1 San Pedro 4

1Antok ri Cristo xc'ujie' choch-ulief, xu'on sufrir kuma konojiel. Y ja je' no'j re' tic'ujie' iviq'uin, man timalij ic'u'x nti'an sufrir. Y xa ixre' nti'an sufrir ruma iniman ri Cristo, can k'alaj chi ya xiya' can ri pecado, 2chi quire' ri jane' (jaro') chic tiempo ri xquixc'asie', can ja ta ri nurayij ri Dios ri nti'an y man ja ta ri itziel tak kax ri nca'quirayij ri vinak. 3Man chic ti'an ri nca'ka chiquivach ri vinak ri man cata'n ta roch ri Dios. Ruma ri tiempo antok xi'an quire', xa ya xak'ax. Antok man xixq'uix ta xi'an nojiel roch itziel tak kax. Can xi'an nojiel ri itziel tak kax ri xirayij. Xixk'ab'ar. Xi'an namak'ej ri man i-otz ta. Ximol-ivi' chi xikun avarienta. Xiya' quik'ij ri ídolos, inche'l xivajo' xi'an. 4Rumare' ri vinak ri man cata'n ta roch ri Dios, can vor chica yan chic nquixquitz'at, ruma ixre' man nti'an ta chic ri itziel tak kax ri niqui'an ijeje'. Y rumare' itziel nca'ch'o' chivij. 5Pero ri vinak re' can xtiquiya' cuenta choch ri Dios ri can listo chic c'o chi nca'ru'on juzgar ri ic'as, y ri i-quiminak chic el. 6Rumare' ri evangelio can xtzijos je' chica ri i-quiminak chic el antok c'a ic'as. Ijeje' xca'an juzgar inche'l ni'an chica quinojiel vinak. Pero xtzijos chica, chi quire' xquil ta ri c'aslien riq'uin ri Dios. 7Y ri k'ij chi nca'q'uis ri kax ri ic'o, xa cierca chic c'o, rumare' ixre', tib'ana' pensar otz ri chica nqui'an, y man quixtanie' chi nti'an orar. 8Y ri más nic'atzin nti'an ixre', ja chi riq'uin nojiel ivánima tivajo-ivi', ruma xa ixre' ntivajo-ivi', can cha'nin je' tib'ana' perdonar ri c'o ch'o'j niqui'an. 9Y riq'uin nojiel ivánima tiya' qui-posada ri nca'lka iviq'uin. 10Can chi'ijunal c'o isamaj xuya' ri Dios ruma altíra nquixrajo'. Rumare' kacusaj c'a ri ruyo'n-pa ri Dios chika, chi nca'kato' ri nic'aj chic ri quiniman ri Dios. Kojuoc utzulaj tak samajiel, kab'ana' chikajunal ri diferente roch samaj ri ruyo'n-pa ri Dios chika. 11Y xa c'o jun chivach ri b'anun-pa cha chi nutzijuoj ri ruch'ab'al ri Dios, can tutzijuoj inche'l nu'ej ri ruch'ab'al ri Dios. Y xa c'o jun ri xa jun chic roch samaj ruyo'n-pa ri Dios cha, man tumastaj chi ja ri Dios ya'yuon-pa ru-poder chi nitiquir nu'on ri samaj. Riq'uin re', xtiyo'x ruk'ij ri Dios ruma ri xu'on ri Jesucristo. Jaja' c'o ruk'ij y c'o poder pa ruk'a' richin nojiel tiempo. Amén. 12Hermanos ri altíra nquixvajo', man quixchapataj antok nquixb'aka chupan jun sufrimiento y ntina' chi inche'l chupan jun k'ak' ixc'o-ve, xa richin nquixtojtob'ax. 13Pa ruc'axiel re', xa quixquicuot ruma ixre' je' nti'an sufrir inche'l xu'on sufrir ri Cristo. Chi quire' antok xtalka ri k'ij chi nik'alajin chi ri Cristo can c'o-ve ruk'ij, can altíra xquixquicuot. 14Y xa ruma iniman ri Cristo ni'e'x pakon tak tzij chiva, can ja'al quixquicuot rumare', ruma iviq'uin ixre' c'o-ve ri Ru-Espíritu ri Dios, y ri Espíritu re' c'o ruk'ij. Ri nca'b'ano quire', xa chirij ri Espíritu Santo niqui'ej-ve ri pakon tak tzij. Pero ixre' ntiya' ruk'ij ri Espíritu Santo. 15Man jun chivach c'a tiquimisan, man jun talak', y man jun je' tuju-ri' pache' man otz ta. Y man jun tu'on itziel tak kax. Ruma xa c'o jun ri nu'on sufrir ruma xu'on jun ch'o'j, man otz ta. 16Pero xa nu'on sufrir ruma runiman ri Cristo, man tiq'uix, xa tuya' ruk'ij ri Dios rumare'. 17Ruma xalka ri k'ij chi ri Dios nuya' lugar chi naka'an sufrir ojre' ri oj ralc'ual chic jaja'. Y xa ojre' naka'an sufrir na'ay, ¿chica sufrimiento xtika pa quive' ri man quiniman ta ri nu'ej ri ru-evangelio ri Dios? 18Y xa ojre' ri kaniman ri Cristo y kuc'uan jun choj c'aslien, xa q'uiy problemas nakak'asaj chi nkojcolotaj, ¿chica c'a manera xca'colotaj ri man quiniman ta, y man quic'uan ta jun choj c'aslien choch ri Dios? 19Rumare', xa ixre' nti'an sufrir ruma quire' nrajo' ri Dios, man timastaj chiva nti'an ri otz y tijacha-ivi' pa ruk'a' ri Dios, ruma jaja' ri b'anayuon-pa ivichin, y jaja' man jun b'ay xquixruya' can.

will be added

X\