3 San Juan 1

1Inre' Juan, ri anciano chiquicajol ri hermanos, nitz'ib'aj-el va carta va chava atre' hermano Gayo, ruma ketzij ncanvajo'. 2Atre' ri altíra ncanvajo', inre' nivajo' chi nojiel ta otz ntiel chavach y man ta xcayavaj. Can inche'l rub'anun ri av-espíritu ri can otz choch ri Dios. 3Inre' altíra xiquicuot, ruma ic'o nic'aj hermanos xa'lka viq'uin y xquitzijuoj can chuva chi ketzij at-b'anak chirij ri ketzij. 4Y antok niva'xaj chi ri i-inche'l valc'ual quic'uan ri ketzij, can inche'l nu'ej ri ruch'ab'al ri Dios, altíra nquiquicuot y man jun chic nib'ano chuva chi nquiquicuot más inche'l va. 5Atre' ri altíra ncanvajo', riq'uin ri otz ri na'an, can nac'ut chi ayo'n avánima riq'uin ri Dios, ruma nca'to' ri hermanos ri ic'o pan atanamit. Y quire' je' na'an chica ri hermanos ri nca'pa naj. 6Y ijeje' xquitzijuoj chica ri hermanos antok ic'o pan iglesia. Xquitzijuoj chi can nca'vajo' ri hermanos. Rumare' inre' nic'utuj favor chava chi nojiel mul antok nca'k'ax aviq'uin, taya-el ri nic'atzin chica, chi quire' ijeje' niqui'an ri rusamaj ri Dios. 7Ijeje' i-b'anak ruma nicajo' niquitzijuoj ri Jesucristo chica ri vinak ri maja' tiquinimaj, y man jun kax nicajo' niquic'an chiquik'a' ri vinak re'. 8Rumare' nic'atzin chi ojre' ri nkojto'n-el quichin. Y riq'uin re', ojre' je' naka'an rusamaj ri Dios, ruma nca'kato-el antok i-b'anak chi niquitzijuoj ri ketzij. 9Xintak yan el jun carta chica ri hermanos ri niquimol-qui' pan iglesia chire' pan atanamit. Pero ri ache ri Diótrefes rub'e' man xunimaj ta ri xin'ej, ruma jaja' can altíra nika choch chi nu'on nem chiquicajol ri hermanos. 10Rumare' xa xquib'aka iviq'uin, xtin'ej chiquivach ri hermanos ri nu'on jaja', ri nca'ru'ej chikij ri xa man i-ketzij ta. Y man jo'c ta re' ri nca'ru'on. Man nca'ru'on ta recibir ri hermanos ri nca'k'ax riq'uin. Y man nuya' ta je' lugar chica ri nic'aj chic hermanos chi nca'qui'an recibir ri nca'b'aka quiq'uin. Y xa man nca'niman ta cha, nca'ralasaj-el chupan ri iglesia. 11Ri altíra ncanvajo', ni'ej chava: Man ta'an ri man otz ta inche'l niqui'an ri nic'aj. Xa tab'ana' ri otz. Ruma ri nib'ano ri otz, can richin ri Dios. Pero ri nib'ano ri man otz ta, man rata'n ta roch ri Dios. 12Quinojiel nca'e'n chi otz ri nu'on ri hermano Demetrio, y ketzij chi quire' ri nu'on. Ojre' quire' je' naka'ej. Y ixre' ivata'n chi ojre' man nakatz'ak ta tzij antok naka'ej quire'. 13C'o q'uiy ri nivajo' ni'ej chava. Pero man nivajo' ta nitz'ib'aj más chupan va carta va. 14Ruma nivajo' nquib'aka yan aviq'uin y c'ajare' xkojtzijuon otz aviq'uin. 15Ja ri paz tic'ujie' aviq'uin. Ri hermanos ri ic'o vave' niquitak-el jun saludo chava. Taya' jun saludo chica cada hermano ri ic'o chire'.

will be added

X\