Hechos 11

1Re ap'ostoles y re nic'aj chic hermanos re jec'o pa Judea xquic'axaj che jec'o vinak re man je israelitas-ta re xe'niman re ruch'abal re Dios. 2Mare' tak re Pedro xtzolaj chic pa Jerusal'en, re hermanos israelitas ye'bin che tiene que niban re circuncisi'on chique re nic'aj chic hermanos, astapa' man je israelitas-ta, xe'ch'ojin chach re Pedro, 3y xquibij cha: ??Anchique roma tak rat xatapon quiq'uin re vinak re xa man banon-ta re circuncisi'on chique? ??Y anchique roma can xava-xatuq'uia' chuka' quiq'uin? xe'cha' cha. 4Jare' tak re Pedro xutz'am rubixic chique chij re xbanataj: 5Yen jac'a pa tenemit Jope yinc'o-va. Y jac'a tak yintajin che oraci'on, xintz'at pa jun ancha'l achic' che c'o jun ancha'l moma' manta re je'tz'amon che caje' rutza'n. Y can k'alaj che c'o andex chupan roma can ch'okoch'ic rubanon, y akal c'a pitinak chila' chicaj y choj viq'uin nika-va-pa. 6Y jac'a tak xintzu-xintzu', xintz'at che ronojel quivach chicop je'pitinak chupan re jun ancha'l moma' manta. Jec'o chicop cajcaj cakan, re ye'c'uxun y jec'o man ye'c'uxun-ta. Jec'o chicop c'o quixic' re ye'ba pa cak'ik' y nic'aj chic chicop. 7Y xinc'axaj che c'o jun nich'o-pa chua, y nubij: Pedro, cayacataj. Ca'quimisaj la chicop, y tatija', xcha'. 8Y yen ximbij cha re xch'o-pa chua: Ajaf, yen man xque'ntaj-ta re chicop re'. Yen man jun bey je'ntijon-ta chicop ancha'l re', roma c'utun chinoch che man je ch'ajch'oj-ta, can xajan-va che ye'tij, xincha'. 9Pero re jun re nich'o viq'uin, xch'o chic-pa jun bey chua chila' chicaj, y xubij: Ronojel re ch'ojersan chic-pa roma re Dios, can ch'ajch'oj-va y man tabij che xajan, xincho'x. 10Y oxe' bey re xbex quire' chua, y c'are' re jun ancha'l moma' manta re' xtzolaj chic-a chicaj. 11Y c'are' yen xintz'at che jec'o je oxe' achi'a' xe'bapon pa ruchi-jay re anche' yinc'o-va, yinquicanoj. Re achi'a' re' je'takon-a roma re Cornelio, re jun ache re c'o pa tenemit Cesarea. 12Y re Esp'iritu Santo xubij chua che man timban dudar yimba chiquij. Y chuka' re je vaki' hermanos re aj-chire' pa Jope xe'tzake-a chuij. Y can xojapon-va pa rachoch re ache rubini'an Cornelio. 13Y reja' xutz'am rutzijosic chaka che c'o jun 'angel xuc'ut-ri' chach pa rachoch, y re 'angel re' pa'al-apo riq'uin tak xubij cha: Ca'taka-a achi'a' c'a pa Jope chuyoxic re Sim'on re nibex chuka' Pedro cha. 14Y ja re Pedro re xtibin chava andex xtaban chin quire' yacolotaj rat y conojel re jec'o pan avachoch, xcho'x can roma re 'angel. 15Y tak yen yintzijon chach re Cornelio y chiquivach re vinak re jec'o riq'uin, xka-pa re Esp'iritu Santo pa quive', can ancha'l tak xka-pa pa kave' yoj nabey. 16Y mare' xbeka chinuc'o'x re tzij re je'rubin can re Ajaf Jes'us, che re Juan riq'uin ya' xe'ruban bautizar re vinak. Jac'a yex riq'uin re Esp'iritu Santo xquixban bautizar, quire' rubin can re Jes'us. 17Y vo xa can ja re Dios re xyi'o re Esp'iritu Santo pa quive' re vinak re', ancha'l xuban chaka yoj re kaniman re Ajaf Jesucristo, ??y yin anchique c'a yen chin che xtinch'ojij cha re Dios? 18Y tak re hermanos jec'o pa Jerusal'en quic'axan chic-ka re xubij re Pedro chique, man chic xe'ch'o-ta-apo. Re hermanos re' niquiya' ruk'ij re Dios y niquibij: Re Dios can xuya' chuka' k'ij chique re man je israelitas-ta che nijalataj quic'aslen chach reja' chin che niquivel quic'aslen re man niq'uis-ta, xe'cha'. 19Y jac'a tak xquimisas re Esteban, jare' tak re nic'aj chic hermanos xquitaj pokan pa quik'a' re ye'tzelan quichin. Y mare' tak jec'o xe'ba c'a pa Fenicia, jec'o chuka' xe'ba c'a pa Chipre, y jec'o xe'ba c'a pan Antioqu'ia, y niquitzijoj c'a re ruch'abal re Dios chique re vinak re can je israelitas-va. 20Pero jec'o nic'aj chic achi'a' re aj pa Chipre y aj pa Cirene re xe'bapon pan Antioqu'ia, y re achi'a' re' can man xe-ta chique re vinak israelitas xquitzijoj-va re utzulaj ruch'abal re Ajaf Jes'us, xa can xquitzojola' chuka' chique re vinak re man je israelitas-ta. 21Re ru-poder re Ajaf Dios can c'o-va quiq'uin re achi'a' re'. Mare' tak camas je q'uiy vinak re xe'niman re Ajaf y xjalataj quic'aslen chach. 22Y ronojel re' xapon rutzijol quiq'uin re hermanos re jec'o pa tenemit Jerusal'en. Y re hermanos re jec'o pa Jerusal'en xquichalabej cha re Bernab'e che tiba c'a pan Antioqu'ia. 23Y tak re Bernab'e xapon, xutz'at c'a che re Dios can ruyi'on-va ruk'a' pa rue' re quisamaj re hermanos. Mare' camas xqui'cot r'anma re Bernab'e, y xubij chique conojel che can tiquibana' confiar-qui' riq'uin re Ajaf Jesucristo, y can riq'uin ronojel c'anma que'c'ue' riq'uin re Ajaf. 24Re Bernab'e, jun ache re can rubanon confiar-ri' riq'uin re Dios, y re r'anma can nojnak chuka' riq'uin re Esp'iritu Santo. Reja' jun utzulaj ache. Y re vinak re xe'niman re Ajaf Jesucristo, camas je q'uiy. Quire' c'a xbanataj chupan re k'ij re'. 25Y re Bernab'e xba c'a pa tenemit Tarso, chucanoxic re Saulo. Y tak re Bernab'e xuvel-pa, xuc'am-pa pan Antioqu'ia. 26Y chire' xe'c'ue-va quiq'uin re hermanos. Jun juna' xe'c'ue' quiq'uin, roma reje' camas je q'uiy vinak xe'quitijoj riq'uin re ruch'abal re Dios. Y chire' pan Antioqu'ia xbex-va nabey cristianos chique re xe'tzake' chij re Jesucristo. 27Y chupan c'a re tiempo re', jec'o nic'aj chic hermanos re ye'tzijon re nibex chique roma re Dios. Re hermanos re' xe'el-a pa Jerusal'en, y xe'ba c'a pan Antioqu'ia. 28Y jun c'a chique re hermanos re', ja re Agabo. Y roma re Esp'iritu Santo can ruyi'on-va ch'abal cha, mare' tak xbepa'e-pa chiquivach re hermanos y xubij che xtipa jun namalaj viyjal pa rue' re ruch'ulef, y re namalaj viyjal re' can xpo-va pa ru-tiempo re jun ache re xbano gobernar rubini'an Claudio C'esar. 29Y mare' re hermanos re jec'o pan Antioqu'ia xquinojij c'a che ye'quito-a re hermanos jec'o pa Judea, can che ja'jun che ja'jun c'a niquiya-a re jenipa-oc ye'tiquir niquiya'. 30Y can jac'a re Bernab'e y re Saulo re xe'quitak-a che ja reje' re xe'c'uan-a re jenipa' xmolotaj-a chin ye'quito' re hermanos niquitaj viyjal. Y ronojel re quic'uan-a re Bernab'e y re Saulo, xquijach c'a pa quik'a' re achi'a' ec'uay quichin re hermanos aj pa Judea.

will be added

X\