1 San Juan 1

1Nitz'ib'aj chiva chirij ri Cristo ri can c'o-ve antok c'a maja' c'o ri roch-ulief. Can xkaxaj ri ruch'ab'al. Can xkatz'at riq'uin ri kanak'avach. Y can xkatz'om cha kak'a'. Jaja' ri Ch'ab'al ri niyo'n c'aslien. 2Ri niyo'n c'aslien can xalka, y xkatz'at. Y rumare' nakatzijuoj chiva ri xkatz'at. Nakatzijuoj chiva ri c'aslien ri man niq'uis ta ri c'o riq'uin ri Katata' Dios, y xalka chikacajol. 3Ojre' nakatzijuoj chiva ri xkatz'at y ri xkaxaj, chi quire' ixre' y ojre' junan kavach naka'an, y can ketzij chi jo'c jun kab'anun riq'uin ri Katata' Dios y riq'uin ri Jesucristo ri Ruc'ajuol. 4Y nakatz'ib'aj c'a nojiel re' chiva ruma nakajo' chi can ta ja'al niquicuot ivánima. 5Y vacame c'a, nakatzijuoj chiva ri xu'ej can ri Jesucristo chika, chi ri Dios jare' ri Luz, y man jun k'aku'n c'o riq'uin. 6Y xa naka'ej chi jo'c jun kab'anun riq'uin ri Dios, y ri kac'aslien xa c'a pa k'aku'n c'o-ve, man ketzij ta ri naka'ej, ruma man naka'an ta ri ketzij. 7Ri Dios can c'o-ve pa sakil, y xa ojre' nku'in chupan ri sakil, jo'c jun kab'anun quiq'uin quinojiel ri quiniman chic ri Jesucristo ri Ruc'ajuol ri Dios. Y ri ruquiq'uiel ri Jesucristo nralasaj nojiel ri ka-pecado. 8Y xa naka'ej chi man jun ka-pecado, kayuon ojre' naka'an-ka engañar-ki'. Y ri ketzij xa manak kiq'uin. 9Y xa naka'ej ri ka-pecados cha ri Dios, ri Dios can choj y manak xtuc'ax ri rutzij, can ja xtu'on perdonar ri ka-pecados y xtuch'aj ri kánima y xtiralasaj-el nojiel ri itziel tak kax ri ic'o kiq'uin. 10Pero xa naka'ej chi man jun pecado kab'anun, naka'an chi ri Dios man ketzij ta ri nu'ej. Y xa quire' naka'ej, ri ruch'ab'al ri Dios man c'o ta riq'uin kánima.

will be added

X\