Santiago 5

1Vacame c'o ri nivajo' ni'ej chica ri b'ayoma': Quixuok', can tiraka' ichi' quixuok', ruma nem ri sufrimiento ri xtipa pan ive'. 2Ri ib'ayomal k'aynak chic, y ri itziak tak'al chic. 3Ri i-miera pus chic. Y riq'uin re' nik'alajin chi ixre' man jun vinak xito'. Can jo'c ivichin ixre' ximol. Y ri pus richin ri i-miera inche'l xquixruc'ux y inche'l xquixruparuoj. Q'uiy miera imaluon richin ri ruq'uisb'al tak k'ij. 4Y q'uiy miera imaluon, ruma man itajuon ta ri aj-samajiel ri xquimol ri i-cosecha. Y ixre' xi'an ri engaño chica chi quire' man itajuon ta. Y rumare' ri i-muosa niqui'an quejar-qui' y ri Namalaj Ajaf, ri c'o nojiel poder riq'uin, xa'ra'xaj-pa. 5Ixre' b'ayoma', otz ixc'o ruma man jun kax nu'on falta chivach, y b'anak ivánima chirij ri ic'o choch-ulief. Rumare' xixtiojir can inche'l nrajo' ri ivánima, pero xa ya nipa ri camic pan ive'. 6Ixre' b'ayoma' ik'ab'an tzij chiquij ri choj quic'aslien, y i-quimisan, y ijeje' man niqui'an ta defender-qui' chivach. 7Mare' hermanos, ni'ej chiva chi tic'ujie' i-paciencia hasta c'a xtipa-na chic ri Ajaf. Inche'l nu'on jun ache riq'uin ri rutico'n, jaja' c'o ru-paciencia nroyo'iej ri na'ay y ruq'uisb'al job', c'ajare' nu'on cosechar ri tico'n. 8Y quire' je' tib'ana' ixre'. Tic'ujie' i-paciencia. Can tiya' más ivánima riq'uin ri Dios, ruma cierca chic ri k'ij chi xtipa chic ri Ajaf. 9Hermanos, man ti'an acusar-ivi' chib'il-ivi' chi quire' man nquix'an ta juzgar, ruma ri Juez xa cierca chic c'o-ve. 10Can tic'ujie' i-paciencia, inche'l xqui'an ri profetas ojier can tiempo, chi xquitzijuoj ri ruch'ab'al ri Dios. Ijeje' xquicoch' ri sufrimiento. Quire' je' tib'ana' ixre' hermanos. 11Ruma kata'n chi quinojiel ri c'o qui-paciencia chi niquicoch' ri sufrimiento, can ja'al ca'quicuot. Inche'l xu'on ri ache Job ri xc'ujie' ojier can, ri altíra xu'on sufrir. Can ivata'n je' ri xu'on ri Ajaf riq'uin, chi xralasaj-el ri sufrimiento y después q'uiy bendición xuya-pa cha. Ri Ajaf altíra otz y altíra nujoyovaj kavach. 12Pero ri más nic'atzin hermanos, ja chi antok ixre' c'o ri ntivajo' nti'ej, jo'c ti'ej otz o ti'ej ni; pero man ti'an jurar. Man ticusaj ri rocaj ni ri roch-ulief o nic'aj chic kax chi nti'an jurar. Chi quire' man jun castigo xtika pan ive'. 13Y xa c'o jun chicajol ri nu'on sufrir, tub'ana' orar. Xa c'o jun niquicuot ri ránima, tub'ixaj rub'e' ri Dios. 14Xa c'o jun chivach niyavaj, ca'rayuoj ri ancianos richin ri iglesia y tiquib'ana' orar paro'; y pa rub'e' ri Ajaf tiquiya' aceite de olivo chirij. 15Y xa riq'uin cukb'al c'u'x niqui'an orar, ri niyavaj xtu'on sanar. Y ri Ajaf xtupilisaj. Y xa c'o pecado rub'anun, man jo'c ta xtu'on sanar, xa xti'an je' perdonar ri ru-pecado. 16Man tivavaj ri i-pecados, xa ti'ej chivach, y tib'ana' ayudar-ivi' riq'uin oración, chi quire' nquix'an sanar. Y xa jun choj ruc'aslien choch ri Dios, y riq'uin nojiel ránima nu'on orar, can xtic'axax. 17Inche'l xu'on ri Elías, ri profeta ri xc'ujie' ojier can tiempo. Jaja' jun vinak inche'l ojre'. Pero riq'uin nojiel ránima xu'on orar. Jaja' xuc'utuj cha ri Dios chi man tu'on job', y quire' xb'anataj. Oxe' juna' riq'uin vaki' ic' ri man xu'on ta job'. 18Y jun chic b'ay xu'on orar ri Elías y xuc'utuj cha ri Dios chi tub'ana' chic job', y quire' xb'anataj. Y ri ulief xuya' chic tico'n. 19Hermanos, xa c'o jun chivach ri ruyo'n can ri ruch'ab'al ri Dios ri ketzij, y ixre' ntito' chi nitzalaj-pa ránima riq'uin ri Dios, 20tivatamaj c'a, xa ixre' nti'an cha jun ri xu'on pecado chi nitzalaj chic pa ri ránima riq'uin ri Dios, y nuc'uaj chic jun b'ay jun otz c'aslien choch ri Dios, can xito' chi ni'an perdonar nojiel ri ru-pecados ri xa'ru'on, y nicolotaj choch ri camic ri nuc'am-pa ri pecado.

will be added

X\