MAHTE 1

1Abraham tenawn, David tenawn Jesuh Khrih suak nak pupa te heh tibang hen si. 2Abraham tsapa heh Isak ah si in, Isak tsapa heh Jakob ah si atsia, Jakob tsapa te heh Judah ah le a suahpi mipa te si si. 3J udah ah le Tamar te nupa in Perez ah le Zerah ah tsawi si. Perez tsapa heh Hezron ah si in, Hezron tsapa heh Ram ah si. 4Ram tsapa heh Amminadab ah si in, Amminadab tsapa heh Nahshon ah si atsia, Nahshon tsapa heh Salmon ah si. 5Salmon ah le Rahab te nupa in Boaz ah tsawi in, Boaz ah le Ruth te nupa in Obed ah tsawi si, Obed tsapa heh Jesse ah si. 6Jesse tsapa heh kumpibawi David ah si. Kumpibawi David in Uriah zi thaw Solomon ah tsawi si. 7Solomon tsapa heh Rehoboam ah si in, Rehoboam tsapa heh Abijah ah si atsia, Abijah tsapa heh Asa ah si. 8Asa tsapa heh Jehosaphat ah si in, Jehosaphat tsapa heh Joram ah si atsia, Joram tsapa heh Uzziah ah si. 9Uzziah tsapa heh Jotham ah si in, Jotham tsapa heh Ahaz ah si atsia, Ahaz tsapa heh Hezekiah ah si. 10Hezekiah tsapa heh Manaseh ah si in, Manaseh tsapa heh Amon ah si atsia, Amon tsapa heh Josiah ah si. 11Josiah tsapa heh Jekoniah ah le Babylon ah kainak a suahpi mipa te si. 12Amahni la heh Babylon ah kainak a si zawh in Jekoniah in Shealtiel ah tsawi in, Shealtiel tsapa heh Zerubbabel ah si. 13Zerubbabel tsapa heh Abiud ah si in, Abiud tsapa heh Eliakim ah si atsia, Eliakim tsapa heh Azor ah si. 14Azor tsapa heh Zadok ah si in, Zadok tsapa heh Akhim ah si atsia, Akhim tsapa heh Eliud ah si. 15Eliud tsapa heh Eleazar ah si in, Eleazar tsapa heh Matthan ah si atsia, Matthan tsapa heh Jakob ah si. 16Jakob tsapa heh Khrih tinak Jesuh nu Mary pasel Joseph ah si. 17Tsimi manin Abraham pin David tian kheh khang leili si atsia, David pin Babylon ah sel taang tian heh khang leili si in, Babylon ah seltaang pin Khrih tian heh khang leili si. 18Jesuh Khrih suaknak heh ti bang hen si. A nu Mary ah heh Joseph halh ham saak si atsia, a zau kawm ma in Raula Thiangrim thawmin nau a pai lam kheh thei si. 19Sinapikhaw a pasel Joseph ah heh mi diktsang si in, mi mai ah mualpho tiar a nuam ngawl manin a halh ham saak kheh a thup kuhrukno in zam leh deen tum si. 20Joseph in me thu te heh a ruat tseih lai in, ngai in, Bawipa vanvummi pakhat kheh a mang ah lang atsia, "David tsapa Joseph, na zi tuh in Mary ah na huai tu heh thinhar mah nen. Nau a painak heh Raula Thiangrim thawmin si. 21Ama'n tsapa hing tu atsia, a ming heh Jesuh ti'n sa tu si tsi. Heimansim tiphangin ama'n ama minung te kheh amahni sual pin san tu si," ti'n ti si. 22Bawipa in profet tawnin a relnak a kim theinak tuh in me tehem heh tsang si. 23Profet in, "Ngai in, khangngai thiamlawh in naupai tu atsia, Tsapa hing tu si. Tsin, amahni'n a ming kheh Immanuel ti'n sa tu si." Immanuel tinak heh, "Pathian keimahni nen ah om si," tinak si. 24Joseph ah kheh a khangtho phangin Bawipa vanvummi in thu a penak bangin, a zi tuh in huai si. 25Tsin, a tsa minlawh a hing tian, Joseph in Mary ah kheh zaupi ngawl si. Nau a hing phangin a ming kheh Jesuh, ti'n sa si.


Copyrighted Material
Learn More

will be added

X\