1 VAKORINTO 6

1Ngako mmweyo wanu a di ni kuphikizana ni mkwawe, mi tsanisa ku txani ku mu yisa a txi ya lamulwa ngu vamatiko, mi si mu yisi ka vasawuleki, kani? 2Ina kha mi ti zivi ti to vasawuleki ngu vona va no lamula ditiko, kani? Se ngako ditiko di txi na lamulwa ngu nganu, ina kha mi nga ni fanelo yo lamula timhaka ta tidotho, kani? 3Ina kha mi ti zivi ti to hi na lamula hambi tingelozi kani? Se hi nga xulwa ngu sa wutomi wuwa kani? 4Ngako ku di ni mahungu o nga toneto, ina mi nga si kota kusawula ava va si thembekiko dibanzani, mi va maha valamuli, kani? 5Ni wombisa tiya kasiku mi pfa tingana. Ina kha nga ho hagari kwanu mthu wo ziva, awu a si kotako kulamula hagari ka vanawe, kani? 6Kambe ati ti mahekako ngu ti to mmwane a phikizana ni mkwawe masoni ka vamatiko! 7Se kuhumelela mazunga hagari kwanu ti komba ti to kha ditshuri mi ngadi hahatshi. Nji txani mi si tumeliko kudyelelwa? Nji txani mi si tumeliko kuluzekelwa kani? 8Aniko anu nganu mipune mi dyelelako ni kumoxa vamwane, na kambe mi maha eto ka vananu vapune. 9Ina kha mi ti zivi ti to sidambu kha si na mbi dya thomba ya mfumo wa Txizimu kani? Mi nga ti kanganyiseni. Sindakamilayo, ni vakhozeli va sizimu sa walo, vagelezi, 10ni timbafa, ni vanyatimbiti, ni sidhakwa, ni varuketeli, ni vavamna va va mahako txiwonho txa tingana ni mwamna kulowe, ku walo ni wammweyo kwawe a no si kota kudya thomba ya mfumo wa Txizimu. 11Vamwane kwanu i ti vo nga toneto, aniko se mi kuwutwe, mi sawulekisilwe, mi mahilwe valulami ngu ditina da Mkoma wathu Jesu Kristu ni Moya wa Txizimu txathu. 12“Sotshe kwangu sa tumeleleka”. Inna. Kambe hi nga sotshe si vhunako. “Sotshe kwangu sa tumeleleka.” Aniko kha ni tumeli ku ti maha khumbi ya txilo ka sona. 13Sakudya si lumba mrumbu, mrumbu wu lumba sakudya, aniko Txizimu txi na fuvisa sakudya ni wona mrumbu. Mmidi wathu hi nga wa wugelegele; mmidi wathu wu lumba Mkoma. Mkoma nene a lumba wona mmidi. 14Txizimu txi nga wusa Mkoma ngu ka vo fa, txi na hi wusa nathu ngu mtamo wa txona. 15Ina kha mi ti zivi ti to mimidi yanu nzihango sa Kristu kani? Ina ni na teka txihango txa Kristu ni txi ningela ka digelegele kani? Eye (Lambi)! 16Ina kha mi ti zivi ti to awu a patanako ni digelegele a maha mmidi wumwewo kumweko nado kani? Nguko ti bhatwe ta ku: “Vambidi va na maha mmidi wumwewo.” 17Awu a ti tshanganisako ni Mkoma a maha moya wumwewo nayo. 18Thavani wugelegele. Txiwonho txihi ni txihi a txi mahako mthu, txi kule ni mmidi wakwe; kambe awule a mahako txiwonho txa wugelegele a wonhela mmidi wakwe wupune. 19Ina txima kha mi ti zivi ti to mimidi yanu mathepele ya Moya wo Sawuleka, wu zumbako mndani kwanu, awu mi nga wu amukela ka Txizimu, ni ti to kha mi ti lumbi anu mipune, kani? 20Mi xavilwe ngu txuma txa hombe. Ngu toneto, dhumisani Txizimu mmidini kwanu.


Copyright
Learn More

will be added

X\