Revelation 11

1Chat qui so'min yụ yiris tuputuquis son je'ñes shuru'. Chime'dye so'mac p̂eyacdye' yụ, yi' mọ': —Sacta tuputucva' Jen'si' aca' mu' judyeya' chime' ji'co'shayacdye'che'. Tsicseva chime' mu'ĉantyi' in mu'in tima'quetety Jen' in. 2Jam na ram' tuputui' mi mọ'ya' cäjdäi'ya' acas, ĉaĉaij na mọ' cäjdäs aty so'mac yoctyi' muntyi' in jam judío in. Mu'in ra' me'tye' in räjtumdye Jen'si' bä'yedye' mu', vạjpedye' qui'tac pärä' jiyi' ịvaj, me'qui' ra' me'tye' in. 3Yụ ra' jutacsi pärä' p̂eyaquity yụ́dyes in, mu'in ra' p̂oc̣hi'c̣hiijtyi'ĉan quị'si' cäti in,249 vạjpedye' qui'tac pärä' jiyi' ịvaj, me'qui' ra' yụ'tacsi yụ paj qui mu'in jị'chiqueyacsi in mọ' p̂eyacdye' so'macsis yụ, me'qui' shupqui' mọ', yiri' mir pärä' qui' cien jäbän qui'tac mạyedye' in. 4Mu'in pärä' p̂eyaquity Jen'dyes in mu'in jeñej bu'yity pärä' cätidye' orivo in judyeya' jeñej bu'yi pärä' yụ'taquis vera in, me' Ayo'si'ya' vej mu', mu'in bä'yi in, paj qui mu' chiquete in, mu' ayo'bu'yity räjdyes jacche' bä'yity in. 5Pạrej mu'ya' mạ'je' jị'ñibe'cacsi jụijya' in, mu'in ra' chụ'ĉansi' tŝij ji'shupque' in, mọ'ya' ra' mu'in ji'co'shayacsi in fạ́cacsity in, mu'in ra' me'jeyacsi in tyi chuc mạ'je' jị'ñibe'cacsity in. 6Mu'in ra' pärä'tyity in so'mac ra' ferdye' in paj qui tupuj ji'dyäque' añej in paj qui jam añei' jun' qui' chuc jadyic jị'chiqueyacsi in mọ' p̂eyacdye' so'macsis Jen', chibin yómodye' choc, me'qui' ra' p̂eyaqui in. Chime'dye ra' so'mac ferdye' in paj qui chäsh ji'muñe' ojñi' in,250 yịjyi ra' va'tacdye' so'me' ọij jac in, jun'si' ĉụi' mạ'je'ya' mu'in in, me' bu'yi' ra' so'me' va'tacdye' jac in. 7Aty ra' jadyicya' jị'chiqueyacsi in p̂eyacdye' Jen'si' mu', chat qui ra' mu' vajedyedye' bu'yity mu' shupquity mochĉansi'ĉantyi' to', mu' ra' chuti mu'intum in pärä'tyitytum muntyi' in, mu' ra' ji'penacsi ijacsi. 8A'vun ra' mu'in taĉan ra' farajjeyacsebi in cayeĉan därsi'ĉan bä'yedye', yóĉandyem' ijacsebi croshche' jiquej u in mu' Ayo' mu'in. Mọ' bä'yedye' jeñej bu'yi' Sodoma judyeya' Egipto. 9Mọ'dyes qui räj ra' muntyi' in cạvacsebi a'vun mu'in, yịjyi muntyi' úchety in, yoc yoc p̂eyaquity in, pai' bä'yity in, räj ra' mu'in cạvacsebi a'vun mu'in. Chibin mạyedye' choc me'si' ra' cạvacsebi a'vun mu'in in, ĉaĉaij na mu'yaty in jam yi in paj qui rudyu'jeyacsi in. 10Jacchety muntyi' in anic ra' ma'jotacsebi mọ' ijacdye' mu'in. Anic ra' där ma'joij in, vaj meij ra' ñịbe'jitidyeij jedye' in, me' bu'yi' ra' dyijtucsebi ijacdye' mu'in, mu'in pärä'tyitysi' p̂eyaquity Jen'dyes in, ĉaĉaij na mu'in va'tacdye' so'macsi jiquej in. 11A na ram' chibin mạyedye' choc me' bu'yiya', chat qui Jen' quivij so'macseban jụ́tyedyes mu'in, tsạ'eban qui ra' in judyeya' ra' sacyeban in. Mu'in ra' me' cạvacsity in jäm' ra' mụijyayaj tŝọij noi'yi in. 12Chat qui mu'in pärä' p̂eyaquity Jen'dyes in se've' ra' in mạyedye'ches p̂eyacdye' fersi', yi' ra' mọ' jéyacsi': “Atsijam' úche' jijtujam'.” Me'dye ra' mu'in bojvi dyicba'ba-dye'che' in, mạyedye'che' ra' jịjcaij in, mu'insi'ya' vej in fạ́cacsityya' in. 13Che'yedye'-ĉandye mọmo', fer vatyquej bubaqui' ọij jac. Där ra' mu'in ñịbe' cạve' Jerusalénĉantyi' in. Yiri'tacyis aca' jụijya', yiris ra' jọ'chai' jịjcai' in, me'qui' mụijyayaj tŝọi' in.251 Dai' ra' ja'jati aca' in, yävätidye' ra' mir säñi in. Mu'in na ji'shucdyity in jäm' ra' mu'in mụijyayaj tŝọij noi'yi in. Chat qui ra' mu'in tima'quete in mu' ferdye'tumtyi' Jen' mạyedye'che' bä'yity. 14Aty jiyi' pärä'yis va'tacdye', cä'c̣häi'dye ra' yocsi' ayij mọ' chibinyis va'tacdye'. 15Yävätidye'yity anjer pejtye' boñedye' mu', pạrej fer p̂eyaqui mạyedye'chety in, yi in: “Mu' Jen' Ayo' tsun judyeya' mu' jutetety mu' Ji'c̣honacsity muntyi' aty qui ayo'bu'yi in, aty ji'peñe' Sọyo', Jen' qui ayo'bu'yi räjdyes jacchetydyes muntyi' in, jam ra' jụ'ñisĉan mạyedye' mọtsi' ayo'bu'yedye' mu'in”, yi in. 16Mu'in pärä' qui'tac vạjpedye' jiyity muntyi' in tashche' bu'yity in, mu'in bä'yaquischety Jen'si'ya' bu'yity vej in, mu'in dyụtsyi mu'ya' in, täjjeque' jac in jáfiya' mu'in, me' bu'yi tima'quete Jen' in. 17Yi mu'in in: “Tsuntyi' Jen', mi nash muju'cha' ferdye'tumtyi' Ayo' tsun, mi nash tạ'caty, mídye mọmo' mu'ya' q̂uin'. Tsun yoshoropaij jéyac mi ĉaĉaij na q̂uin' aty därsi'ya' ferdye' mi ĉụi' yu'ti mi paj qui räjdyes ayo'bu'yi mi. 18Jacchety muntyi' in anic fáquin in. ̣Q̂uin' aty ayij tupudye' va'tacdyedyes mu'in, mi ra' jị'cäts yụ'tacsi mu'in säñity in, judyeya' ra' so'macsi mi bijodyedyes mu'in úñity mi judyeya' mu'in so'macsity p̂eyacdye' mi, yósi'dyem' mu'in anicjintyi' u in, mu'in irijyity míche' in, muju'chaty in judyeya' uya'yaty in, me' me' ra' so'mac bijodye' míya' in. A nash ayij tupudye', paj qui mi räjteyacsi mu'in ac̣hi'tacsity jacchety muntyi' jiquej in”, yi in. 19Vanacyi' vatyquej Jen'si' aca' mu' mạyedye'ches. Ji'naijti' cajón mọ'ya', mọ' yụ'tacdye'tumsi' Jen'si' mu'. Me'ĉandye vena'yaqui vatyquej tyeij pururu judyeya' fer p̂eyacdye' mạ'i' in, judyeya' fer vatyquej bubaqui' ọij jac judyeya' tsäqui'tyity tsafa' jọ'chaij, anic shach tŝọij jacche'.

will be added

X\