Apocalipsis 6

1Y xintz'at chi ri Alaj Oveja, xralasaj-el ri na'ay sello richin ri vuj ri b'atuon roch (rollo). Y xinva'xaj chi jun chiquivach ri icaje' ri c'o q'uiy quinak'avach chiquij y chiquivach xch'o', y ri rukul can inche'l nik'ajan jun ráya, y xu'ej: ¡Catam-pa y tatz'ata'! 2Y xintz'at jun quiej sak rij, y ri ch'acol chirij ruc'uan jun ch'a' pa ruk'a', y xyo'x jun corona cha. Y jaja' x'a chi nich'acuon, y can xti'ch'acuon. 3Antok ri Alaj Oveja xralasaj-el ri ruca'n sello richin ri vuj ri b'atuon roch (rollo), xinva'xaj chi ri ruca'n chiquivach ri icaje' ri c'o q'uiy quinak'avach chiquij y chiquivach, xch'o' y xu'ej: ¡Catam-pa y tatz'ata'! 4Y xb'a'iel-pa jun quiej quiak rij, y ri ch'acol chirij xyo'x poder pa ruk'a', richin chi nuya' ayoval chiquicajol ri vinak ri ic'o choch-ulief, chi quire' tiquiquimisaj-qui'. Y xyo'x-el jun nem espada cha. 5Antok ri Alaj Oveja xralasaj-el ri ruox sello richin ri vuj ri b'atuon roch (rollo), xinva'xaj chi ri ruox chiquivach ri icaje' ri c'o q'uiy quinak'avach chiquij y chiquivach, xch'o' y xu'ej: ¡Catam-pa y tatz'ata'! Y ja xintz'at jun quiej xak rij, y ri ch'acol chirij ruc'uan jun balanza pa ruk'a'. 6Y xinva'xaj chi c'o jun ri nich'o-pa chiquicajol ri icaje' ri c'o q'uiy quinak'avach chiquij y chiquivach, y xu'ej: Jun denario rajal ca'ye' libras trigo, y jun denario rajal je' vaki' libras cebada. Pero ri aceite de olivo y ri vino man jun kax ta'an chica. 7Antok ri Alaj Oveja xralasaj-el ri chi caje' sello richin ri vuj ri b'atuon roch (rollo), xinva'xaj chi ri ruq'uisb'al chiquivach ri icaje' ri c'o q'uiy quinak'avach chiquij y chiquivach, xch'o' y xu'ej: ¡Catam-pa y tatz'ata'! 8Y ja xintz'at jun quiej k'an rij y ri ch'acol chirij rub'inan Camic. Y chirij jaja' patanak ri ni'e'x Lugar Quichin Quiminaki' cha. Y xyo'x poder chica chi nca'quiquimisaj ri caje' parte ri vinak ri ic'o choch-ulief cha espada, riq'uin vi'jal, riq'uin yab'il y pa quik'a' chicop ri niquic'ux vinak. 9Antok ri Alaj Oveja xralasaj-el ri chi vu'uo' sello richin ri vuj ri b'atuon roch (rollo), xintz'at chi chuxie' ri altar ic'o-ve ri qui-espíritu ri xa'quimisas ruma xquitzijuoj ri ruch'ab'al ri Dios, y ruma je' man xquixi'ij ta qui' xqui'ej chi quiniman ri Dios. 10Ijeje' cof niqui'ej: ¿C'a jampe' c'a Ajaf, Santo y Ketzij, xca'an juzgar ri vinak ri ic'o choch-ulief y jampe' c'a xtaya' ruc'axiel chica ruma xojquiquimisaj? nca'cha'. 11Y xyo'x sak tak tziak chica, y x'e'x je' chica chi c'a ca'uxlan chic b'a' más, ruma c'a ic'o cach'il y qui-hermanos ri xca'quimisas cuma ri vinak, inche'l x'an-el chica ijeje'. 12Antok ri Alaj Oveja xralasaj-el ri chi vaki' sello richin ri vuj ri b'atuon roch (rollo), xintz'at chi xu'on jun nem cub'rakan. Y ri k'ij man xtzu'n ta chic, can xak xu'on, inche'l jun tziak xak ri nicusas antok c'o b'is. Y ri ic' can quiak xu'on, inche'l quic' xu'on. 13Y ri estrellas (ch'umil) xa'b'atzak-pa chicaj y xa'ka-pa paro' ri roch-ulief, can inche'l antok nca'tzak-pa ri roch víquix antok nisilos ruma jun nem cak'iek'. 14Y ri rocaj xuc'ol-el-ri' inche'l antok nib'uot jun vuj. Y nojiel juyu' y nojiel ri islas xa'silos pa tak qui-lugar. 15Ri reyes ri ic'o choch-ulief, ri nic'aj chic ri c'o quik'ij, ri b'ayoma', ri capitanes, ri vinak ri c'o poder pa quik'a', ri esclavos y ri libres, xcavaj-qui' pa tak cuevas y chucajol tak ab'aj ri ic'o choch tak juyu'. 16Y quinojiel ri vinak re' niqui'ej chica ri juyu' y ri ab'aj: Quixtzak-pa chikij; kojivavaj choch ri tz'uyul pa ru-trono, y choch ri rayoval ri Alaj Oveja. 17Ruma ja xalka ri k'ij chi nika ri rayoval pa kave', ¿y chica came xtitiquir xtipi'ie' c'a choch?

will be added

X\