Galatas 6

1Hermanos, yex re ic'uan jun c'aslen ancha'l re nrajo' re Esp'iritu Santo, nimbij chiva: Vo xa c'o jun hermano re nika pa mac, can riq'uin jun iv'anma ch'o'l te'iyaca-pa, chin quire' nitzolaj-pa ruc'o'x riq'uin re Dios. Y yex tichajij c'a-ivi' chin man quixka chuka' pa mac. 2Y vo xa c'o andex nakac'alvachij pa kac'aslen, y nakana' che ancha'l jun ejka'n re nika chakij, can takatola' c'a-ki' chuc'uaxic. Y riq'uin re quire' nakaban, can nakaban-va re nubij re ley chin re Jesucristo. 3Pero vo xa c'o jun re nunojij che c'o ruk'ij y xa manak ruk'ij, xa rion reja' nuk'ol-ka-ri'. 4Cada jun takatz'eta-ka re kabanabal, k'alaj re' vo xa otz o man otz-ta. Y vo xa re kabanabal otz, ruc'amon che niqui'cot re k'anma. Y man takatz'at re rubanabal jun chic hermano. 5Roma cada jun tiene que nakac'uaj re kejka'n. 6Y yex re yixtijox cha re ruch'abal re Dios, que'ito' re ye'tijon ivichin riq'uin ronojel re nic'atzin chique cha re quic'aslen. 7Man tik'ol-ivi' yex mismo tak nibij che yixtiquir nik'ol re Dios, roma reja' man jun nitiquir nik'olo richin. Can ancha'l tak niban-ka jun tico'n, can quire' chuka' niban cosechar. Ronojel re cosa niban c'o rajal-ruq'uixel nic'ul. 8Mare', vo xa ja re nakarayij jare' re xque'kabanala', jare' re xque'q'uiso richin re kac'aslen. Pero vo xa nakac'uaj re c'aslen re nrajo' re Esp'iritu Santo, xtuc'am-pa chuka' re c'aslen re man jun bey xtiq'uis. 9Y man c'a kojcos chubanic re otz, roma xtapon re k'ij tak xtakac'ul rajal-ruq'uixel, vo xa man xtakaya-ta can rubanic re otz. 10Y mare', tak nakatz'at xabanchique vinak re c'o ru-necesidad, can takato'. Y m'as nic'atzin che ye'kato' re je rajc'ual chic re Dios re junan kaniman re Jesucristo quiq'uin. 11Y titz'eta', can riq'uin re nuk'a' y nima'k tak letras yintz'iban-a chiva. 12Y re ye'bano che tiban re circuncisi'on chiva, niquiban quire' xe chin que'tz'et y que'nimax che can niquiban-va cumplir re nubij re ley chin re Mois'es. Y man niquijo-ta niquitzijoj che re yacolotaj chach re amac can xe roma re rucamic re Jesucristo re xuban cho cruz, roma reje' man niquijo-ta che ye'tzelas coma re vinak. 13Y re ye'bin quire' chiva, astapa' can banon-va re circuncisi'on chique, cama-va niquiban-ta cumplir ronojel re nubij chupan re ley chin re Mois'es. Reje' niquijo' che yex niban re circuncisi'on chiva, xaxe chin che yex can ninimaj-va quitzij y titz'et che c'o quik'ij. 14Jac'a yen, cama-va nimban-ta ancha'l re niquiban reje', roma yen man nincanoj-ta nuk'ij. Yen xa can xe-va re Kajaf Jesucristo re xcom cho cruz, jare' re ninya' ruk'ij, y jac'a chuka' reja' re banayon chua che ronojel andex chin re ruch'ulef xe'com-yan. Y yen chuka', chach ronojel andex chin re ruch'ulef, xincom-yan roma man chic ye'nrayij-ta. 15Y yoj re jun kabanon riq'uin re Cristo Jes'us, man jun c'a nuban vo xa banon o man banon-ta re circuncisi'on chaka. Re nic'atzin y can c'o-va rajkalen, ja re c'ac'a kac'aslen. 16Yex re ic'uan y niban re nubij re ch'abal re c'a nimbij-ka chiva, re iv'anma can-ta otz nuna' roma iniman chic. Y can xtijoyovax chuka' ivach roma re Dios, yex re yix katzij israelitas, roma can yix rutenemit-va re Dios. 17Y re tiempo re yojc'o-va y re xtiba-apo, man jun chic vinak tich'o chuij roma re ninc'ut. Roma yen can jec'o se~nas je'nc'uan roma re tijoj-pokonal re xink'asaj, y ronojel re' roma can yin jun chique re je rusamajela' re Ajaf Jes'us. 18Hermanos, can-ta q'uiy utzil xtic'ul chiyixnojel riq'uin re Kajaf Jesucristo. Am'en.

will be added

X\