Hechos 6

1Chupan re tiempo re', re hermanos xa camas ye'q'uier. Y jec'o hermanos ye'ch'o griego re ye'sujun chiquij re hermanos ye'ch'o hebreo. Re hermanos ye'ch'o griego niquibij che re malcani' tak ixoki' re jec'o chiquicojol niban chique che camas ba-oc quijkalen tak nijach re cosas chin k'ij-k'ij. 2Mare' re doce ap'ostoles xe'quimol conojel hermanos, y xquibij chique: Man ruc'amon-ta che yoj nakaya' can rutzijosic y ruc'utic re ruch'abal re Dios, y che ja-ta yoj re yojacho re cosas chin k'ij-k'ij. 3Mare' hermanos, vocame que'becha-pa je vuku' achi'a' chi'icojol, achi'a' re can itaman che choj quic'aslen, y c'o q'uiy quitaman y nojnak re c'anma cha re Esp'iritu Santo, chin quire' jare' re xque'kaya' che niquijach re cosas. 4Y yoj can xtakaban-va re samaj ancha'l re kabanom-pa. Can nojel tiempo xtakaban orar, y xtakatzijoj y xtakac'ut re ruch'abal re Dios, xe'cha' chique. 5Y can conojel hermanos xka chiquivach re xbex chique coma re ap'ostoles, y xe'quicha' je vuku' achi'a'. Re jun re xquicha' rubini'an Esteban, y re Esteban re' jun ache re camas rubanon confiar-ri' riq'uin re Dios y nojnak r'anma cha re Esp'iritu Santo. Xe'quicha' chuka' re achi'a' quibini'an Felipe, Pr'ocoro, Nicanor, Tim'on, Parmenas y re Nicol'as re aj pa tenemit Antioqu'ia. Re Nicol'as man israelita-ta, pero can nunimaj re nubij re ley chin re Mois'es, y can quiq'uin re israelitas c'o-va tak c'amaje-na tunimaj re Jesucristo che'. 6Y jac'a je vuku' achi'a' re' re xe'pobax chiquivach re ap'ostoles. Xe'pa re ap'ostoles xquiban orar, y xquiya' quik'a' pa quive' re achi'a' re'. 7Y re ruch'abal re Dios riq'uin ruchuk'a' binak, y camas ye'q'uier re ye'niman chin re Jes'us y chuka' je q'uiy chique re sacerdotes re ye'niman, y ronojel re' pa tenemit Jerusal'en xbanataj-va. 8Re Esteban jun ache re can c'o re ru-poder re Dios riq'uin, y chuka' can ruc'ulun re utzil re pitinak riq'uin re Dios. Mare' tak c'o milagros re man jun bey je'tz'eton-ta, re ye'rubanala' chiquivach re vinak, chin quire' can k'alaj che reja' can katzij-va re nutzijoj y nuc'ut. 9Pero jec'o vinak xe'beyacataj-pa y xquitz'am-qui' che ch'abal riq'uin re Esteban. Re vinak re' je richin re nema-jay re anche' nitzijos-va re ruch'abal re Dios re nibex sinagoga cha, y re jay re' quichin re esclavos. Re tzij esclavos, ndel che tzij lak'on tak samajela', pero re samajela' re' je'colotajnak chic-pa. Y re jay re' quichin chuka' re vinak aj-Cirene, aj-Alejandr'ia, aj-Cilicia y re aj-Asia. 10Y tak xch'o re Esteban, can xe'ruch'ac re je'yacatajnak chij, roma ja re Esp'iritu Santo re ya'yon runa'oj. 11Y mare' tak xe'quitoj nic'aj chic vinak chin che tiquibij che xquic'axaj tak re Esteban itzel xch'o chij re ley chin re Mois'es y chuka' chij re Dios. 12Can xquiya' quina'oj re rejeta'k tak achi'a' re c'o quik'ij, y chuka' re achi'a' re je'atamayon re ley quichin re israelitas y re nic'aj chic vinak, chin xe'beyacataj-pa chij re Esteban. Xbequitz'ama-pa, y xquic'uaj-a chiquivach re achi'a' pa camon ye'bano juzgar. 13Y chuka' xe'quic'uaj-a achi'a' chin che ne'quitz'ucu' tzij chij re Esteban, y re achi'a' re' ja quire' re niquibij: Re jun ache re' can man nitane-ta chin nubij itzel tak tzij chij re lok'olaj rachoch re Dios y chij re ley chin re Mois'es. 14Roma kac'axan che nubila' che re Jes'us aj-Nazaret xtuvulaj re rachoch re Dios, y che xtujal-a ronojel re rubin can re Mois'es re nic'atzin che takabana'. 15Y jare' tak re achi'a' pa camon ye'bano juzgar re je'tz'uyul chire', xquitzu-xquitzu' rach re Esteban. Y jare' tak xquitz'at che xjalataj re rutzubal, xoc ancha'l titzu'un jun 'angel.

will be added

X\