1 VAKORINTO 5

1Ha yi engisa yi txi xawutwa ngu votshe mhaka ya wugango hagari kwanu, wugango wa kuyila ngutu, ti to kha hi zivi ku nga wu engisa hagari ka vamatiko: Mmweyo wanu a hanyako ni msikati wa tate wakwe. 2Se anu mi ti kukumukisako kha ma lava kuambala tinguwo ta mkhwasi, kasiku mi txi thavisa mthu wu a nga maha wubihi wo ngeto, kani? 3I di ani, hambiko ni ku kule ngu ka wutumbu, kambe ni ku ho hafuhi ngu ka moya, ani se ni mu abanisile, kufana ni kungako ni di ho konaho, eneyo a nga maha toneto. 4Ngu ditina da Mkoma wathu Jesu, na anu mi di tshanganile ni moya wangu, ngu mtamo wa Mkoma wathu Jesu, 5mamoyo a na ningelwe ka Sathane, ka lifo la mmidi, kasiku moya wakwe wu txi hanyiswa ka ditshiku da Mkoma. 6Mi ti dhumisa na ti si laveki. Ina kha mi ti zivi ti to mtshumbelo wa wudotho wa si kota kuvilisa wurathi wotshe kani? 7Ti basiseni ka mtshumbelo wa kale, kasiku mi maneka mi di wurathi wa wuphya, nguko kha mi nzi kutshumbelwa. Kristu, i ku Txinvutana txa Pasika yathu se a bhayilwe. 8Ngu konaho, he maheni m'buso, i singa ngu mtshumbelo wa kale, i singa ngu mtshumbelo wa tshofu ni wa wubihi, aniko he dyeni Pasika ya mapawu o mbi na mtshumbelo, a wunene ni a ditshuri. 9Ni mi gete ngu dipapilo ti to mi nga pataneni ni vathu vo xanga. 10Ni ti si wombi vo xanga va mtalo, mwendo va likungo ni makhokhokho, mwendo vakhozeli va sivangwa; nguko idito, mi ndina fanela kuhuma ditikoni muwa. 11Ati ni nga mi bhalela, ni ti lava ku khani mi nga sengeleni ni wule a wombako ti to i mwananu, na kasi i mgelezi, i mfeleli, i mkhozeli wa sa walo: mruketeli, didevi, mwendo dikhokhokho. Avava, hambi kudya mi nga dyeni navo. 12Ina ti lumba ani kulamula ava va ku hahanze kani? Ina hi nga va mtini ava anu mi va lamulako kani? 13Va hahanze, Txizimu ngu txona txi no va lamula. Thavisani m'bihi hagari kwanu.


Copyright
Learn More

will be added

X\