Santiago 3

1Hermanos, man tirayij nquixuoc qui-maestros ri nic'aj chic hermanos. Ruma xa ojre' ri oj qui-maestros ri nic'aj chic xa man naka'an ta ri nakac'ut, más nem ri castigo ri xtika pa kave' antok xkoj'an juzgar. 2Konojiel q'uiy mul naka'ej ri man otz ta. Y ruma man naka'an ta cuenta-ki' riq'uin ri nca'ka'ej, naka'an pecado, pero xa c'o jun ri man nu'on ta pecado riq'uin ri nca'ru'ej, jun quire', otz ri ruc'aslien. Ruma jun ri nitiquir nuk'il-ri' riq'uin ri nca'ru'ej, can nitiquir je' nuk'il nojiel ri ru-cuerpo. 3Ojre' nakaya' freno pa quichi' ri quiej, ruma jo'c riq'uin ri freno re' ri quiej nca'niman y nkojquic'uaj pache' nakajo' nku'a-ve. 4Quire' je' niqui'an ri barcos paro' ri ya'. Mesque can i-nima'k y i-uc'uan ruma cak'iek' ri altíra quichuk'a', pero ri nca'c'uan quichin ri barcos, jo'c ri timón niquisiluoj chi nca'a chica-na lugar ri nicajo'. 5Quire' je' nu'on jun ch'iti k'ak'; mesque altíra co'l-oc, can nitiquir nuq'uis jun nem li'aj chie'. Y quire' je' ri avak'; man nem ta, pero riq'uin ri tzij ri nca'ru'ej, q'uiy nitiquir nu'on. 6Ri kak' inche'l jun k'ak', y jare' ri ni'e'n nojiel ri itziel tak tzij. Ri kak' yo'n-pa ruma nic'atzin chika, pero xa jare' ri nib'ano tz'il cha nojiel ri ka-cuerpo. Man otz ta nu'on cha ri kac'aslien, ruma ja ri itziel nicusan richin. 7Ri vinak nca'tiquir chiquij nojiel quivach chicop ri nca'in choch-ulief, ri c'o quixic', ri cumatz, y ri chicop ri ic'o chupan ri mar. 8Pero man jun nitiquir nuk'il ri rak'. Ri kak' xa can itziel-ve, xa nojnak riq'uin inche'l vaniena ri niquimisan. 9Riq'uin ri kak' nakaya' ruk'ij ri Katata' Dios, y riq'uin je' ri kak' nca'kakal ri vinak ri i-rachib'al ri Dios. 10Riq'uin ri kachi' nakaya' ruk'ij ri Dios, y riq'uin je' ri kachi' nca'kakal ri vinak. Hermanos, man otz ta naka'an quire'. 11Ruma ixre' ivata'n chi chupan jun nacimiento richin ya', man ntiel ta pa utzulaj ya' y c'ay ya'. 12Hermanos, quire' je' jun mata víquix man xtuya' ta aceituna. Ni jun mata uva xtuya' ta víquix. Quire' je' chupan jun nacimiento richin ya' man ntiel ta pa utzulaj y tzay ya'. 13Hermanos, ¿c'o came jun chicajol ri c'o runo'j y c'o q'uiy rata'n? Xa c'o, tuc'utu' chupan ri ruc'aslien y otz runo'j tub'ana'. Man tuna' chi nem, xa manak-oc rakalien tuna' riq'uin ri runo'j. 14Pero xa ixre' itziel ntitz'at jun ruma otz c'o, y ntivajo' je' chi jo'c ta ixre' ri ix nima'k; xa quire' nti'an, man ti'ej chi q'uiy ivata'n. Ruma xa quire' nti'an, can k'alaj chi xa man jun kax ivata'n, xa ntitz'ak tzij. 15Ruma jun no'j quire', man patanak ta chicaj riq'uin ri Dios. Xa richin ri roch-ulief. Xa quichin vinak. Xa richin ri itziel. 16Ruma xa ixre' itziel ntitz'at jun ruma otz c'o, y ntivajo' chi jo'c ta ixre' ri ix nima'k; ixre' xa ix tz'ucuy-ayoval y ix b'anoy nojiel roch itziel tak kax. 17Pero xa ja ri no'j ri patanak chicaj ri c'o iviq'uin, can xtivuc'uaj jun c'aslien sak, man xti'an ta ayoval, otz ino'j xti'an quiq'uin quinojiel, xtivaxaj ja'al y xti'an pensar otz ri chica nicajo' ri vinak chiva, y xtijoyovaj quivach quinojiel. Can xti'an je' nojiel ri otz, man caca' ta ic'u'x, ni man ca'ye' ta je' ipalaj. 18Xa quire' xti'an, c'o otz nuc'am-pa, ruma iq'uiy ri xtiquic'uaj jun choj c'aslien ivuma. Can xquixtz'iet cuma ri vinak chi ixre' man ntivajo' ta ayoval chicajol y ntitej ik'ij chi man jun ayoval xtib'anataj.

will be added

X\