1 San Juan 4

1Ixre' ri altíra nquixvajo', man tinimaj jun jo'c ruma nu'ej chi riq'uin ri Espíritu Santo patanak-ve ri nu'ej. Ixre' nic'atzin chi ntivaxaj otz ri nu'ej, chi quire' ntina'iej xa ketzij chi riq'uin ri Espíritu Santo patanak-ve ri nu'ej. Ruma iq'uiy falsos profetas i-alanak choch-ulief. 2Y ixre' nquixtiquir ntina'iej xa riq'uin ri Ru-Espíritu ri Dios patanak-ve o manak ri niqui'ej. Xa niqui'ej chi ri Jesucristo xuoc vinak inche'l ojre', k'alaj chi ja ri Espíritu Santo richin ri Dios ya'yuon ri tzij chica. 3Y xa niqui'ej chi ri Jesucristo man xuoc ta vinak inche'l ojre', k'alaj chi man ja ta ri Ru-Espíritu ri Dios ya'yuon ri tzij chica. Xa ja ri ru-espíritu ri anticristo ri ya'yuon ri tzij chica. Y ja espíritu re' ri ivaxan chi nipa, y vacame c'o chic choch-ulief. 4Ixre' ri ix inche'l tak valc'ual, ix richin chic ri Dios, y xixch'acuon yan chiquij ri nca'tz'ako tzij, ruma ri Espíritu Santo c'o riq'uin ivánima. Y jaja' c'o más nem ru-poder que choch ri c'o riq'uin cánima ri vinak ri man quiniman ta ri Dios. 5Ri i-tz'akoy-tzij man i-richin ta ri Dios, rumare' jo'c ri tzij richin ri roch-ulief ri nca'qui'ej, y quinojiel ri vinak ri man quiniman ta ri Dios, can nica'xaj ri niqui'ej. 6Pero ojre' oj richin chic ri Dios. Ri rata'n chic roch ri Dios, otz nra'xaj ri naka'ej cha. Pero ri man richin ta ri Dios, man otz ta nra'xaj ri naka'ej cha. Y riq'uin re' k'alaj ri chica vinak ri c'o ri ketzij Espíritu riq'uin. Y k'alaj je' ri vinak ri c'o ri man ketzij ta espíritu riq'uin. 7Ixre' ri altíra nquixvajo', ni'ej chiva: Kajo-ki'. Ruma ri amor can patanak riq'uin ri Dios. Xa nakajo-ki', k'alaj chi oj-alaxnak chic jun b'ay y oj ralc'ual chic ri Dios, y kata'n je' otz roch. 8Pero xa man nakajo' ta ki', k'alaj chi man kata'n ta roch ri Dios, ruma ri Dios can amor. 9Y ri Dios xuc'ut chakavach chi nkojrajo', ruma mesque jaja' jo'c jun Ruc'ajuol c'o, can xutak-pa choch-ulief chi xuya' ri c'ac'ac' c'aslien chika. 10Y can k'alaj c'a chi ri Dios ketzij nkojrajo', ruma jaja' ri xojajo'n na'ay, y man ojre' ta xojajo'n na'ay. Rumare' xutak-pa ri Ruc'ajuol chi xcon kuma, chi x'an perdonar ri ka-pecados. 11Ixre' ri altíra nquixvajo', xa ri Dios quire' xu'on chi xojrajo', quire' je' kab'ana' ojre', can kajo-ki'. 12Man jun tz'atayuon roch ri Dios. Pero xa nakajo-ki', can k'alaj chi ri Dios c'o riq'uin kánima. Ruma ri amor richin ri Dios nu'on chika chi más nakajo-ki'. 13Y kata'n je' chi jo'c jun chic kab'anun riq'uin ri Dios y jaja' c'o riq'uin kánima, ruma ruyo'n ri Ru-Espíritu chika. 14Y ojre' can xkatz'at ri Ruc'ajuol ri Dios, y rumare' nakatzijuoj chica quinojiel ri vinak chi ketzij chi ri Katata' Dios xutak-pa ri Ruc'ajuol, ri Qui-Salvador (caloy-quichin) quinojiel ri vinak ri ic'o choch-ulief. 15Y chica-na ri ni'e'n chi ri Jesús Ruc'ajuol ri Dios, c'o ri Dios riq'uin ránima, y jo'c jun chic rub'anun riq'uin. 16Y ojre' xkatamaj y xkanimaj chi ri Dios can nkojrajo-ve, ruma jaja' can amor. Y xa ojre' nakajo-ki', k'alaj chi ojc'o riq'uin ri Dios, y jaja' c'o riq'uin kánima. 17Y riq'uin re' nik'alajin chi ri ru-amor ri Dios c'o kiq'uin. Rumare' man xtakaxi'ij ta ki' antok xtalka ri k'ij chi ri Dios xtu'on juzgar, ruma kuc'uan jun c'aslien inche'l ruc'aslien ri Jesucristo. 18Y xa nakajo' ri Dios, man jun chica ruma xtakaxi'ij-ki' choch. Ruma xa riq'uin nojiel kánima naka'an amar, re' nu'on chika chi man nakaxi'ij ta ki' choch ri Dios. Pero ri nuxi'ij-ri', can k'alaj chi man najo'n ta riq'uin nojiel ránima, y re' nuc'am-pa castigo. 19Ojre' nakajo' ri Dios, ruma jaja' xojrajo' na'ay. 20Y xa c'o jun ni'e'n chi nrajo' ri Dios y xa itziel nutz'at jun ru-hermano, man ketzij ta ri nu'ej. Ruma xa man nrajo' ta ri ru-hermano ri can nutz'at, ¿che'l nrajo' ri Dios, ri man jun b'ay rutz'atuon? 21Rumare' ri Dios ruyo'n ri mandamiento chi ca'kajo' ri ka-hermanos. Y xa nakajo' ri Dios, can ca'kajo' je' ri ka-hermanos.

will be added

X\