Hechos 4

1Re Pedro y re Juan c'a ye'tzijon chiquivach re vinak, tak xe'beka re sacerdotes je quichibil-pa re achi'a' saduceos, y chuka' re ache ec'uay quichin re polic'ias re ye'chajin pa rachoch re Dios. 2Y re achi'a' re' camas yacatajnak quiyoval chiquij re Pedro y re Juan, roma ye'quitijoj re vinak y niquibij chique re vinak andex rubanic tak re Jes'us xc'astaj-a re ru-cuerpo chiquicojol re anama'i', y mare' chuka' re anama'i' can xque'c'astaj, ye'cha'. 3Mare' xe'quitz'am-a re je ca'e' ap'ostoles re', y xe'quiya' pa c'arcel. Y man xban-ta quibiyal re k'ij re', roma xa xk'ak'ij-yan-ka. Xa c'aja re ruca'n k'ij. 4Y je q'uiy c'a chique re vinak xe'niman re ruch'abal re Dios re xtzijos chique. Xaxe re achi'a' xa'pon la'k jun vo'o' mil. 5Y chupan re ruca'n k'ij xquimol-qui' chire' pa Jerusal'en re je principal re jec'o chiquicojol re israelitas, re rejeta'k tak achi'a' re c'o quik'ij, y re je'atamayon re ley quichin re israelitas. 6Y chuka' re An'as re namalaj sacerdote, re Caif'as, re Juan, re Alejandro y conojel re je quiy-quimam can re namalaj tak sacerdotes, xquimol-apo-qui' chuka' quiq'uin. 7Y c'are' xquitak quic'amic re Pedro y re Juan. Y tak jec'o chic-apo chiquivach, xquic'utuj chique: ??Anchique ya'yon k'ij chiva chin che yex niban quire'? ??Y anchok rube' xinataj chin xic'achojsaj re ache? xe'cha'. 8Y re Pedro can nojnak r'anma riq'uin re Esp'iritu Santo, xubij chique: Yex achi'a' re yix principal re yixc'o chupan re katenemit Israel, y yex chuka' rejeta'k tak achi'a' re c'o ik'ij: 9Yex nic'utuj chaka chij re utzil xkaban cha re jun ache niyavaj, chin nitamaj andex rubanic tak xc'achoj. 10Titamaj c'a yex re yixc'o-pa vova', y tiquitamaj chuka' conojel re kavinak israelitas, che re jun ache re c'o vova' chivach xc'achoj tak xkanataj rube' re Jesucristo aj-Nazaret, re Jesucristo re xitak ruquimisasic cho cruz, pero re Dios xuban che xc'astaj-pa re ru-cuerpo chiquicojol re anama'i'. 11Re Jes'us ibanon cha che man jun ndoc-va, can ancha'l niquiban re nic'aj banoy tak jay cha jun aboj, niquibij che xa man jun ndoc-va. Pero re Aboj re' xa jare' re Aboj m'as otz ndel chiquivach conojel aboj. Y re Jes'us xban cha vocame che ja reja' re c'o m'as rajkalen. 12Y xaxe roma reja' tak yojcolotaj chach re kamac. Roma chach re ruch'ulef xa can man jun chic re yi'on-ta-pa chaka yoj re yoj vinak chin che yojcolotaj-ta, xcha' re Pedro. 13Y re principal tak achi'a' can anchique-la xe'quitz'at re Pedro y re Juan. Roma astapa' man q'uiy-ta na'oj c'o quiq'uin, xa can man niquixibij-ta-qui'. Camas c'a k'alaj che reje' xe'c'ue' riq'uin re Jes'us. 14Y man jun chic xquibij chique re je ca'e' ap'ostoles, roma c'o-apo re ache re xc'achojsas. Pa'al-apo chire' quiq'uin. 15Y re Pedro y re Juan xe'lisas-a re anche' jec'o-va re achi'a' re pa camon ye'bano juzgar, chin quire' quion c'a re achi'a' re' ye'nojin can. 16Y re achi'a' re' niquibila' c'a chiquivach: ??Andex como nakaban chique? Roma man jun vinak vova' pa Jerusal'en che man-ta rutaman che xbanataj re jun namalaj milagro re'. Y yoj man yojtiquir-ta nakavovaj chuka'. 17Y xaxe c'a che man ndel-ta m'as rutzijol re xbanataj, que'kaxibij-a, chin quire' man niquitzijoj-ta chic rube' re Jes'us chique re vinak. 18Y tak xe'vayox chic-apo re Pedro y re Juan, xbex chique che man chic que'quitijoj re vinak, y chuka' man chic tiquitzijoj rube' re Jes'us chique re vinak. 19Pero re Pedro y re Juan xe'ch'o-apo, y xquibij chique: Tibij c'a chaka: ??Andex como nubij re Dios, che la ja como re nibij yex re nakaban y man nakaban-ta re nubij re Dios? 20Yoj can man xtakatanaba-ta rubixic chique re vinak re xkatz'at y xkac'axaj riq'uin re Jes'us, xe'cha' re Pedro y re Juan. 21Y jare' tak re achi'a' re pa camon ye'bano juzgar, c'o tzij c'ayef re xe'quibila-a chique re Pedro y re Juan xaxe chin che xe'quixibij. Y c'are' xquiya-a k'ij chique che xe'ba. Y man jun cosa xe'tiquir xquiban-ta chique, roma re vinak xa can niquiya' ruk'ij re Dios, y can ye'quijo' chuka' re je ca'e' ap'ostoles, roma re ache xc'achojsas. 22Roma re ache re' m'as-yan cuarenta rujuna', pero xc'achoj roma re milagro re'. 23Y tak re Pedro y re Juan xe'sk'opes-a, choj xe'tzolaj quiq'uin re je quichibil, y xbequitzijoj chique ronojel re bin-a chique coma re principal tak sacerdotes y re rejeta'k tak achi'a' re c'o quik'ij. 24Y re je quichibil, tak xquic'axaj re xquitzijoj, junan c'a xquiban orar conojel y xquibij chupan re qui-oraci'on: Namalaj Ajaf Dios, rat re xabano ronojel, rat re xabano re rocaj y re jec'o chach, rat re xabano re ruch'ulef y re jec'o chach, rat re xabano re mar y re jec'o chupan. 25Rat xaban che xsamaj re Esp'iritu Santo pa r'anma re asamajel xubini'aj David, chin xubij: ??Anchique c'a roma re pa tak naciones xaxe itzel tak na'oj ye'quibanala', y re vinak re jec'o pa tak tenemit xaxe re man jun rajkalen re ye'quinojela'? 26Y ye'beyacataj-pa re reyes quichin re naciones. Y re je principal re jec'o chiquicojol re nic'aj chic tenemit xquimol c'a-qui', chin xe'yacataj chavij rat Ajaf Dios, y chij chuka' re Cristo re acha'on. Quire' rutz'iban can re David. 27Y can katzij-va, ancha'l re tz'iban can, quire' re xbanataj. Roma re Rey Herodes y re jun chic ache nibano gobernar rubini'an Poncio Pilato, re israelitas y re man je israelitas-ta, xquimol-qui' vova' pa tenemit Jerusal'en chin xe'yacataj chij re Lok'olaj Ac'ajol Jes'us re xatak-pa. 28Pero can nic'atzin c'a che xbanataj re', roma pan ak'a' rat c'o-va re anojim-pa ajuer can, y can ja-va re' re xquiban reje'. 29Ajaf, vocame tatz'eta' che re vinak re' ye'xibin, roma yacatajnak quiyoval chakij yoj re yoj asamajela'. Y mare' yoj nakac'utuj chava che tabana' chaka che man-ta nakaxibij-ki' chin nakatzijoj re ach'abal. 30Y nakac'utuj chuka' chava, che riq'uin re a-poder rat xque'c'achoj-ta re ye'yavaj, y che ye'ban-ta milagros xaxe riq'uin ninatax re rube' re Lok'olaj Ac'ajol Jes'us. Y ronojel re' xtoc-ta chin nik'alajin che can katzij re nakatzijoj chique re vinak. 31Y tak xe'tane' che oraci'on, re anche' quimalon-va-qui' camas xsilon. Y tak nojnak chic re c'anma cha re Esp'iritu Santo, manak c'a ximbire' quiq'uin chin niquitzijoj re ruch'abal re Dios. 32Y je q'uiy vinak re quiniman chic re Jes'us, y conojel reje' junan quivach y xa jun c'anma quibanon. Man jun nibin che can xe-ta richin-ka reja' re c'o riq'uin, roma xa jun quibanon. 33Re ap'ostoles can riq'uin poder niquitzijoj re andex rubanic tak xc'astaj-pa re ru-cuerpo re Ajaf Jes'us chiquicojol re anama'i', y re Dios camas je'rubanon bendecir conojel. 34Y chiquicojol re quiniman chic re Dios, manak c'a mamba'el, roma re c'o culef y c'o cachoch, ye'quic'ayila' y re rajal niquic'uaj-apo chique re ap'ostoles, 35y re mero re' niquijach-apo chique re ap'ostoles chin che nijach chiquivach re nic'atzin che ye'to'. 36Y c'o c'a jun ache chiquicojol rubini'an Jos'e. Y re Jos'e rey-rumam can re Lev'i, y alaxnak pa Chipre. Pero re ap'ostoles xquiya' chic jun rube'. Mare' tak xubini'aj Bernab'e. Y jare' re jun chic rube' re xquiya' re Jos'e, roma reja' can nucukuba-va quic'o'x conojel. 37Y re Bernab'e re' xuc'ayij jun rulef, y re rajal xbo'rjacha' pa quik'a' re ap'ostoles.

will be added

X\