Revelation 14

1Cạvete yụ mu' Oveca bu'yity mụcu'che' Siónche', mu'che' rụi'cujcuij ji'caviti. Pen'dyetucsi anic shachtyity muntyi' in, yiri' cien vạjpedye' qui'tac vạjpedye' jiyi mir in. Mu'in jáfiche' sánactyi' in mu'si' tịj mu' Oveca bu'yitysi' judyeya' Jen'si' chime' tịj mu'. 2Se've' yụ yiris mạyedye'ches p̂eyacdye' fer mạ'edye' mọ', jeñej yi' ojñi' chaban'ya', judyeya' jeñej yi' fạ́coijtyi' pururu. Chime'dye mọ' jeñej yi' vịcdyes dai'tyi' vịi'ya' in. 3Mu'in shachtyity muntyi' in, yiri' cien vạjpedye' qui'tac vạjpedye' jiyi mir in, mu'in run'quen'ĉan jimaqui in Jen'si'ya' vej mu', tashche' bä'yaquisya' mu', judyeya' mọ'insi'ya' vej in mọ'in vạjpedye' tsạ'bu'yissi' in judyeya' muntyi' in tashche' bu'yityya' chime' in, mu'insi'ya' vej mu'in jime' in mụi'sis jimacdye'. Mu'in mọmo' me' tupuj jime' in mọ' jimacdye' ĉaĉaij na mu'in mọmo' c̣hoñity in, yoctyi' na in jam mu'in jun' tupuj chị́ye' mọ' jimacdye' in. 4Uts shachtyity in jam p̂entuijtyi' in, anic micdyi bä'yi Jen'dyes in, mu'in rụij cäc̣hä'-chute in mu' Oveca bu'yity, me' tsan' juna' ĉụi' in. Mu'in nash tashche' ji'c̣honactyi' muntyi'ya' jiquej in, jeñej tashches vädacdye' so'metes Jen' jiquej in, me' bu'yi mu'in in, mu'in Jen'tyi' judyeya' Oveca bu'yitytyi' in. 5Jam rébaĉan väñädye' in, ĉaĉaij na jam jụ'ñij yụ'tac in Jen'si'ya' vej mu'. 6Yoctyi' nạijte yụ anjer nạva'joij chidyi'ĉanya' mạyedye', cại' mọ' jäm'si' p̂eyacdye' Jen'si' mu' jam mọtsis . Mọ' p̂eyacdye' räjdyes muntyi' in, yịjyi muntyidyes, yoc yoc p̂eyaquity in judyeya' pai' bä'yity in, räjdyes mọ' p̂eyacdye'. 7Fer mu' p̂eyaqui anjer yi: —Irijyejam' Jen'che', tima'quemac mu', ĉaĉaij nash aty ayij tupudyem', jị'cäts yụ'tacsi ra' muntyi' in. Tima'quemac mu' jäm'tyety mạyedye' judyeya' ọij jac, judyeya' mar judyeya' jacches ojñi' in. 8Yoctyi' atsij anjer cä'c̣häijdye mu' tashchetyya', yi mu' jäquity p̂eyaqui: —Aty ji'penac mọ' därsi' bä'yedye' Babilonia, aty mụijya' jị'tŝoc mọ', mọ' se' ja'yacsis jiquej pai' bä'yity in paj qui cäc̣hä'chubi' in a'c̣his dyijyedye' mọ' chime' juchaj mọ'. Jeñej bu'yi' ji'shu'cacsis jacchety muntyi' in paj qui juchatute Jen' in, me' shupqui' mọ'. 9Chibinyity atsij anjer cä'c̣häijdye mu'in pärä'yityya' in, fer p̂eyaqui yi mu': —Jụ'ñiñity chuc jen'tutety in mu' vajedyedye' bu'yity judyeya' jäm'tacdye' mu' jo'mesdye yódyeijdyem' mu' u, judyeya' jụ'ñiñity chuc ji'cachtity in cachtacdye'ya' mu' unche' judyeya' jáfiche', 10jụ'ñity chuc jo'mestumtyi' in mu'inche' ra' tŝọi' fersi' Jen'si' va'tacdye' mu'. Mu' ra' jam dyisactacsi, jäm'si' ra' va'tacdye' so'macsi. Där ra' ñịbe' cạve' tŝijĉan in, mọ' asufretum cafonsis, mọ' ra' dam'je' in, mu'insi'ya' vej mu'in Jen'tyi'ya' anjer mu' judyeya' Oveca bu'yitysi'ya'. 11Räjĉan ra' na'i' mọ'ĉan jị'sa', yóĉandyem' ra' ñịbe' cạve'ĉan u in, jam ra' jụ'ñisĉan mạyedye' mọtsi'. Me' ra' cạve' in mu'in jen'tutety in mu' vajedyedye' bu'yity judyeya' mọ' jäm'tacdye' jo'mesdye yódyeijdyem' mu' u, jụ'ñity chuc ji'cachtity in unche' mu'in judyeya' jáfiche' mu'in. Mu'ĉan ra' jam jụ'ñisĉan mạyedye' jị'jutyiti in, yejĉoij ra' ñịbe' cạve' in —yi mu'. 12Ọij ji'chäquiyisin', jemoñe' anicjetety Jen' in tyum'chuti-dye'tum bä'yi in, mu'in chiqueptety Jen'si' p̂eyacdye' in judyeya' rụij cäc̣hä'chutety Jesucristo in. 13Se've' yụ yocsi' mạyedye'ches p̂eyacdye' yi' jin yụ: —Sáñeva' ọij p̂eyacdye' yi': “̣Q̂uin' ra' yacchuti' tyi chuc anicjetety Jesucristo säñiya' in, mu'in ra' anic ma'joij in.” Yi' Jen'si' Ạ'edye' mu', “Rụijdye me' mu'in ra' jị'jutyiti in carijtacdye'ya' mu'in, jam ra' fibis shupqui' carijtacdye' jiquej mu'in, bijodye' ra' so'mac in carijtaquity jiquej in.” 14Cạvi yụ nạijtye' yụ yiris dyicba'badye' jai'bas. Mu'che' nạijte yụ c̣hac je'ñeij anictyity muntyi', ĉästacdye'tumtyi' jo'no'che' oro, unĉan nam' mọ'ya' yiris to'cacsis coc̣hino vädacdyes. 15Yoctyi' atsij anjer, Jen'si'ĉantyi' aca' shupqui, fer p̂eyaqui jéte mu' dyicba'badye'chety, yi: —Tiyacchuva vädaca coc̣hinoyam, ĉaĉaij na aty ayij tsäqui'sis tupudye' vädacdyes, aty ịjtsii' jacches sicdye' in. 16Me'dye qui mu' dyicba'ba-dye'chety tiyacchuti vädaqui, jeñejdye vädacya' jacches sicdye' in. 17Yoctyi' atsij anjer chimu'ĉandyem' shupqui Jen'si'ĉantyi' aca' mạyedye'ches. Chime'dye mu' mọ'ya' coc̣hino vädacdyes mu', anic to'cacsis me'chui'. 18Chat qui yoctyi' atsij anjer ji'co'shayacdye'chety shupqui, ĉọjcai'tyi' mu' tŝij. Fer mu' p̂eyaqui jéte mu' me'chui'tyi' coc̣hino to'cacsis, yi mu' jéte: —Tiyacchuta vächva' jacches ova, a to' o ịjtsii' mọ'. 19Me'dye mu' anjer coc̣hinoya' tiyacchuti vächjan' jacches ova, mọ'ĉan yụ'tye' yóĉandyem' mu' Jen' fạ́codye'tum quec̣he'tye' u, me' bu'yi' mọ' shupqui' va'tacdye'. 20Jorojya' mọ' bä'yedye' Jen' yútyeva'que' ova. Mọ'ĉan shupqui' chäsh maj, jeñej därsi' tsique', me'qui' shupqui' mọ' chäsh. Yoqui'dyem' tuj cavayos om', me'qui' tyei' mọ' chäsh muntyis mu'in, chibin qui' cien quirometro me'qui've shupqui' mọ' chäsh.

will be added

X\