San Mateo 1

1Chupan va libro va, tz'ib'an can ri quib'e' ri i-rate't-rumama' can ri Jesucristo. Ri Jesucristo rumáma can ri rey David, y rumáma can je' ri Abraham. 2Ri Abraham rutata' ri Isaac; ri Isaac rutata' ri Jacob; ri Jacob rutata' ri Judá y nic'aj chic ruchak'-runimal. 3Y ri Judá y ri Tamar quitie-quitata' ri Fares y ri Zara; y ri Fares rutata' ri Esrom; y ri Esrom rutata' ri Aram. 4Y ri Aram rutata' ri Aminadab; ri Aminadab rutata' ri Naasón; y ri Naasón rutata' ri Salmón. 5Y ri Salmón y ri Rahab, rutie-rutata' ri Booz; ri Booz y ri Rut rutie-rutata' ri Obed; y ri Obed rutata' ri Isaí. 6Y ri Isaí rutata' ri rey David; y ri rey David rutata' ri Salomón. Ri Salomón ral ri Betsabé ri raxjayil ri Urías, y después xuoc raxjayil ri rey David. 7Y ri Salomón rutata' ri Roboam; ri Roboam rutata' ri Abías; y ri Abías rutata' ri Asa. 8Y ri Asa rutata' ri Josafat; ri Josafat rutata' ri Joram; y ri Joram rutata' ri Uzías. 9Y ri Uzías rutata' ri Jotam; ri Jotam rutata' ri Acaz; y ri Acaz rutata' ri Ezequías. 10Y ri Ezequías rutata' ri Manasés; ri Manasés rutata' ri Amón; y ri Amón rutata' ri Josías. 11Y ri Josías xc'ujie' jun ralc'ual ri xub'inaj Jeconías y nic'aj chic ralc'ual, chupan ri tiempo antok xa'tz'am y xa'c'uax ri israelitas chi xa'b'ac'ujie' chupan ri Babilonia. 12Y antok ic'o chic chire' Babilonia, ri Jeconías xc'ujie' jun ralc'ual ri xub'inaj Salatiel; y ri Salatiel rutata' ri Zorobabel. 13Y ri Zorobabel rutata' ri Abiud; ri Abiud rutata' ri Eliaquim; y ri Eliaquim rutata' ri Azor. 14Y ri Azor rutata' ri Sadoc; ri Sadoc rutata' ri Aquim; y ri Aquim rutata' ri Eliud. 15Y ri Eliud rutata' ri Eleazar; ri Eleazar rutata' ri Matán; ri Matán rutata' jun chic ri Jacob je' rub'e'. 16Y ri Jacob rutata' ri José ri rachajil ri María. Y ri María xuoc rutie' ri Jesús, ri Cristo. 17Catorce generaciones xa'c'ujie'; nitiquir-pa riq'uin ri Abraham hasta c'a riq'uin ri rey David. Y catorce je' generaciones xa'c'ujie'; nitiquir-pa riq'uin ri rey David hasta c'a chupan ri tiempo antok ri israelitas xa'c'uax Babilonia. Y catorce je' generaciones xa'c'ujie'; nitiquir-pa riq'uin ri tiempo antok ri israelitas xa'c'uax Babilonia, hasta c'a riq'uin ri Cristo. 18Antok xalax ri Jesucristo, quire' xb'anataj: Ri María ri xuoc rutie' ri Jesucristo, jun xtan c'utun chic ruma ri José chi nic'ulie' riq'uin. Pero antok c'a maja' tiquic'an-qui', ri José xuna'iej chi ri María c'o chic encinta (embarazada). Ri María quire' rub'anun xa ruma xka-pa ri Espíritu Santo paro'. 19Pero ri José ri ntuoc rachajil ri María, can jun ala' choj; y mare' man xrajo' ta xralasaj rub'ixic ri María chiquivach ri vinak, rumare' chalak'al nrajo' nuya' can. 20Y jare' nu'on pensar jaja', chi choj chalak'al nuya' can, antok c'o jun ángel richin ri Ajaf xuc'ut-ri' choch pa rachic', y xu'ej cha: José, at rumáma can ri rey David, man taxi'ij-avi' chi ncac'ulie' riq'uin ri María ri ac'utun chic chi ntuoc avaxjayil; ruma ja ri Espíritu Santo ri xka-pa paro', mare' vacame c'o chic encinta (embarazada). 21Ri ac'ual ri xtalax, jun ch'iti ala', y JESUS ri rub'e' ri xtaya'; ruma jaja' xca'rucol ri vinak choch ri qui-pecados. 22Nojiel re' xb'anataj chi nu'on cumplir inche'l ru'e'n ri Ajaf Dios cha jun profeta ri xc'ujie' ojier can tiempo. Y quire' xu'ej: 23Titz'ata' chi c'o jun xtan xtic'ujie' encinta (embarazada). Y can xtalax jun ral-ala', ri xtub'inaj Emanuel. Ri b'i'aj re' nrajo' nu'ej: Ri Dios c'o kiq'uin. 24Antok xc'astaj ri José, can xu'on-na-ve ri x'e'x cha ruma ri ángel richin ri Ajaf. Jaja' can xuc'an-na-ve ri María chi xuoc raxjayil. 25Pero man xvar ta yan riq'uin, hasta c'a xalax ri na'ay ral. Y antok ri José xuya' rub'e' ri ac'ual, JESUS rub'e' xu'on cha.

will be added

X\