1 Corintios 14

1Can takatija' kak'ij che yojovan. Y takarayij chuka' riq'uin ronojel k'anma re samaj re ye'ruya' re Esp'iritu Santo chaka chin yojtiquir nakaban. Y camas-ta otz che yoj nakarayij che re Esp'iritu Santo nuban-ta chaka che can yojtiquir nakatzijoj re nibex chaka roma re Dios. 2Quire' nimbij chiva, roma re hermanos re ye'tiquir niquitzijoj re nibex chique roma re Dios, reje' can niquiban chique re vinak che jabal nak'ax pa quive' tak ye'tzijon quiq'uin. Y can niquiban chique re hermanos che ye'q'uiy riq'uin re quic'aslen, roma can jabal nak'ax pa quive' re niquibij chique, niquiya' chuka' quina'oj y can ye'quipaxabaj, y niquibij chique che man jun bey tiquimalij quic'o'x xa roma ye'bison o roma c'o k'axomal pa tak quic'aslen. Jac'a re hermanos re ye'tiquir ye'ch'o pa tak nic'aj chic ch'abal re nuya' re Esp'iritu Santo chique, riq'uin re Dios ye'ch'o-va y man quiq'uin-ta re vinak. Roma man jun tzij re niquibij reje' re xtak'ax-ta pa quive' re ye'c'axan-apo quichin. 4Re hermanos re ye'tiquir ye'ch'o pa tak nic'aj chic ch'abal re nuya' re Esp'iritu Santo chique, xaxe reje' re ye'q'uiy riq'uin re quic'aslen. Jac'a re hermanos re ye'tiquir niquitzijoj re nibex chique roma re Dios, can niquiban chique re hermanos re niquimol-qui' pa rube' re Dios che ye'q'uiy riq'uin re quic'aslen. 5Re ninrayij yen, ja-ta chiyixnojel yixtiquir yixch'o pa tak nic'aj chic ch'abal, pero re m'as ninjo' chiva ja-ta che re Esp'iritu Santo nuban chiva che yixtiquir nitzijoj chiquivach re vinak re nibex chiva roma re Dios. Re hermanos re ye'tiquir ye'ch'o pa tak nic'aj chic ch'abal c'o quijkalen. Jac'a re hermanos re ye'tiquir niquitzijoj re nibex chique roma re Dios, c'o m'as quijkalen. Pero vo xa re xubij re hermano pa jun chic ch'abal cha'nin nisekresas andex ndel-va che tzij, otz chuka' roma can nic'atzin che re hermanos re niquimol-qui' pa rube' re Dios can ye'q'uiy riq'uin re quic'aslen. 6Roma xe-ta yen yinapon chila' iviq'uin yex hermanos y pa jun chic ch'abal yine'ch'o chivach, man jun andex otz nuc'am-pa chiva, roma man nak'ax-ta pan ive'. Pero vo xa can pan ich'abal yine'ch'o chivach y ne'ntzijoj-ta re nibex chua roma re Dios, can c'o-va jun cosa otz re nuc'am-pa chiva. Y chuka' vo xa can yixintijoj, yex c'o cosas nitamaj, o vo xa nintzijoj-ta chivach re xbex chua roma re Dios, o ninc'ut-ta jun ense~nanza chivach, ronojel re' can c'o ndoc-va chiva. 7Ancha'l re tzij re ye'bex pa tak nic'aj chic ch'abal re xa man ye'sekresas-ta re andex ndel-va che tzij, xa junan riq'uin jun xul o jun arpa tak nik'ojmax roma jun vinak re man rutaman-ta nik'ojman, can man k'alaj-ta andex che bix re nuk'ojmaj. Roma xaxe tal choj quire' nik'ajan y man k'alaj-ta andex che bix re nuban. 8Y re nixipun trompeta chin ye'rayoj re soldados che ye'ba pa guerra y vo xa man rutaman-ta nuxipuj re trompeta, re soldados man xtiquimol-ta-qui'. 9Y vo xa yex man yixch'o-ta pa quich'abal re vinak jec'o iviq'uin, can man xtak'ax-ta pa quive' re nibij chiquivach, roma xaxe tal choj quire' xquixch'o. 10Y camas q'uiy rach ch'abal re ye'cusas vova' chach re ruch'ulef, y ronojel ch'abal can c'o-va ndel che tzij, pero xaxe chiquivach re vinak re ye'cusan richin. 11Mare' vo xa yen man ntaman-ta re ruch'abal jun vinak, y reja' nrajo' nich'o viq'uin y yen xa man nak'ax-ta chinoch re nubij chua, chach reja' yen xa can yin juley-va che vinak, roma man nak'ax-ta chinoch re nubij chua. Y quire' chuka' reja' chinoch yen, che reja' can juley-va che vinak. 12Y vo xa yex camas ye'rayij re ye'ruya' re Esp'iritu Santo, otz, xaxe lo que ninjo' nimbij chiva, che man xaxe chiva yex que'c'atzin-va-ka, xa can tirayij che re ye'ruya' re Esp'iritu Santo ye'c'atzin-ta chuka' chique re hermanos re niquimol-qui' pa rube' re Dios. Nuc'am-ta-pa jun q'uiyinen otz pa tak quic'aslen. 13Mare' vo xa jun hermano nitiquir nich'o pa jun chic ch'abal re man rutaman-ta, tuc'utuj cha re Dios che can-ta nitiquir chuka' nusekresaj re andex ndel-va che tzij. 14Roma vo xa yen nimban orar pa jun chic ch'abal re xa man ntaman-ta, re v'anma can katzij che nuban orar, pero cha re nu-pensamiento man jun cosa otz nuc'am-pa. 15Y vo xa quire', ??anchique como nimban yen? Re ninojin che nimban yen tak nimban orar, ja che re v'anma tuna' y quire' chuka' re nu-pensamiento. Y quire' chuka' ninojin che nimban tak yimbixan, che re v'anma can tuna' y quire' chuka' re nu-pensamiento. 16Roma vo xaxe re k'anma nakaban cha che can nuna' tak yojtioxin pa jun chic ch'abal, man xtak'ax-ta pa quive' re ye'c'axan kachin. Y vo xa jec'o re xaxe-oc tal quire' jec'o-apo chire', can man xtak'ax-ta chuka' pa quive' re nakabij y man xkojtiquir-ta xkojtioxin junan quiq'uin. Roma man xk'ax-ta pa quive' re xe'kabila' pa tak nic'aj chic ch'abal chiquivach. 17Tak yoj yojtioxin cha re Dios pa jun chic ch'abal, astapa' camas otz rubixic nakaban cha, pero re ye'c'axan kachin man jun cosa nak'ax pa quive' chin che ye'q'uiy-ta riq'uin re quic'aslen. 18Yen camas nintioxij cha re Dios roma re Esp'iritu Santo ruyi'on k'ij chua che yen camas-va yinch'o pa tak nic'aj chic ch'abal re man je'ntaman-ta, m'as que chivach chiyixnojel yex. 19Pero tak yen yinapon chiquicojol re hermanos re niquimol-qui' pa rube' re Dios, yen nintz'at che m'as otz che yen yinch'o pa jun ch'abal re can jabal nak'ax pa quive' conojel. Roma xe quire' q'uiy cosa niquitamaj re hermanos. Y astapa' man yinyaloj-ta yinch'o chiquivach, pero reje' can c'o-va niquitamaj, astapa' xe ca'e-oxe' ch'abal nimbij chiquivach. Que chach nimbij-ta lajuj mil ch'abal chiquivach re hermanos y xa man nak'ax-ta pa quive' roma xa jun-va chic che ch'abal re yinch'o-va chiquivach. Tak quire' nakaban can man jun ndoc-va, roma xa man jun cosa niquitamaj re hermanos. 20Hermanos, man quixnojin ancha'l ye'nojin re ac'ola', xa quixnojin ancha'l ye'nojin re je nima'k tak vinak. Otz che yixoc ancha'l ac'ola', pero ja riq'uin re ibanabal, roma re ac'ola' manak quimac. 21Chupan re ley chin re Ajaf Dios re tz'iban can, nubij: Yen xque'ncusaj re juley tak vinak re xa pa jun chic ch'abal ye'ch'o-va, chin xquinch'o quiq'uin re vinak israelitas. Pero man riq'uin re', reje' cama-va xtiquic'axaj-ta re nimbij chique. Quire' nubij re Ajaf. 22Y riq'uin re', nakatz'at che re Dios can nuban chaka che yojtiquir yojch'o pa tak nic'aj chic ch'abal, chin che ndoc como jun se~nal chiquivach re vinak re man quiniman-ta re Dios, pero chakavach yoj re kaniman chic re Dios man jun se~nal-ta. Pero tak yoj nakatzijoj re nibex chaka roma re Dios, re' can c'o otz nuc'am-pa chique re quiniman chic re Dios. Pero re man quiniman-ta re Dios man jun otz nuc'am-pa chique. 23Xe-ta yex imalon-ivi' y yixch'o-ta pa tak nic'aj chic ch'abal re man itaman-ta y ye'bapon-ta re hermanos iviq'uin, re man q'uiy-ta quitaman chij re ruch'abal re Dios, o ye'bapon-ta re cama-va quiniman-ta re Dios, reje' xtiquibij chiva che c'o ruyabil ijalom, roma man jun ch'abal re nibij yex re nak'ax-ta pa quive'. 24Roma xe-ta can pan ich'abal yex mismo yixch'o-va tak nimol-ivi', y napon-ta jun vinak re man runiman-ta re ruch'abal re Jesucristo o napon-ta jun hermano re xa man can-ta q'uiy rutaman chij re ruch'abal re Dios, reja' yixruc'axaj tak nitzijoj re xbex chiva roma re Dios, y mare' reja' nuna' che can aj-mac-va y nuna' chuka' che can chiyixnojel yixbin cha che reja' jun aj-mac. 25Y re' can nuban cha re r'anma che ronojel re ye'bex cha can katzij-va. C'are' c'a ye'el-pa pa sakil re jec'o pa r'anma. Mare' reja' xa can jare' xtixuque' y nuya' ruk'ij re Dios, y xtubij che can katzij-va che re Dios c'o chi'icojol. 26Hermanos, ??andex como re m'as ruc'amon che niban? Re m'as ruc'amon che niban yex tak nimol-ivi', ja-ta che ronojel re niban nic'atzin-ta che re hermanos m'as-ta ye'q'uiy riq'uin re quic'aslen. Roma jec'o chiva yex re ye'bixan, jec'o re can ye'quitijoj re vinak cha re ruch'abal re Dios, jec'o re ye'tzijon re nibex chique roma re Dios, jec'o re ye'ch'o pa tak nic'aj chic ch'abal re man je'quitamalon-ta, jec'o re ye'sekresan re ye'quibij re hermanos tak ye'ch'o pa tak nic'aj chic ch'abal re man je'quitamalon-ta. Can-ta ronojel re' ndoc che ye'q'uiy m'as riq'uin re quic'aslen re hermanos re niquimol-qui' pa rube' re Dios. 27Re hermanos re banon chique roma re Esp'iritu Santo che ye'tiquir ye'ch'o pa tak nic'aj chic ch'abal re man je'quitamalon-ta, can xe-ta je ca'e' hermanos ye'ch'o tak nimol-ivi'. Y otz chuka' che ye'ch'o je oxe'. Pero man otz-ta che ye'ch'o je q'uiy. Y chuka' nic'atzin che cada jun ye'ch'o, y c'o-ta jun hermano re nisekresan re andex xquibij pa tak nic'aj chic ch'abal, chin quire' re nic'aj chic hermanos c'o-ta cosas niquitamaj. 28Pero vo xa man jun hermano c'o re nitiquir nisekresan re andex niquibij re hermanos pa tak nic'aj chic ch'abal, m'as otz che man que'ch'o pa tak nic'aj chic ch'abal chiquivach re hermanos re quimalon-qui' chire'. Xaxe chiquivach-ka reje' mismo que'ch'o-va-ka y chuka' can ye'ch'o riq'uin re Dios. 29Re hermanos re ye'bin che can banon chique che ye'tiquir niquitzijoj re nibex chique roma re Dios, que'ch'o je ca'e' o je oxe'. Y re nic'aj chic xe tiquinojij vo xa riq'uin re Dios pitinak-va re niquitzijoj. 30O c'o-ta jun hermano re ntajin chutzijosic chiquivach re hermanos re bin cha roma re Dios, y chupan re mismo rato re' tak nich'o reja', y can jare' tak re Dios c'o-ta jun cosa re nubij cha jun chic hermano re tz'uyul-apo chire' anche' quimalon-va-qui', entonces ja chic c'a reja' re nich'o chiquivach, y re jun chic re nich'o chiquivach nabey xa te'tz'uye', chin nuya' k'ij cha re jun chic re' chin nutzijoj chiquivach re hermanos re andex xbex cha roma re Dios, 31chin quire' c'o modo ye'ch'o conojel re hermanos re ye'tiquir niquitzijoj re xbex chique roma re Dios. Pero nic'atzin che nabey nich'o jun, c'are' nich'o chic jun, can tiquiyabej-qui' chin ye'ch'o. Y re nic'aj chic hermanos can c'o cosas niquitamaj chij re ndoc chique chupan re quic'aslen. 32Roma re hermanos re ye'tiquir niquitzijoj re xbex chique roma re Dios, can ye'tiquir niquiyabej-qui'. Roma re Esp'iritu Santo man nuban-ta chique che can tiquitzijoj-yan re xbex chique roma re Dios. 33Roma re Dios man nika-ta chach che yoj nakaban jun cosa re man pa rubiyal-ta. Reja' nrajo' che yoj nakac'ut che re k'anma otz nuna', roma kaniman chic re Jesucristo. Yex can nic'atzin che niban ancha'l niquiban re je rajc'ual chic re Dios, re niquimol-qui' pa tak nic'aj chic tenemit. 34Tak nimol-ivi' pa rube' re Dios, re ixoki' can ruc'amon che niquiban re nubij re ley chin re Dios, can tiquinimaj tzij y man que'ch'o-apo. Roma can ja re achi'a' ye'ch'o. 35Re ixoki' man ruc'amon-ta che ye'ch'o-apo tak quimalon-qui' re hermanos. Mare' vo xa c'o jun tzij re xa man nak'ax-ta pa quive', tiquic'utuj chique re quichijlal tak ye'bapon pa tak cachoch. 36Yex re yix aj-Corinto, man otz-ta re ninojij. Roma yex niban che can ancha'l che iviq'uin yex pitinak-va re ruch'abal re Dios y mare' ja yex re yixbin re andex niban. Y tiya' pa cuenta che man xe-ta yex re ic'ulun re ruch'abal re Dios, sino que can je q'uiy re quic'ulun chic re ruch'abal re Dios, y reje' man niquiban-ta ancha'l re niban yex. 37Re c'a ba-oc timbij-va-ka chiva can ruch'abal-va re Ajaf Dios. O c'o-ta jun hermano nibin che reja' can nitiquir nutzijoj re nibex cha roma re Dios, can cha'nin xtubij che man xe-ta re nubij reja' riq'uin re Dios pitinak-va, xa can quire' chuka' xtubij chij re ximbij yen chiva che can riq'uin re Dios pitinak-va. O sea c'o-ta chic chuka' jun hermano re nibin che reja' can ec'uan-va roma re Esp'iritu Santo, xa can quire' chuka' xtubij chij re ximbij yen chiva, reja' can xtubij c'a che re ch'abal re ximbij yen chiva, can riq'uin-va re Ajaf Dios pitinak-va. 38Y vo xa jec'o hermanos re can man niquijo-ta niquinimaj che can katzij-va re nimbij, man c'a tiquinimaj. 39Mare' hermanos, can riq'uin ronojel iv'anma tirayij che re Esp'iritu Santo nuban-ta chiva che yixtiquir nitzijoj re nibex chiva roma re Dios. Pero chuka' re hermanos re can ye'tiquir ye'cho pa tak nic'aj chic ch'abal re man je'quitamalon-ta, man tibij chique che man que'ch'o pa tak nic'aj chic ch'abal re man je'quitamalon-ta. 40Y can pa rubiyal que'ibana' ronojel re'.

will be added

X\