Apocalipsis 8

1Y antok ri Alaj Oveja xralasaj-el ri séptimo (chi vuku') sello richin ri vuj ri b'atuon roch (rollo), jun la'k nic'aj huora man jun bulla xu'on chicaj. 2Y xa'ntz'at i-siete (ivuku') ángeles ri i-pa'l-apa choch ri Dios, y xyo'x jujun trompeta chica. 3Xpa jun chic ángel ri ruc'amun-pa jun incensario (b'ucub'al) ri b'anun cha oro, y xalpi'ie' choch ri altar. Y xyo'x-pa q'uiy incienso (puon) cha chi quire' junan nu'on riq'uin ri qui-oraciones ri quiniman ri ruch'ab'al ri Dios, chi nuya-apa choch ri altar ri b'anun cha oro ri c'o choch ri trono. 4Y ri rusib'il ri incienso (puon) riq'uin ri qui-oraciones ri quiniman ri ruch'ab'al ri Dios, can pa ruk'a' ri ángel nca'iel-el y nijotie-el c'a choch ri Dios. 5Y ri ángel xuc'an-apa ri incensario (b'ucub'al) y xunojsaj cha ri k'ak' ri c'o paro' ri altar; y xuq'uiak-pa ri incensario (b'ucub'al) paro' ri roch-ulief. Y ja xu'on ráya, y ch'ab'al, y yocopa', y xu'on jun nem cub'rakan je'. 6Y ri i-siete (ivuku') ángeles ri quic'uan trompetas, can ja xquichojmij-qui' chi niquixupuj ri trompetas. 7Antok ri na'ay ángel xuxupuj ri ru-trompeta, can ja xka sakb'ach y k'ak' xaluon riq'uin quic' paro' ri roch-ulief. Y ri oxe' parte ri chie' xa'c'at y quire' je' nojiel k'ayis. 8Antok ri ruca'n ángel xuxupuj ri ru-trompeta, xintz'at chi inche'l jun nem juyu' nijinin pa k'ak' xc'ak-pa chupan ri mar. Y ri oxe' parte ri mar xuoc quic'; 9rumare' ri oxe' parte ri c'o quic'aslien ri ic'o chupan ri mar xa'con, y ri oxe' parte ri barcos je' ri i-b'anak paro' xa'q'uis. 10Antok ri ruox ángel xuxupuj ri ru-trompeta, xintz'at chi jun nem estrella (ch'umil) nijinin pa k'ak' inche'l jun antorcha, xb'atzak-pa chicaj. Y ri estrella (ch'umil) re' xka pa quive' ri oxe' parte ri ríos y ri pache' nca'lax-ve ya'. 11Y ri estrella (ch'umil) re' c'ay k'ayis rub'e', y ri ya' xu'on c'ay ri pache' xka-ve. Y rumare' iq'uiy vinak ri xa'con. 12Antok ri chi caje' ángel xuxupuj ri ru-trompeta, ri oxe' parte ri k'ij, ri oxe' parte ri ic' y ri oxe' parte ri estrellas (ch'umil), man xquiya' ta chic quisakil. Y manak sakil xc'ujie' ri oxe' parte richin ri pak'ij; y quire' je' xb'anataj ri chak'a'. 13Y ja xinva'xaj y xintz'at chi c'o jun ángel ri b'anak pa nic'aj ri rocaj y cof nu'ej: ¡Juye' quivach ri vinak ri ic'o choch-ulief ruma ri xtib'anataj antok xca'xupux ri oxe' chic trompetas cuma ri ángeles!

will be added

X\