1 Timoteo 2

1Vacame c'a ni'ej chava chi siempre tic'utux cha ri Dios ri nic'atzin, can siempre ti'an orar, y siempre tiyo'x tiox b'a' cha. Quire' ti'an pa qui-cuenta quinojiel ri vinak. 2Tic'utux c'a cha ri Dios chi ca'ruto' quinojiel ri reyes y chi ca'ruto' je' ri nic'aj chic gobernadores chi quire' otz nkojc'ujie' konojiel y man jun kax nakac'ul. Y xtakuc'uaj ta je' jun c'aslien otz choch ri Dios y chiquivach ri vinak. 3Ruma jare' ri otz y ri nika choch ri Dios ri nicalo kichin. 4Ruma jaja' nrajo' chi quinojiel ta ri vinak nicatamaj ta ri ketzij y nca'colotaj ta chupan ri qui-pecados. 5Ruma jo'c jun Dios c'o, y chucajol ri Dios y ri vinak jo'c Jun c'o ri nib'ano chi nca'b'aka ri vinak riq'uin ri Dios, y ri nib'ano re' ja ri Jesucristo ri xuoc vinak inche'l ojre'. 6Jaja' xuya' rutzij chi xquimisas chi xutoj ri ka-pecados konojiel. Y re' xtzijos antok xalka ri tiempo. 7Y ri Dios xirucha' inre' chi xinuoc jun apóstol chi nitzijuoj ri ruch'ab'al y chi xinuoc maestro quichin ri man israelitas ta chi tiquicukub'a' quic'u'x riq'uin ri Jesucristo y ticatamaj ri ketzij. Can ketzij ri ni'ej, y ri Cristo can nutz'at-pa ri vánima chi inre' man nitz'ak ta tzij. 8Inre' nivajo' c'a chi ri achi'a' tiquib'ana' orar chica-na lugar. Y antok niqui'an orar, tiquipilisaj quik'a' santa chicaj, y can sak ta ri cánima y man jun ta ayoval c'o riq'uin cánima. 9Y quire' je' ri ixoki', tiquicusaj quitziak ri man nak'ax ta ruve' niqui'an cha. Niqui'an ta pensar otz nojiel ri nca'qui'an y ja ta ri más choj ri niqui'an. Man tak'ax ruve' ri niqui'an cha ri rub'anic ri quive' jo'c chi ca'tz'iet cuma ri vinak. Man tiquicusaj ri oro antok niquivak-qui' y man tiquicusaj ri perlas, y man tiquicusaj tziak ri cara cajal. 10Ri más otz chi niqui'an ri ixoki' ri can quiniman chic ri Dios ja chi tiquib'ana' favor chica quinojiel, can inche'l ruc'amun chi niqui'an ri niqui'ej chi quic'uan jun c'aslien ri nika choch ri Dios. 11Y ni'ej je' chi antok nitzijos ri ruch'ab'al ri Dios, ri ixoki' jo'c tica'xaj, man ca'ch'o' y ca'niman. 12Ruma inre' man niya' ta permiso chi ri ixoki' más nem niqui'an chiquivach ri achi'a', ni chi nca'quitijuoj ri achi'a'. Xa man jun tzij tiqui'ej. 13Ruma ri Dios, na'ay xu'on ri Adán, y después xu'on ri Eva. 14Y man ja ta ri Adán x'an engañar, xa ja ri Eva ri x'an engañar y chire' xpa ri pecado. 15Y ri ixok xticolotaj ruma nca'ruq'uiytisaj ri ral, vi xa nucukub'a' ruc'u'x riq'uin ri Dios, xa c'o ri amor riq'uin ránima, xa nuc'uaj jun c'aslien sak, y xa jo'c ta ri otz nu'on.

will be added

X\