Hechos 5

1Pero jun ache rubini'an Anan'ias y chibil chuka' re ruxayil rubini'an Safira, xquic'ayij jun culef. 2Y che je ca'e' xquiya' chiquivach che niquic'am can nic'aj cha re rajal re ulef, y re nic'aj chic xuc'uaj-a re Anan'ias chin xbo'rya' pa quik'a' re ap'ostoles. 3Pero re Pedro xubij cha re Anan'ias: ??Anchique roma tak xaya' k'ij cha re Satan'as che xunojsaj re av'anma, chin che xatz'uc tzij chach re Esp'iritu Santo, y xac'am can nic'aj cha re rajal re ulef re xac'ayij? 4Roma xe-ta re ulef xc'ue-ta chire' y man-ta xac'ayij, man jun xbin-ta chava che man-ta avichin rat. Y tak xac'ayij, chuka' man jun xbin-ta chava che man avichin-ta rat re rajal. ??Anchique roma tak xpa re jun itzel na'oj aviq'uin? Rat man chiquivach-ta vinak xatz'uc-va tzij, rat can chach re Dios xatz'uc-va tzij, xcha' re Pedro cha. 5Y re Anan'ias, can xe xuc'axaj re tzij re xe'rubij re Pedro, xtzak-ka y xcom. Y conojel re xe'c'axan re xbanataj, camas xquixibij-qui'. 6Y jec'o ca'e-oxe' re c'a je c'ajola' re cha'nin xe'yacataj-a chin xquipes re ru-cuerpo re quiminak, y c'are' xquic'uaj-a chin xe'ba chumukic. 7Y c'o la'k jun oxe' hora ticom-va re Anan'ias, tak xapon re ruxayil. Reja' man runaben-ta re xbanataj chire'. 8Y re Pedro xuc'utuj cha re ixok re': Re mero re ruc'amom-pa re Anan'ias, ??jare' re rajal re ulef re xic'ayij? Y re ixok xubij: Ja', jare' ronojel re mero rajal re ulef. 9Pero re Pedro xubij cha: ??Anchique roma yex can xibij che man yixrutz'at-ta-pa re Esp'iritu Santo chin re Ajaf Dios? ??Anchique roma yex can xiya' chivach che xiban quire'? Mare' re avchijil xbemuk-yan can. Y re xe'ba chumukic xa chire-oc je'pitinak-va, chin quire' yatequic'ama' chic rat, chin yatequimuku' can chuka', xcha' cha re ixok. 10Y can jare' tak xtzak-ka re ixok chire' chach re Pedro, y xcom. Tak xe'beka re c'ajola' re xe'bemuku can re Anan'ias, y xquitz'at che quiminak chuka' re ixok, xquic'uaj-a y xbequimuku' can riq'uin re ruchijil. 11Y re hermanos camas xquixibij-qui' roma re xbanataj. Y quire' chuka' xquic'alvachij re nic'aj chic re xe'c'axan re xbanataj. Camas c'a xquixibij-qui'. 12Y re ap'ostoles camas q'uiy milagros re ye'quibanala' chiquivach re vinak, re man jun bey je quitz'eton-ta, chin quire' nik'alajin che re ap'ostoles can katzij-va re niquibij. Y re can quiniman chic re Dios, junan quivach y niquimol-qui' pa jun corredor chin re rachoch re Dios. Re corredor re' ja re Salom'on re banayon can. 13Can jec'o-va vinak re man ye'jelon-ta-apo quiq'uin roma niquixibij-qui' niquiban quire'. Jac'a re nic'aj chic vinak re jec'o chupan re tenemit, can niquiya-va quik'ij re ap'ostoles. 14Pero camas je q'uiy vinak re ye'niman re Ajaf Jesucristo. Mare' can k'ij-k'ij m'as je q'uiy re ye'niman chin re Jesucristo, che achi'a' y che ixoki'. 15Y mare' re ye'yavaj ye'lisas-pa pa tak bey y ye'yalox chach tak ch'at y chach camillas, chin quire' re Pedro nak'ax-ta re rumuch'uch'il pa quive' jun ca'e' chique re yava'i' re' y ye'c'achoj-ta. 16Y je q'uiy chuka' vinak re xe'beka pa Jerusal'en re je'pitinak pa tak tenemit re jec'o chunakaj re Jerusal'en, y je'quic'amalom-pa re yava'i'. Jec'o re relic yabil ndoc chique, y jec'o re camas niquitaj pokan pa quik'a' itzel tak esp'iritu. Y conojel c'a ye'c'achojsas-a. 17Pero re namalaj sacerdote je ruchibil re achi'a' quibini'an saduceos, itzel niquina' chique re ap'ostoles. 18Mare' xe'bequitz'ama-pa y xe'bequiya' can pa c'arcel. 19Y chak'a', re Ajaf Dios xutak-pa jun 'angel pa c'arcel quiq'uin re ap'ostoles. Y re 'angel re' xujak-a ruchi' re c'arcel chiquivach, chin ye'rulisaj-a. Y xubij chique: 20Quixbiyin. Y tak xquixapon chic pa rachoch re Dios, titzijoj chique re vinak ronojel re ch'abal chin re c'ac'a c'aslen re nuya' re Jesucristo, xcha' re 'angel chique. 21Can xe xquic'axaj re' re ap'ostoles, namak'a-yan ruca'n k'ij xe'ba pa rachoch re Dios, y ye'quitijoj re vinak. Y chupan re hora re', re namalaj sacerdote y re je ruchibil xe'quitak quiyoxic re rejeta'k tak achi'a' re c'o quik'ij. Y can conojel re achi'a' pa camon ye'bano juzgar xquimol-qui'. Y c'are' xquitak quic'amic re ap'ostoles re jec'o pa c'arcel. 22Pero tak re polic'ias xe'bapon chuchi-c'arcel y xe'oc-apo chin ye'bequic'ama-pa, xquitz'at che xa man jun chic c'o chire'. Can jare' xe'tzolaj y xbequiya' rutzijol. 23Y xbequibij: Man jun chique reje' re c'o pa c'arcel. Y c'aja-na yoj re xojejako. Re c'arcel can jabal rutz'apesic banon can, y re ye'chajin jec'o chire' chuchi-c'arcel, xe'cha'. 24Re namalaj sacerdote, y re ache ec'uay quichin re polic'ias re ye'chajin pa rachoch re Dios, y re principal tak sacerdotes, tak xquic'axaj re xbequibij re polic'ias chique, man niquivel-ta andex niquinojij, y mare' niquibila' chiquivach: ??Andex xtibanataj vocame? Roma re achi'a' je manak chic pa c'arcel, vocame can xtiquiya' c'a m'as rutzijol re Jes'us, ye'cha'. 25Y jare' tak c'o jun xapon chire' quiq'uin re quimalon-qui', y xbo'rbij chique: Re achi'a' re xe'iya' pa c'arcel, ye'tajin chiquitijoxic re vinak chire' pa rachoch re Dios, xcha' chique. 26Y can jare' tak re ache re ec'uay quichin re polic'ias, xe'ruc'uaj-a re polic'ias chin xe'ba chiquic'amic re ap'ostoles. Pero man xe'quich'olij-ta tak xe'quic'am-pa, roma reje' niquixibij-qui' che ye'q'uiak cha aboj coma re vinak. 27Y re achi'a' re xe'ba chiquic'amic re ap'ostoles, xe'beka y je'quic'amom-pa, can choj c'a xe'bequipoba' chiquivach re achi'a' re pa camon ye'bano juzgar. Y re namalaj sacerdote xubij chique re ap'ostoles: 28Yoj kabin-a chiva che man chic titzijoj rube' re Jes'us chique re vinak. Pero vocame re vinak re jec'o pa tenemit Jerusal'en je'nojnak chic riq'uin re ense~nanzas re ic'utun chiquivach, y kayi'on cuenta jabal che chakij yoj nijo' niya-va can re rucamic re jun ache xubini'aj Jes'us, xcha'. 29Pero re Pedro y re nic'aj chic ap'ostoles xquibij-apo chique: Nic'atzin che ja re nubij re Dios re nakanimaj, y mana-ta re niquijo' re vinak. 30Roma re xbano cha re Jes'us che xc'astaj-a, ja re Dios, re Dios kachin yoj y quichin chuka' re kavinak xe'c'ue' ajuer can. Pero yex xiquimisaj tak xibij che tibajex cho cruz. 31Y re Dios camas c'a nem ruk'ij xuya' re Jes'us, mare' xutz'uyuba-apo pa rajquik'a' y xuban cha che ja reja' re nic'uan kachin y yojrucol chuka' chach re kamac, chin quire' nuya' k'ij chaka yoj re yoj israelitas che nijalataj kac'aslen chach re Dios y nicuyutaj kamac. 32Y ronojel re' katzij, y can ja yoj xojtz'eto, mare' nakatzijoj. Y re Esp'iritu Santo chuka' rutz'amon c'a rutzijosic chaka che can katzij-va. Konojel re yojniman rutzij re Dios, can ruyi'on re Esp'iritu Santo chaka, xe'cha' chique. 33Y tak re achi'a' re pa camon ye'bano juzgar xquic'axaj re xquibij re ap'ostoles, xyacataj quiyoval y xquinojij che ye'quiquimisaj. 34Pero chiquicojol re achi'a' re' c'o jun ache quichibil re fariseos y re ache re' rubini'an Gamaliel. Reja' jun maestro chin re ley chin re Mois'es, y camas chuka' ruk'ij chiquivach re vinak. Re ache re' xpa'e' y xubij che que'lisas-a ba' re ap'ostoles chire'. 35Y c'are' xubij chique re achi'a' re pa camon ye'bano juzgar: Nuvinak, tinojij jabal andex xtiban chique re achi'a' re'. 36Roma te'ka chi'c'o'x tak xbec'ulum-pa re jun ache xubini'aj Teudas. Re Teudas re' xubij che reja' jun ache camas ruk'ij, y jec'o la'k jun caje' ciento achi'a' re xe'niman richin y xe'oc ruchibil. Y tak xquimisas, conojel re xe'niman rutzij xquiquiraj-qui' y xe'q'uis. 37Y despu'es re', tak xbanataj re tz'iban be'aj re nibex censo cha, xbec'ulum-pa chuka' jun chic ache re xubini'aj Judas. Re jun ache re' aj-Galilea, y reja' xtiquir xuban che camas je q'uiy vinak re xe'tzekelben richin. Y tak xquimisas chuka' re Judas re', conojel re xe'niman rutzij, xquiquiraj-qui'. 38Y mare' nimbij chiva che que'iya' can re achi'a' re'. Roma vo xa quina'oj vinak re ye'tajin chubanic, reje' xque'q'uis. 39Pero vo xa richin re Dios, man jun xquixtiquir xtiban chique, che xque'tane' chubanic re samaj re'. Tichajij-ivi', man tiban che yex yixtajin che ayoval riq'uin re Dios, xcha' chique. 40Y conojel xka chiquivach re xubij re ache rubini'an Gamaliel. Y c'are' xquibij che que'c'uax chic-apo re ap'ostoles. Y tak re ap'ostoles jec'o chic chire', xe'ch'ay y xbex chic-a chique che man chic tiquitzijoj rube' re Jes'us chique re vinak. Y c'are' xquiya-a k'ij chique che xe'ba. 41Y tak re ap'ostoles xe'el-a chire' chiquivach re achi'a' pa camon ye'bano juzgar, niqui'cot c'a re c'anma xe'ba, roma re Dios ruyi'on k'ij chique che niquik'asaj tijoj-pokonal roma re rube' re Jes'us, y q'uiy cosas niban y nibex chique. 42Y reje' can man niquiya-ta can rutzijosic re Jesucristo. Can ronojel k'ij niquic'ut y niquitzijoj re Jesucristo, pa rachoch re Dios y chi' tak jay.

will be added

X\