VAEFESU 4

1Ngu konaho, na mi laya ani ni ku txibotxhwa ngu kuthumela Mkoma, ti to mi txi hanya ngu nzila yi yi fanelwako ngu wukholwa wu mi nga dhanelwa wona, 2ngu kotshe kutiveka- hahatshi ni kudikha ni kuhunisela, mi txi tsetselelana ngu lirando, 3mi txi ti karata ngu kuveketa mpatano wa Moya, ngu kupfana ko dikha. 4Ku ni mmidi wumwewo ni moya wumwewo, kota nga ti i ku txithembo tximwetxo, atxiya nanu mi nga dhanelwa txona. 5Ku ni Mkoma mmweyo, likholo limwelo, txibhabhatiso tximwetxo, 6ku ni Txizimu tximwetxo, i ku Tate wa votshelele, a va fumako votshelele, a thumako ngu votshelele, a zumbako ka votshelele. 7Kambe mmweyo ni mmweyo kwathu a ningilwe kateko ngu mpimo wa txiningo txa Kristu, 8nguko mibhalo yi womba tiya: "Ditshiku di a nga txhatukela txitimwi, a tekile va va nga ti sungilwe e tsula navo, se e avela sihiwa ka vathu." 9Ti womba txani ku: "A txhatukile e ya txitimwi", ngako i singa ti to a thangile ngu kutxhika e ya hahatshi ka mafu, kani? 10Awu a nga txhika ngeneyo a nga kwela txitimwi ka totshe tinzuma, kasi kuya tata nzuma ni mafu ngu wukoma wakwe. 11Se ene ngene a nga ninga vamwane mthumo wa wupostoli, vamwane mthumo wa wuprofeti, vamwane mthumo wa wuvangeli, vamwane mthumo wa wudyisi ni wugondisi, 12kasi kuvhuna vasawuleki, ti to ve si kota kuthumela vamwane, ve aka mmidi wa Kristu, 13kala kuza hotshe hi mana wumwewo wa likholo ni wuzivi wa kuhetiseka wa Mwanana wa Txizimu, ni wuthu wa kuhetiseka madingano ni mpimo wa txiemo txa kuhetiseka txa Kristu. 14Kasiku hi si swi hi maha vanana va va pengiswako ngu mavimbi, ve pepulwa ngu timoya ta gondo ya kukanganyisa ka vathu, ni marindi awe ma hi timetako. 15Kambe, ngako hi txi londetela ditshuri ngu lirando, hi na kula ka toshe ngu kulondisa awule i ku msungo, ene Kristu. 16Ngu mtamo wakwe, sotshe sihango sa mmidi si ├▒olani ni kutsaniswa tatinene ngu misiha yi yi nga vekwa ka sona. Ngu konaho, ngako txihango txihi ni txihi txi txi maha mthumo wa txona ngu fanelo, mmidi wotshe wa kula, wu txi ti aka ngu lirando. 17Ndiye mhaka yi ni mi gelako, na ni txi yi tsanisa ngu ditina da Mkoma: Mi nga tshumeleni kambe mi hanya nga vamatiko, avava va londetelako mipimiso yawe yo biha. 18Mialakanyo yawe yi mtemani, kha va nga ni txiavelo amu ka wutomi wa Txizimu, ngukusa kwawe ku walo wuzivi, ni timbilu tawe ti bangi. 19Ngu mhaka ya wubhemba wawe, va ti ningetete ka mikhuwo ya manyala, kasiku ve maha totshe tixaka ta mithumo ya nzambwa, va si si koti ku ti ├▒ola. 20Hi nga tona tiya anu mi nga gondisa txona kuziva Kristu; 21nguko timhaka takwe mi ti engisile, se akuwa mi ku vathu vakwe Jesu, mi gondisilwe ditshuri di di ku kwakwe, 22di rumako kuleka mahanyelo a mthu wa kale, a nga txi mi fuma kaleko, mthu wu a nga xangiswa ngu minavelo yo kanganyisa. 23Anu tumelani kuteka mahanyelo a mthu wa mphya moyani kwanu; 24mi txi londetela mahanyelo a mthu wa m'phya, awu a nga vangwa e mahwa txifaniso txa Txizimu ngu wululami wa ditshuri ni wusawuleki wa ditshuri. 25Ngu konaho, lekani makuhu mi txi womba ditshuri mmwane ni mmwane ka mkwawe, nguko hotshethu hi sihango sa mmidi wumwewo. 26Ngako mi txi henya, mi nga wonheni; ditambo di nga swe mi di ngadi henyile. 27Mi nga m'ningeni mbimo Sathane. 28Awu a nga ti hanya ngu kupa, a nge ngadi e pa, aniko a na ti thumele ngu manza akwe, e maha ti i ku ta tinene, kasiku e mana sa kuabana ni wu a ku singa naso. 29Di nga thuke di huma dipswi da tingana ngu sisofuni kwanu, aniko ku na hume dipswi da dinene, adi di akisako, ni kuninga makatekwa vale va di engisako; 30mi nga henyiseni Moya wo Sawuleka wa Txizimu, awu mi nga vekelwa ngu wona txixambanyo txa kukomba ti to mi lumba Txizimu ka ditshiku diya txona txi no ta mi terula ngu dona ka magwito. 31Totshe ti i ku ta mabava, kuhenya, txitsikivi, maguwa ni kuruka, sotsheso si na fuve hagari kwanu, kufana ni lotshe lixaka la wubihi. 32Zumbani mi di vavanene, mi txi pfelana wumbilu. Divalelanani kufana ni kuwa Txizimu ni txona txi nga mi divalela ngu ka Kristu.

will be added

X\