Revelation 17

1Yirity mu' yävätidye'yity anjer, mu'in cại'tyi' piji' in, yi mu' jin yụ: —Atsiva, yụ ra' jị'caveyeye va'tacdye', mọ' jị'ĉojtye'si' ra' mọ' chị́yacsi' bä'yedye', mọ' me'taquis p̂en bu'yis, mọ' c̣hẹi'ya' bu'yis dai' cojiro in. 2Jacchety ayo' in juchaij mọ'tum in, jeñej bu'yi' vo'vodye', me' bu'yi' mọ' shupqui' juchaj mu'in, me'dye mọ' chime' se' ja'yacsi' jacchety muntyi' pai' bä'yity in judyeya' jeñej bu'yi ji'shu'cacsis paj qui cäc̣hä'chutye' in a'c̣his dyijyedye' mọ' —yi mu' anjer jin yụ. 3Chat qui Jen'si' Ạ'edye' mu' tŝútyin yụ, mu' qui anjer cäjyasĉan jac can yụ. Mọ'ĉan cạve' yụ yiris p̂en, vajedye-dye'che' bä'yi' jäijnätyche'. Mu' vajedyedyes mọ'ya' yävätidye' jo'no' mu' judyeya' yiri'tac dáshu mu'. A'ya' mu' yedyej a'c̣his sánacdyem', ñinacdyedyes Jen'dyes. 4Mọ' na p̂en mọ'che' bä'yis, jäijnäty mọty quị'si' judyeya' cạ'ijdyeijtyim'. Mu' na oro sháshadyety mọ' judyeya' muju'cha' ya'ijtyi' mij in. Yiris unĉan tyéquis oro mọ', bän' mọ'ĉan där a'c̣his jedye' mọ'ĉan tyéquisĉan, jeñej bu'yi' a'c̣his dyijyedye' judyeya' shapudye' vo'vodye' mọ'. 5Jáfiche' na mọ' caminsis tịj sánacdye' mọ' yi': “Ọij därsi' bä'yedye' Babilonia, ọijĉan shupqui' räj a'c̣his dyijyedye' me'taqui'si' p̂en in judyeya' jụ'ñis chuc a'c̣his dyijyedye' jacchetysi' in.” 6Yụ cạve' mọ' jeñej bu'yi' shu'quis p̂en, ĉaĉaij na jeñej bu'yi' mọ' maj tyecsebi' chäsh mu'insi' in anicjetetysi' Jen' in ĉaĉaij na mu'ĉan ijacsi jiquej in, judyeya' mu'insi' chäsh chime' mu'in ijactyi' in cäc̣hä'chucdye'ya' Jesús. Aty cạve'ya' yụ anic tsan' yụ där äjje'. 7Mu' anjer jin yụ: —¿Jun' dash me' äjje' mi? Yụ ra' jị'chiqueyeye jedye' buty cại' mọ' cạves q̂uin' mi mọ' p̂en, judyeya' mu' vajedyedye' mọ'che' bä'yis, mọ' yävätidye'tyity jo'no' judyeya' yiri'tactyity dáshu, ĉaĉaij na caminves p̂eyacdye' cại' mọ' cạves mụi' mi. 8Jesha' mu' vajedyedye' mu' cạvetety mi, mu' nash tsạ'tyi' jiquej, q̂uin' qui nam' aty itŝij mu'. Jábiya' qui na ram' cuvij shuban mochĉansi'ĉantyi' to' jijtuban, chat qui ra' jị'motsac. Jacchety muntyi' in jam sánactyi' tịj in Jen'si'che' quirca mu', ĉaĉaij na jambi'dyem' jäm'tacya' ọij jac jiquej, mu' tạ'caty sánacsebi tịj muntyis mu'in, räj mu'in me' jam sánactyi' in anic ra' där äjyi in cạveteya' in mu' vajedyedye' tsạ'tyi', q̂uin' qui nam' aty itŝij mu', jábiya' qui na ram' quivij ji'naijbun. 9Tyi chuc dyijyedye'tumtyi' in tupuj chique' in ọij p̂eyacdye' jedye' chuc cại' mọ': mọ'in yävätidye'yis jo'no' in mọ'in cại' in jeñej yävätidye' mụcu' in, yóche'dyem' bä'yedye' o. Chime'dye mọ'in yävätidye'yis jo'no' in mọ'in cại' in jeñej yävätidye' ayo' in. 10Aty ĉanam' shuban in, yirity qui nam' taca' ayo'bu'yi, yoctyi' na jambi' tiyacchui' ayo'bu'yi. Aty ra' tiyacchutiya' mu' jäqui'vety ayo', dam'tuqui ram' ayo'bu'yi mu'. 11Mu' vajedyedye' tsạ'tyi' jiquej, q̂uin' qui nam' aty itŝij mu', mu' nash q̂uen'ĉanyity ayo', me' tsan' q̂uen'ĉanyity mu', ñuru'tyity qui nam' mu' mu'dye in yävätidye'-yity in, quivij ra' ayo'bu'yi mu', chat qui ra' jäqui've jị'motsac. 12Mọ'in yiri'tacyis dáshu in cạvacsis mi, mọ'in cại' in yiri'tac ayo' in, jambi' qui nam' so'mac ayo'bu'yedye' mu'in. Aty ra' so'macya' ayo'bu'yedye' mu'in, vajedyedye'tum ra' ayo'bu'yi in, dam'tuqui ram' ayo'bu'yi in. 13Mu'in yiri'tactyity ayo' in anic vaj cäts dyijyedye' me'chui' in, mu'in ra' so'mete in mu' vajedyedye' mu'insi' ferdye' mu'in judyeya' yụ'tacdye' mu'in. 14Chat qui ra' mu'tum chuti in Oveca bu'yitytum in pen'dye'tumdye mu', mu' ra' ji'pente mu' vajedyedye' räjtumdye ayo' in, ĉaĉaij na mu' Oveca bu'yity mu' nash muju'chaty Ayo', mu' ayo' mu'in ayoty in. Mu'in pen'dye' mu' mu'in nash fayactyi' mu'ya' in judyeya' tsim'tactyi' mu', judyeya' rụij cäc̣hä'chutety in —yi mu' anjer jin yụ. 15Chime'dye mu' jin yụ: —Mu'in cojiro cạvacsity jiquej mi, yóvedyem' mọ' me'taquis p̂en jiquej o, mọ' cại' jeñej jacchety muntyi' in, pai' bu'yity in, yoc yoc p̂eyaquity in. 16Mọ'in yiri'tacyis dáshu in mu'si' vajedyedyes, mọ' cại' jeñej yiri'tac ayo' in, mu'in ra' fạ́que' in mọ' me'taquis p̂en. Mu'in ra' räj meijjetye' jedye' in, cädäj ra' yụ'tye' in, jebebi' ra' shush in judyeya' ra' ji'co'shaye' in, 17ĉaĉaij na Jen' yụ'tyeyeyacsi dyijyedye' ĉojtyi'ĉandyes mu'in, mu'in yiri'tacyity ayo' in, paj qui mu'in cäc̣hä'chupte dyijyedye' in, mọ'dyes qui ra' mu'in so'mete in ĉụi'si' yụ'tacdye' mu'in mu' vajedyedye', paj qui mu' muju'cha' ayo'bu'yi, jun' qui' chuc cạ̈tsi' Jen'si' p̂eyacdye' mu'. 18Mọ' na me'taquis p̂en cạves jiquej mi, mọ' cại' jeñej därsi' bä'yedye', mọ'tyi' ayo' ayo'bu'yi räj jacchetydyes ayo' in —yi mu' anjer.

will be added

X\