Apocalipsis 7

1Después chirij nojiel re' xa'ntz'at caje' ángeles; y ri ángeles re' i-pa'l pa tak ruxinquine'l ri roch-ulief, quik'atuon ri caje' roch cak'iek', richin chi man nca'b'aka ta ka paro' ri roch-ulief, paro' ri mar y pa quive' ri chie'. 2Y xintz'at je' chi c'o jun ángel jatol-pa pache' ntiel-pa ri k'ij, ruc'amun-pa ri sello richin ri c'aslic Dios. Y ri ángel re' cof xch'o-apa chica ri icaje' ángeles ri yo'n chic poder chica chi niquiq'uis paro' ri roch-ulief y ri mar, 3y xu'ej chica: Man jun yan kax ti'an cha ri roch-ulief, cha ri mar y chica ri chie', hasta c'a antok kayo'n chic ri qui-sellos ri ru-siervos ri Dios chi'quivach. 4Y xinva'xaj chi i-ciento cuarenta y cuatro mil israelitas ri xa'an sellar. Jare' ri vinak richin ri doce (cab'alajuj) tanamet ri ic'o chupan ri Israel. 5Doce (cab'alajuj) mil chiquivach ri i-rumáma can ri Judá. Doce (cab'alajuj) mil chiquivach ri i-rumáma can ri Rubén. Doce (cab'alajuj) mil chiquivach ri i-rumáma can ri Gad. 6Doce (cab'alajuj) mil chiquivach ri i-rumáma can ri Aser. Doce (cab'alajuj) mil chiquivach ri i-rumáma can ri Neftalí. Doce (cab'alajuj) mil chiquivach ri i-rumáma can ri Manasés. 7Doce (cab'alajuj) mil chiquivach ri i-rumáma can ri Simeón. Doce (cab'alajuj) mil chiquivach ri i-rumáma can ri Leví. Doce (cab'alajuj) mil chiquivach ri i-rumáma can ri Isacar. 8Doce (cab'alajuj) mil chiquivach ri i-rumáma can ri Zabulón. Doce (cab'alajuj) mil chiquivach ri i-rumáma can ri José, y doce (cab'alajuj) mil chiquivach ri i-rumáma can ri Benjamín. Ja quinojiel re' ri xa'an sellar. 9Y chirij nojiel re' inre' xintz'at iq'uiy vinak ri nca'pa nojiel naciones, nojiel razas, nojiel tanamet y nojiel ch'ab'al. Quinojiel ri vinak re' ic'o-apa choch ri trono y choch ri Alaj Oveja. Ri vinak re' man jun nitiquir nijilan quichin ruma can iq'uiy. Y can sak ri quitziak ri quicusan, y quic'uan ruxak palma pa quik'a'. 10Y quinojiel can cof niqui'ej: ¡Xojcolotaj! Can ja ri Dios ri tz'uyul pa ru-trono, y ri Alaj Oveja ri xcalo kichin, nca'cha'. 11Y quinojiel ri ángeles i-pa'l chirij ri trono, y chiquij ri ch'itak mámix y ri icaje' ri c'o q'uiy quinak'avach chiquij y chiquivach; y chi niquiya' ruk'ij ri Dios, xa'xuquie-ka y xquikasaj-ka quijaluon c'a pan ulief. 12Y niqui'ej: Amén; ti'an nem cha ri rub'e' ri Ka-Dios, jaja' ri c'o nojiel no'j riq'uin, can nuc'ul niyo'x tiox b'a' cha, niyo'x ruk'ij, ni'e'x chi c'o ru-poder y nojiel nitiquir nu'on richin nojiel tiempo. Amén, nca'cha'. 13Entonces jun chiquivach ri ch'itak mámix xuc'utuj chuva: Quinojiel ri quicusan sak tziak, ¿i-chica ijeje', y pache' i-patanak-ve? xcha' chuva. 14Y inre' xin'ej cha: Atre' avata'n i-chica la. Y jaja' xu'ej chuva: Jare' ri i-alanak chic pa chupan ri gran tribulación, y ri quitziak can sak ruma xquich'aj chupan ri ruquiq'uiel ri Alaj Oveja. 15Y rumare' ic'o-apa choch ri Dios, y chi pak'ij chi chak'a' niqui'an servir; y ri Dios tz'uyul pa ru-trono nca'ru'on cuenta ruma quiq'uin c'o-ve. 16Man xtinem ta chic quipan, ni man chic xtichakej ta quichi'. Man chic xca'c'at ta choch k'ij, man chic xtiquina' ta je' c'atan. 17Ruma ri Alaj Oveja, ri c'o-apa pache' c'o-ve ri trono; jaja' ri nichajin quichin, y can nca'ruc'uaj je' chi nuya' quiya' pache' nca'lax-ve ri c'aslic ya'. Y ri Dios xtisu'n ri ruya'l quinak'avach ijeje'.

will be added

X\