' ninjo' nintz'ibaj re xbanataj. Can xintaj nuk'ij chin xintamaj ronojel re xe'banataj. Y jare' re ninjo' nintz'ibaj che ja'jun che ja'jun chava rat namalaj Te'ofilo, 4chin quire' natamaj che can katzij-va re c'utun chavach chij re Jesucristo. 5Chire' pa Judea xc'ue' jun sacerdote xubini'aj Zacar'ias, y xc'ue' c'a quiq'uin jun grupo sacerdotes re quibini'an Ab'ias. Pa ru-tiempo re Zacar'ias, ja re Herodes re Rey chire' pa Judea. Re ruxayil re Zacar'ias rubini'an Elisabet. Re Elisabet jun rey-rumam can re namalaj sacerdote re xubini'aj Aar'on. 6Re Zacar'ias y re Elisabet choj re quic'aslen chach re Ajaf Dios, y niquinimaj rutzij. Can niquiban-va re nubij. Y man jun vinak itzel nich'o chiquij. 7Re je ca'e' vinak re' man jun cajc'ual, roma re Elisabet man nic'ue-ta ral. Y che je ca'e' camas chic je re'j. 8Y c'o jun k'ij tak re Zacar'ias y re je ruchibil xbeka re qui-turno chin niquiban re samaj chire' pa rachoch re Dios como sacerdote. 9Cada jun chique re sacerdotes jun-va che samaj niquiban pa rachoch re Dios. Y re qui-costumbre re sacerdotes ja re niquiban sortear re anchique niparon re pom. Y re k'ij re' pa rue' re Zacar'ias xka-va re suerte che ja reja' re ndoc pa rachoch re Dios chin no'rparoj re pom pa rue' re altar. 10Y tak re Zacar'ias ntajin chuparoxic re pom, conojel re vinak jec'o pa fuera ye'tajin cha oraci'on. 11Jac'a tak re Zacar'ias c'o chire' nuparoj re pom, jare' tak xuc'ut-ri' jun 'angel chach, jun 'angel chin re Ajaf Dios. Y re 'angel re' xpa'e' pa rajquik'a' re altar re anche' niparox-va re pom. 12Tak re Zacar'ias xutz'at re 'angel re', xsatz ruc'o'x y xuxibij-ri' 13Pero re 'angel xubij cha re Zacar'ias: Man taxibij-avi'. Re Dios xuc'axaj re a-oraci'on. Re Elisabet re avxayil xtic'ue' jun ral, y Juan rube' xtaya'. 14Y roma re ac'ual re' camas xtiqui'cot re av'anma y chuka' camas je q'uiy vinak xque'qui'cot. 15Roma re avajc'ual camas ruk'ij xto'rbana' chach re Dios. Man xtukum-ta vino, y ni xe-ta nic'aj chic clase ya' re nuban cha jun vinak che nik'abar, roma tak xtalax can nojnak-va-pa re r'anma riq'uin re Esp'iritu Santo. 16Y xtuban chique je q'uiy avinak israelitas chin niquinimaj re Ajaf Dios y nijalataj re quic'aslen. 17Re Juan re' xtinabayaj chach re Cristo chin ye'ruban preparar re vinak anche' xte'ka-va re Cristo. Reja' can xtic'ue' re Esp'iritu Santo y re poder riq'uin, ancha'l xc'ue' riq'uin re El'ias, re jun rusamajel re Dios re xc'ue' ajuer can, re xbex profeta cha. Reja' xtuban chique re te'ej-tata'aj chin ye'quijo' re cajc'ual, y chuka' xtuban chique re vinak re man ye'niman-ta tzij che tiquinimaj tzij y che niquic'uaj jun c'aslen choj ancha'l quic'uan re vinak choj quic'aslen. Quire' xtuban-apo chique re vinak chin ye'ruban-apo preparar, chin quire' re vinak re' xe chic niquiyabej-apo re Ajaf. Quire' xubij re 'angel cha re Zacar'ias. 18Y re Zacar'ias xuc'utuj cha re 'angel: ??Ancha'l tak xtintamaj yen che katzij o man katzij-ta re nabij chua? Roma yen y re vaxayil xa yoj rejeta'k tak vinak chic, y man ye'c'ue-ta chic kajc'ual, xcha'. 19Y jare' tak re 'angel xubij cha: Ja yen re 'angel re nbini'an Gabriel, y can nimban re nubij re Dios chua. Mare' xinrutak-pa aviq'uin chin che ne'nya' jun noticia otz chava. Y re noticia re', ja che xtic'ue' re avajc'ual. 20Y roma man xanimaj-ta re ximbij chava, vocame xcamemur, y xcach'o chic jun bey c'aja tak xtalax re avajc'ual. Y ronojel re' xtibanataj, c'aja tak xtapon re tiempo, xcha' re 'angel. 21Tak re 'angel ntajin che tzij riq'uin re Zacar'ias, re vinak re je'yabeyon richin, niquibila': ??Andex como xuban re Zacar'ias roma man ndel-ta-pa pa rachoch re Dios? 22Y tak re Zacar'ias xel-pa, man nitiquir-ta nich'o chique re vinak, roma xmemur. Mare' re je'yabeyon richin, cha'nin xquinabej che c'o jun cosa re xsekresas-pa chach chire' pa rachoch re Dios. Re Zacar'ias xaxe riq'uin ruk'a' nuban-va se~nas chiquivach re vinak, roma xmemur. 23Y tak reja' xuq'uis can re jenipa' k'ij chin re ru-turno chire' pa rachoch re Dios, xba charachoch. 24Ca'e-oxe' k'ij tibanataj-va quire' pa rachoch re Dios, tak re Elisabet re ruxayil re Zacar'ias xunabej che c'o chic yabil chij, y mare' vo'o' ic' man jun anche' xel-va. Re Elisabet nubij: 25Vocame re Vajaf Dios xtuya' c'a re ac'ual re' chua, chin che yen man chic yinq'uex-ta chiquivach re vinak re yinquiyok' roma man jun val. 26Jac'a tak re Elisabet ne'copej vaki' ic' re ruyabil, jare' tak re Dios xutak re 'angel Gabriel pa jun tenemit rubini'an Nazaret, re tenemit re' chin re Galilea. 27Re 'angel Gabriel xtak riq'uin jun ixok rubini'an Mar'ia. Re ixok re' man jun bey runimon-ta-ri' riq'uin ache. Re ixok re' c'utun chic chin nic'ule' riq'uin jun ache rubini'an Jos'e. Y re Jos'e rey-rumam can re Rey David. 28Re 'angel xapon riq'uin re ixok re' y xubij cha: !!Tiqui'cot c'a re av'anma, roma camas yatrajo' re Ajaf Dios! Y re Ajaf Dios c'o aviq'uin. Y chiquicojol conojel re ixoki', ja rat re c'o m'as bendici'on xac'ul. 29Y tak re Mar'ia xutz'at re 'angel y xuc'axaj re xubij cha, xsatz ruc'o'x y xunojij-ka pa r'anma: ??Anchique roma tak quire' nuban chin nuya' ruxnokil-noch? 30Entonces re 'angel xubij: Man taxibij-avi' Mar'ia. Rat can xac'ul re utzil pitinak riq'uin re Dios. 31Vocame nimbij can chava che xtic'ue' jun ac'ual aviq'uin, y tak xtalax re ac'ual re', ala' y Jes'us rube' xtaya'. 32Reja' camas ruk'ij xtic'ue', y xtubini'aj chuka' Ruc'ajol re namalaj Dios roma can katzij-va che Ruc'ajol re Dios. Re ac'ual re xtic'ue', jun rey-rumam can re Rey David, y re Ajaf Dios xtiyi'o can Rey, chin xtuban gobernar ancha'l xuban gobernar re Rey David ajuer can, 33chin quire' re Jes'us nuban gobernar pan ive' yex re yix rey-rumam can re Jacob. Y yixruban gobernar chin nojel tiempo, xcha' re 'angel cha re Mar'ia. 34Y tak re Mar'ia xuc'axaj ronojel re', xuc'utuj cha re 'angel: ??Y ancha'l c'a tak xtic'ue' val, roma yen manak ache viq'uin? 35Y re 'angel xubij cha re Mar'ia: Ja re ru-poder re Esp'iritu Santo chin re namalaj Dios re xtika-pa pan ave' chin xtuya' re yabil re' chavij. Mare', re lok'olaj ac'ual re xtalax aviq'uin, can xtubini'aj-va Ruc'ajol re Dios roma can katzij-va che Ruc'ajol re Dios. 36Y nimbij chuka' chava che re avch'alal Elisabet re camas chic re'j y niquibij cha che camanak-va ac'ual nic'ue' riq'uin, vocame xtic'ue' jun ac'ual riq'uin, roma vaki' ic' c'o-va cha re ruyabil, 37roma re Dios man jun cosa c'ayef chach. 38Can jare' tak re Mar'ia xubij: Can njachon-vi' pa ruk'a' re Ajaf. Can tibanataj c'a ancha'l re xabij chua, xcha' re Mar'ia cha re 'angel. Y re 'angel xel-a chire' riq'uin re Mar'ia, y xba. 39Y re Mar'ia cha'nin xuban-a rubanic chin xba pa jun tenemit re c'o pa rue' jun loma chin re departamento rubini'an Judea. 40Y tak xapon chire' pa tenemit, reja' xba charachoch re Zacar'ias chin xbo'rya' ruxnokil-rach re Elisabet. 41Tak re Elisabet xuc'axaj re ruxnokil-rach re xuya' re Mar'ia, reja' xuna' che can xsilon re ac'ual chupan. Y tak re Elisabet nojnak chic r'anma riq'uin re Esp'iritu Santo, 42can riq'uin ruchuk'a' xch'o, y xubij: Chakacojol yoj ixoki', ja rat re nac'ul jun namalaj bendici'on chin re Dios, y quire' chuka' nuc'ul re ac'ual re xtalax aviq'uin roma can katzij-va Ruc'ajol re Dios. 43Y mare' yen can man nak'ax-ta pa nue', anchique roma tak naya' nuk'ij yen y nac'utuj ruxnokil-noch rat re yat rute' re Vajaf. 44Y can xe xinc'axaj re ach'abal tak xaya' ruxnokil-noch, re ac'ual nyaben chin nalax viq'uin, can xsilon xina', roma xqui'cot-ka. 45Otz-abanoj che xanimaj re xubij re Ajaf chava, roma re ac'ual re xubij chava che xtalax aviq'uin, can xtalax-va aviq'uin. 46Y jare' tak re Mar'ia xubij: Yen can riq'uin ronojel v'anma ninya' ruk'ij re Ajaf. 47Re v'anma niqui'cot roma re Dios re nicola vichin. 48Roma re Dios xinrucha' yen chin ninc'ul re utzil c'o riq'uin, astapa' yen xa camanak nuk'ij. Roma yen xa yin relic-oc jun samajel chin re Dios. Y re tiempo re xtiba-apo, re vinak xtiquibij che camas otz nbanon. 49Roma re Dios q'uiy namalaj tak utzil rubanom-pa chua, roma can nitiquir-va nuban ronojel cosas. Y reja' can Lok'olaj. 50Can nujoyovaj c'a quivach conojel re vinak re ya'lax chach re ruch'ulef re niquinimaj rutzij y can niquiya' ruk'ij. 51Y riq'uin re ru-poder, can q'uiy c'a cosas rubanalon. Reja' rukasan quik'ij re niquinojij pa tak c'anma che camas quik'ij. 52Rukasan quik'ij re ye'bano gobernar chach re ruch'ulef y ruyi'on m'as quik'ij re manak quik'ij. 53Jac'a re biyoma' re niquina' che can c'o ronojel quiq'uin, man jun cosa xuya-a chique, xaxe tal choj quire' xe'tak-a. Jac'a re nich'umun quipan, re Dios can ruyi'on c'a ronojel re nic'atzin chique. 54Reja' yojruta'on yoj re yoj israelitas re yojrucha'on chin nakaban re rusamaj. Man jun bey yojrumistan-ta can y can rujoyovan-va kavach, 55roma can quire' re rusujun can chique re kavinak xe'c'ue' ajuer can, re rusujun can cha re Abraham y chaka yoj re yoj rey-rumam re Abraham. Re Dios can man jun bey xtumistaj-ta re rusujun can. Quire' xubij re Mar'ia. 56Y re Mar'ia xc'ue' can riq'uin re Elisabet como oxe' ic', y c'are' xtzolaj charachoch. 57Tak xapon re k'ij chin xalax re ac'ual riq'uin re Elisabet, jun ch'et ala' re xc'ue' riq'uin. 58Y re ru-vecinos re Elisabet y re ruch'alal xquic'axaj che re Ajaf can xujoyovaj rach re Elisabet, mare' xc'ue' jun ral. Y re vinak xe'bapon riq'uin, camas ye'qui'cot chij re Elisabet, roma quire' xuban. 59Y tak xtz'akater vakxaki' k'ij talax-va re ac'ual, re ru-vecinos y re ruch'alal xe'bapon chic jun bey chin ne'quibana' re circuncisi'on cha, ancha'l nubij chupan re ru-ley re Mois'es. Y ja mismo k'ij re' niquijo' niquiya' rube' re ac'ual, y re rube' niquijo' niquiya' ja ancha'l rube' re rutota'. 60Pero re te'ej xubij: Re ac'ual man xtubini'aj-ta ancha'l rube' re rutota', re ac'ual re' xtubini'aj Juan. 61Y re vinak re jec'o quiq'uin re Elisabet xquibij cha: ??Anchique roma najo' che re ac'ual nubini'aj Juan? Roma man jun chique re avch'alal rubini'an quire'. 62Entonces re vinak re jec'o chire' xquiban se~nas chach re tata'aj, chin niquic'utuj-apo cha, che andex rube' nuya' re ac'ual. 63Xpa re tata'aj xuc'utuj jun tz'alam re ye'quicusaj chin ye'tz'iban chach. Chach re tz'alam re' xutz'ibaj: Re ac'ual xtubini'aj Juan. Y conojel re vinak re quimalon-apo-qui' chire', xsatz quic'o'x, roma re be'aj xubij re te'ej, jare' chuka' xutz'ibaj re tata'aj chach re tz'alam. 64Can jare' tak re Zacar'ias xtiquir xch'o chic jun bey. Y reja' can xe xch'o, can jare' xutz'am ruyi'ic ruk'ij re Dios. 65Y re qui-vecinos re jec'o chire' xquixibij-qui', roma re xbanataj chire'. Y re xbanataj, xba rutzijol chupan ronojel re tenemit re jec'o chunakaj re tenemit anche' c'o-va re Zacar'ias chupan re departamento chin re Judea. 66Y conojel re vinak re ye'c'axan re xbanataj quiq'uin re Zacar'ias y re Elisabet, can xc'ue-ka riq'uin c'anma, y niquibij: ??Andex che samaj xto'rbana' re ac'ual re'? ye'cha'. Roma can k'alaj che c'o re Ajaf Dios riq'uin. 67Y jare' tak re Zacar'ias re rutota' re ac'ual, can nojnak r'anma riq'uin re Esp'iritu Santo, xusekresaj chiquivach: 68Camas-ta xtiya' ruk'ij re Ajaf Dios, re ka-Dios yoj re yoj israelitas, roma yojrunataj-pa yoj re yoj rutenemit, y yojrucol. 69Re Dios ruyi'on c'a Jun re camas ru-poder y yojrucol. Y re nicola kachin re', jun rey-rumam can re David re rusamajel re Dios xc'ue' ajuer can. 70Re Dios xbin chique re lok'olaj tak rusamajela' re xe'c'ue' ajuer can, re xbex profetas chique, chin che xtiquibij re xubij reja' chique y re profetas ja quire' xquibij che re Dios xtuya' Jun re nicola kachin. Y re' can ajuer tusuj-pa chaka. 71Can rubin-va-pa che xkojrucol chiquivach re itzel yojquitz'at, y xkojrucol pa quik'a' re je ka-enemigos, 72y chuka' xtujoyovaj quivach re kavinak xe'c'ue' ajuer can, y can xtuban-va cumplir re namalaj trato re'. 73Y re xsuj cha re Abraham can xban-va jurar cha roma re Dios, 74che can xkojrucol-va pa quik'a' re ya'tzalan kachin, chin quire' man nakaxibij-ta-ki' chin nakaban re rusamaj re Dios, 75y nakaban riq'uin jun kac'aslen ch'ajch'oj y choj chach reja' re jenipa' tiempo yojc'ase-a chach re ruch'ulef. 76Y rat ch'et nuc'ajol, xtibex profeta chava roma xtatzijoj re xtibex chava roma re namalaj Dios, roma ja rat re xcabin chique re vinak che tiquichojmersaj rubey re quic'aslen, roma xa ba' chic che man tipa re Ajaf, 77y ja rat xcabin che re Dios nucuy quimac re can je rutenemit, chin che ye'colotaj. 78Y re', xaxe roma re ka-Dios yojrajo' y camas nujoyovaj kavach. Mare' nutak-pa re Jun re ne'sekresan-ka chakavach re can ancha'l nuban re k'ij tak nitzu'un chach re ruch'ulef, quire' xtuban tak xtika-pa chila' chicaj. 79Re Jun re ne'sekresan-ka, xque'ruya' pa sakil re vinak re jec'o pa k'oko'm, re c'o chic re rumuch'uch'il re camic pa quive', roma manak qui-esperanza chin ye'colotaj-ta, y xkojruc'uaj chupan re bey re anche' otz nuna' re av'anma. Quire' xubij re Zacar'ias. 80Y re ac'ual re xalax quiq'uin re Zacar'ias y re Elisabet, niq'uiy y quire' chuka' niq'uiy re ruc'aslen espiritual. Y tak nem chic, xba chupan re lugar re anche' manak vinak re nibex desierto cha. Y chire' xc'ue-va, c'aja tak xapon re k'ij chin xutz'am rutzijosic re ruch'abal re Dios chiquivach re israelitas re ruvinak reja'.

will be added

X\