Ephesians 1

1Yụ Pablo sáñe' yụ ọij p̂eyacdye' mi'indyes Jen'tyi' ñuru'tyity mi'in, Efesoĉan bä'yity mi'in, mi'in cäc̣hä'chutintety mu' Cristo Jesús. Yụ jutactyi' Jesucristoty mu', mu'dye Jen' me' yu'tyin yụ. 2Yụ cọdyete Jen', mu' Ạvatusin'tyi' tsun, judyeya' mu' Jesucristo Ayo' tsun paj qui mu' ñịbe'jitidyes so'minac mi'in judyeya' so'minac ma'jodye' ĉojtyi'ĉandyes mi'in. 3Tima'queja Jen', mu' Jesucristoty Jen' mu', mu' Ayo' tsun. Yoshoropaij jéja Jen', mu' ñịbe'jisin'tyi' tsun räj ạ'edyedyes jedye' tsun, mạyedye'che' jijtui', mọ' so'misin' tsun Cristoty tsun. 4Jambi'dyem' jäm'tye' jiquej ọij jac, aty mu' tạ'caty tsim'sin' tsun ĉaĉaij na Cristoty tsun. Mu' tsim'sin' tsun paj qui Jen'dyety tsun judyeya' paj qui jam jụ'ñija' mu'si'ya' vej mu'. 5Därsi'ya' mạ'jitidyes mu', mu' jä'miij dyijtusin' jun' chuc ra' ạvatusin' tsun anicjejaty Jesucristo, ĉaĉaij na me' mạ'je' mu' Jen' ĉụi'si'ya' dyijyedye' mu', mu' ñịbe'jisin'. 6Mọ'dyes tima'queja Jen' ĉaĉaij na mu' so'misin' därsi' ñịbe'jitidyes mu'. Räj mu' ñịbe'jisin' sän'dye'ya' Ạva' mu', mu' mạ'jeyacdyety mu'. 7Därsi'ya' ñịbe'jitidyes mu' Jen' ji'c̣honsin' tsun Cristosya' chäsh mu', mọ'ya' mu' vayacjibusin' juchaj tsun. 8Chime'dye ñịbe'jitidyesya' mu' so'misin' paj qui dyijyedye'tum bä'ja' tsun judyeya' chị́dye' mu' so'misin'. 9Me' mu' Jen' ji'chäquiyisin' dyijyedye' mu', mọ' jam chị́yeptes urucyaty muntyi' jiquej in, jun' chuc ra' mu' jutete mu' Cristo úche', ĉaĉaij na mọ' ĉụi'si' dyijyedye' Jen'si' mu'. 10Mọ' dyijyedye' mu', a ra' ayijya' tupudye', chat qui ra' mu' jị'cätse' dyijyedye' mu', mu' ra' jayu'ti mu' Cristo paj qui räjdyes ayo'bu'yi mu', jacchetydyes judyeya' mạyedye'chetydyes. 11Me' mu' Jen' ĉụi'si'ya' dyijyedye' jiquej mu', tạ'caty tsim'sin' tsun ĉụi'dyety tusin' muntyi' mu', ĉaĉaij na Cristoty aty tsun. Me' mu' Jen' räj jäm'tye' ĉụi'si'ya' dyijyedye' mu', jun' chuc mạ'je' mu', me' jäm'tye'. 12Me' mu' Jen' där ñịbe' ĉúsin' jacchety muntyi' tsun. Mọ' dyijyedye' mu' paj qui tsun judío tsun tashche' ĉútity Cristoche' tsun paj qui mu' tima'quete tsun mu' muju'cha' jäm'yity Jen' mạijquedye'tumtyi'. 13Me'dye mi'in chime' anicjetinte mu' Cristo, yoqui'dyem' se'vetiñe'ya' mọ' jiquej u mọ' rụijsis p̂eyacdye' jäm'si', mọ' ji'c̣honnacsi' mi'in. Chat qui mu' Jen' jị'cätse' p̂eyacdye' mu', mọ' p̂eyes Ạ'edye' mu', mọ' mu' so'minac. Mọ' cachtacdye' bu'yi' Jen'si' mu', mọ' jị'ĉocdye' shupqui' aty Jen'tyi' tsun. 14Mọ' yacchutis ñịbe'yedye' so'misin'si' ra' mu' Jen',169 mọ' ji'ĉuyisin' räj ra' ñịbe'jisin' tsun, mọ' p̂eyes p̂eyacdye' mu'. Mọ' ra' ñịbe'jisin' aty ayijya' tupudye' c̣hon'dyedyes tsun Jen'tyi' tsun. Tima'queja mu' muju'cha' jäm'yity Jen'. 15Me' mu' Jen' där ñịbe'jisin', mọ'dyes yụ räjĉan cọdyete Jen' mi'indyes. Yụ se'vaqui aty mi'in anicjetinte mu' Jesús Ayo' tsun, judyeya' räj mạ'jeyacsi mi'in Jen'tyi' muntyi' mu', 16mọ'dyes yụ cọdacdye'ĉan yụ räjĉan yoshoropaij jéte Jen' yụ mi'indyes. 17Yụ cọdyete mu' mạijquedye'tumtyi' Jen', mu' Jesucristoty Jen' mu', mu' Ayo' tsun. Cọdyete yụ paj qui mu' so'minac Ạ'edye'si' dyijyedyem', paj qui rụij chị́yetinte mu' Jen' ĉojtyi'ĉan mi'in. 18Chime' cọdyete Jen' yụ paj qui mạijchubunac dyijyedye' mi'in judyeya' ĉojtyi' mi'in paj qui me' tupuj chị́yetiñe' mi'in mọ' jäm'si' c̣hon'dyedyes mọ' bisja'si' tsun fayactyi' tsun, paj qui chị́yetiñe' mọ' därsi' ñịbe'yedyes so'misin' ra' Jen' tsun Jen'tyi' muntyi' tsun, yódyesdyem' p̂eyes p̂eyacdye' u mu'. 19Me' bu'yi yụ cọdyete Jen' paj qui mu' mạijchubunac dyijyedye' mi'in paj qui mi'in tupuj chị́yebitinte mọjo'chas ferdye' Jen'si' mu', mọ' carijtaquis tsuntyi'ĉan ĉojtyi' tsun anicjejaty tsun. Ọij Jen'si' ferdye' mu', mọ' me'chuja'si' tsun, anic där mọjo'chas mu', 20mọ'dye ferdye' vañinjebajte mu' Cristo judyeya' yụ'bajte tacve bu'ban Jen'ya' mạyedye'che'. 21Mu'che' q̂uin' ayo'bu'ban mu' Cristo, muju'cha' ayo'bu'yi mu'che'. Mu' muju'cha'tacsi räj jacchety ayo' in, judyeya' yụ'tactyi' in, jacchety in judyeya' mạyedye'chety in, anjer in, judyeya' sọyo' in, judyeya' räj fer bu'yity in, räj mu'in uya'ya'te in, ĉaĉaij na mọjo'cha' yụ'tacdye' Cristos mu', mụi'sisĉan ra' tupudye' yejĉoij ra' me' ayo'bu'yi. 22Me' mu' Cristo räjdyes ayo'bu'yi, ĉaĉaij na mu' Jen' yi paj qui räj ayotute in mu' Cristo, mu'indyesmun ayo'bu'yi chime' Jen'tyi' ñuru'tyity mu'. 23Tsun Cristoty ñuru'tyity tsun a' bu'ja' Cristos mu'. Me' jị'cätsepja Cristos dyijyedye' mu', judyeya' mu'dye jị'cätse' dyijyedye' mu', räj bu'yi jacche' judyeya' mạyedye'che' chime'.

will be added

X\