Hebreos 8

1Re forma re nakabij y re m'as rajkalen, ja che vocame c'o jun Kanamalaj Sacerdote re camas ruk'ij, y chuka' re ka-Sacerdote re' tz'uyul chila' chicaj pa rajquik'a' re namalaj Dios, 2y aconak Sacerdote chila' chicaj anche' c'o-va re Dios, chire' chupan re katzij rachoch re Dios, re banon roma re Dios re man ancha'l-ta niban coma re vinak. 3Vova' chach re ruch'ulef re namalaj tak sacerdotes ye'quisuj re chicop je'quimisan y ye'quisuj chuka' re ofrendas cha re Dios. Ja samaj re' re yi'on chique chin niquiban. Y mare' re Jes'us can xc'atzin chuka' che c'o xusuj cha re Dios roma reja' jun Namalaj Sacerdote. 4Y xe-ta re Jes'us c'o-ta chach re ruch'ulef, man-ta nitiquir nuban re samaj re nuban jun sacerdote vova' chach re ruch'ulef, roma re ley chin re Mois'es nubij che can xe-va re je rey-rumam can re ache xubini'aj Lev'i jare' re ye'oc sacerdotes y ja reje' re ye'suju re chicop je'quimisan y chuka' re ofrendas cha re Dios. 5Re jay re anche' ye'samaj-va re sacerdotes re' y ronojel re cosas c'o chupan, xa je rumuch'uch'il re rachoch re Dios re c'o chila' chicaj. Y mare', tak nitz'am-yan rubanic re rachoch re Dios, re Dios xubij cha re Mois'es: Tac'axaj jabal y nic'atzin che tiban ronojel, ancha'l re xinc'ut chavach pa rue' re loma rubini'an Sina'i. 6Y riq'uin ronojel re' can nakatz'at-va che re rusamaj re Jes'us m'as nem ruk'ij que chach re samaj re niquiban re sacerdotes chupan re rachoch re Dios vova' chach re ruch'ulef. Roma re c'ac'a trato re xuban re Dios quiq'uin re vinak, jare' re nusamajij re Jes'us, y camas-va otz ye'rusuj. 7Y xe-ta re nabey trato otz-ta xel, man-ta xban jun chic. 8Pero xa roma re kavinak xe'c'ue' ajuer can man xquiban-ta ronojel re xubij chupan re nabey trato, mare' tak re Ajaf man xka-ta chach, y xubij: Xtapon re k'ij tak xtimban jun c'ac'a trato quiq'uin re aj-Israel y re aj-Jud'a. 9Y re c'ac'a trato re xtimban quiq'uin, man junan-ta riq'uin re trato re ximban quiq'uin re quivinak xe'c'ue' ajuer can, tak xe'nc'uaj y xe'ncol-pa chupan re naci'on Egipto, roma reje' xa man xquiban-ta chic re trato re', mare' yen xe'nmalij, xcha' re Ajaf. 10Xa roma re quire' xquiban, mare' vocame jun chic-va rubanic re trato re xtimban. Re xtimban vocame, ja che can xtintz'ibaj re nu-ley pa tak c'anma, y chuka' can xtinya' pa quijalom. Xquinoc qui-Dios, y reje' xque'oc nutenemit. Jare' re jun chic trato re xtimban quiq'uin. 11Y re k'ij re' man chic xtic'atzin-ta che xque'tijox re quivinak, ni xe-ta re quich'alal chin che niquibij-ta chique: Titamaj c'a rach re Ajaf. Roma chupan re tiempo re' can conojel chic je'atamayon noch. Can che cocoj y che nima'k quitaman chic noch. 12Quire' xtimban, roma xtinjoyovaj quivach y xtincuy re quibanabal re man je otz-ta. Man xte'ka-ta chic chinuc'o'x re quimac y re itzel tak quibanabal. Quire' xubij re Dios. 13Y tak re Dios xunataj re c'ac'a trato, ndel che tzij che re nabey trato xa manak chic rajkalen. Y jun cosa re manak chic rajkalen, y man nic'atzin-ta chic, xa napon-yan c'a re k'ij che niq'uis.

will be added

X\