2 Korintus 9:1

1Ame Alam damalehe dam na vab dam abo bak Yudea laba azihi dam laba uho doi ubuda, “Vi tau lodam neàte,” laham bak lam um amu gi uledi meedalo àhàki meedam bak lam em ozobohu bak. Labiha labe em ba akati sunit niba, “Mahate meedale,” lahame uba vi ootedume vi vameadam bohu meedà? Eho gi ame bak lam vi ozome fa bak Makedonia esdam dam niba um ee vousai vou baedam labe ame dam laba ahate vameadam bak. Eho gi nehi vi ozome labihadam bak. “Ame bak Akaya labe am num debu meida Korintus laba azihi dam labe iho neha, ‘Iho ame dam na vab dam laba doi ibida vi tau lodase,’ lahame uledi fet ozome ahumdi esuhu bak lam gi tahun amuda iube fet ozome esuhu labe etei vou fuhu bak,” lahame eho ame Makedonia dam niba labihasu vameadume modeha ame Makedonia dam totbaho nibe laha neo uledi ame dam na vab dam laba doi vi tau lodalo àhàki meedam bak.

Share this Verse:

FREE!

One App.
1550 Languages.

Learn More