Hebreos 13

1Hermanos, siempre tivajo-ivi', can inche'l ri ib'anun-pa. 2Man timastaj chiva chi antok ic'o hermanos nca'lka chi'ivachuoch, can otz qui'b'ana' recibir, y tiya' qui-posada. Ruma kata'n chi ic'o xa'qui'an recibir ángeles y ri xa'b'ano recibir man xquina'iej ta chi xa ángeles ri xa'lka. 3Y man qui'mastaj ri ic'o pa tak cárceles. Tib'ana' inche'l xa ixre' ri ix-tz'apal. Y man qui'mastaj ri niqui'an sufrir pa quik'a' nic'aj chic. Tib'ana' inche'l xa ixre' ri nti'an sufrir. 4Tib'ana' respetar ri ic'ulub'ic. Ruma ri ache y ri ixok ri i-c'ulan, man pecado ta niqui'an nca'c'ujie' junan. Pero ri i-c'ulan ri niquic'uaj-qui' riq'uin jun chic, y ri man i-c'ulan ta ri niquicanuj-qui' chi niqui'an pecado, can pecado niqui'an. Y ri Dios xca'ru'on juzgar quinojiel ri quire' niqui'an. 5Man ti'a ivánima chirij ri miera, xa tiquicuot ivánima riq'uin ri c'o iviq'uin vacame. Ruma ri Dios ru'e'n: Can nojiel k'ij inc'o aviq'uin y man jun b'ay xcanya' can. Quire' ru'e'n ri Dios. 6Y rumare' riq'uin nojiel kánima naka'ej: Ja ri Ajaf nito'n vichin. Rumare' man nixi'ij ta vi' chiquivach ri vinak ri c'o ri chica nicajo' niqui'an chuva. 7Ca'nataj chiva quinojiel ri pastores, ruma ijeje' xquic'ut ri ruch'ab'al ri Dios chivach. Titz'ata' ri quic'aslien, ijeje' can xquiya' cánima riq'uin ri Dios. Can tib'ana' c'a ixre' inche'l xqui'an ijeje'. 8Ri Jesucristo ja mismo ivir, quire' vacame, chua'k y richin nojiel tiempo. 9Man tiya' lugar chi nquixuc'uax ruma ri tzij ri nca'c'ut ri man inche'l ta nu'ej ri ruch'ab'al ri Dios. Ri más otz nti'an ixre', tiya' ivánima riq'uin ri tzij ri nich'o' chirij ri ru-favor ri Dios, y man tiya' ivánima riq'uin ri tzij ri nca'ch'o' chirij ri chica otz nca'tij y ri chica man otz ta nca'tij. Ruma ic'o ri niqui'an ri niqui'ej ri tzij re', y man jun otz nuc'am-pa cha ri quic'aslien. 10Ojre' c'o c'a jun ka-altar, pero man junan ta riq'uin ri altar ri nca'yo'x chicop paro' chire' pa rachuoch ri Dios. Rumare' ri nca'samaj pa rachuoch ri Dios, manak che'l nca'va' chire'. 11Ri sacerdote ri más c'o ruk'ij nuc'uaj-apa quiquiq'uiel chicop y ntuoc chupan ri Lugar Santísimo ri c'o pa rachuoch ri Dios, y ri quic' re' nuya' choch ri Dios chi ni'an perdonar ri pecado. Pero ri qui-cuerpo ri chicop nca'lasas-el pa tanamet y nca'parox. 12Y ri Jesús quire' je' x'an cha. Jaja' can xalasas-el chupan ri tanamet, xu'on sufrir y xcon. Can x'in ri ruquiq'uiel kuma konojiel, chi xuch'aj ri kánima. 13Rumare', kojiel-el ojre' chupan ri tanamet y jo' pache' x'an-ve cha jaja'. Y man takaxi'ij-ki' naka'an sufrir inche'l xu'on sufrir ri Jesús. 14Ruma vave' choch-ulief man jun tanamet ri c'o richin nojiel tiempo. Pero ri tanamet ri nakacanuj ojre', can richin nojiel tiempo xtic'ujie' y chire' xkojc'ujie-ve. 15Y ruma ja ri Jesús xcon kuma ojre', man chic nic'atzin ta chi nakaya' chicop choch ri Dios. Ri naka'an vacame, xa kaya' ruk'ij ri Dios pa rub'e' ri Jesús. Can siempre takaya' ruk'ij, takab'ixaj ri rub'e' y ka'ej je' chi jaja' kaniman. 16Man takamastaj naka'an ri otz y man takamastaj je' ri nic'atzin chi nca'kato' nic'aj chic. Ruma jare' ri nika choch ri Dios chi naka'an. 17Can quixniman chica ri pastores, ruma ijeje' ri nca'chajin ri ivánima, y xtiquiya' cuenta choch ri Dios ruma ri xqui'an. Quixniman chica chi quire' nca'quicuot niqui'an ri samaj. Ruma xa man nquixniman ta, ijeje' xca'b'isuon rumare', y re' man otz ta nuc'am-pa chiva. 18Tib'ana' orar pa ka-cuenta, ruma ojre' nakana' chi man jun itziel kax c'o pa kajaluon y riq'uin kánima, ruma siempre nakarayij naka'an ri otz. 19Pero ri más nic'utuj chiva, ja chi tib'ana' orar más pa nu-cuenta, chi quire' cha'nin xquinalka iviq'uin. 20Y ri Dios ri niyo'n paz riq'uin kánima, y xuc'asuoj chiquicajol ri quiminaki' ri Kajaf Jesucristo ri Namalaj Pastor kichin ojre' ri oj ru-ovejas, ruma jaja' xcon y x'in ri ruquiq'uiel, chi quire' xc'achoj ri pacto ri xu'on ri Dios kiq'uin richin nojiel tiempo, 21xtuya' nojiel ru-bendición ri nic'atzin chiva, chi quire' can xquixtiquir nti'an ri nrajo' jaja'. Y ruma ri Jesucristo, ri Dios xtu'on je' chiva chi ixre' ntivajo' nti'an jo'c ri nika choch jaja'. Can tiyo'x ruk'ij richin nojiel tiempo. Amén. 22Hermanos, inre' ni'an rogar chiva chi tivaxaj otz ri tzij ri xintz'ib'aj chupan va carta va, ruma riq'uin ri tzij re', inre' nquixtijuoj y quire' je' xa man nem ta xin'an-el cha. 23Ni'ej chiva chi ri hermano Timoteo ya xiel-pa pa cárcel; y xa xtalka cha'nin viq'uin, nivuc'uaj-el antok xquixb'atz'ata'. 24Tiya' jun saludo chica quinojiel ri hermanos pastores y ri nic'aj chic santos hermanos. Ri hermanos aj-Italia niquitak-el je' jun saludo chiva. 25Ja ta ri ru-favor ri Dios tic'ujie' iviq'uin chi'ixvonojiel. Amén.

will be added

X\