1 Lada 6

1Levii nɛgↄ̃ɛↄ tↄ́n kɛ: Geesↄ̃, Kɛata ń Mɛlalio. 2Geesↄ̃ nɛgↄ̃ɛↄn Libeni ń Simɛio ũ. 3Kɛata nɛgↄ̃ɛↄ tↄ́n kɛ: Amlaũ, Isaa, Hɛblↄ̃ ń Uziɛlio. 4Mɛlali nɛgↄ̃ɛↄn Mali ń Musio ũ. Levii buiↄn kɛ an dezi káauↄwa: 5Geesↄ̃ Libeni ì, Libeni Yaata ì, Yaata Zima ì, 6Zima Yoa ì, Yoa Ido ì, Ido Zela ì, Zela Yealai ì. 7Kɛata Aminadabu ì, Aminadabu Kole ì, Kole Asii ì, 8Asii Ɛlikana ì, Ɛlikana Abiasafa ì, Abiasafa Asii ì, 9Asii Taatu ì, Taatu Uliɛli ì, Uliɛli Uzia ì, Uzia Saulu ì. 10Ɛlikana nɛgↄ̃ɛↄ tↄ́n kɛ: Amasai ń Aimↄo. 11Aimↄ Ɛlikana ì, Ɛlikana Zofai ì, Zofai Naata ì, 12Naata Ɛliabu ì, Ɛliabu Yeloaũ ì, Yeloaũ Ɛlikana ì, Ɛlikana Samuɛli ì. 13Samuɛli nɛgↄ̃ɛ sɛ̃́ian Yoɛli ũ, a plaade Abia. 14Mɛlali Mali ì, Mali Libeni ì, Libeni Simɛi ì, Simɛi Uza ì, 15Uza Simɛa ì, Simɛa Agia ì, Agia Asaia ì. 16Gbɛ̃́ pↄ́ Davidi ń dílɛ Dii kpɛ́ lɛ̀sin gbɛ̃zↄ̃ↄↄ ũ kpagolo sua we gbɛaↄn kɛ: 17Aaìↄ lɛsizĩ kɛ zwã̀akpɛ pↄ́ wì mɛ Kpaaũkpɛ kpɛɛlɛ e Salomↄↄ gɛ̀ kpɛdↄ̀ò Diiɛ Yelusalɛũ. Aa zĩkɛ̀ a zɛ́wa lá wa dìlɛnɛ́wa. 18- 23Gbɛ̃́ pↄ́ aa zĩpi kɛ̀ↄ ń ń nɛgↄ̃ɛↄ tↄ́n kɛ: Lɛ̀sin dↄaana Emani, Kɛata bui deziↄ tↄ́n kɛ maeↄ ń ń nɛ́ↄ daalɛa Isailiwa: Isaili, Levii, Kɛata, Isaa, Kole, Abiasafa, Asii, Taatu, Zefania, Azalia, Yoɛli, Ɛlikana, Amasai, Maatu, Ɛlikana, Zufi, Toa, Ɛliɛli, Yeloaũ, Ɛlikana, Samuɛli ń Yoɛli pↄ́ Emanipi ìo. 24- 28Emani gbɛ̃do Asafa mɛ́ ì lɛsi aà ↄplaai. Aà deziↄ tↄ́n kɛ maeↄ ń ń nɛ́ↄ: Levii, Geesↄ̃, Yaata, Simɛi, Zima, Etani, Adaia, Zela, Ɛteni, Malakia, Baaseia, Mikaila, Simɛa ń Bɛlɛkia pↄ́ Asafapi ìo. 29- 32An gbɛ̃́ Mɛlali buiↄ dↄaana Etani mɛ́ ìↄ kú ń ↄzɛɛi. Aà deziↄ tↄ́n kɛ: Levii, Mɛlali, Musi, Mali, Sɛmɛɛ, Bani, Amɛzi, Ilikia, Amazia, Asabia, Maluku, Abadi ń Kisi pↄ́ Etanipi ìo. 33An Levii deeↄ mɛ́ zwã̀akpɛ pↄ́ dɛ Lua kpɛ́ ũ zĩ kĩniↄ kɛ̀ píi. 34Aalona ń a buiↄ mɛ́ ì pↄ́ↄ kpasa sa'okĩiwa ń tulaletikatɛakĩio. Aamɛ aaìↄ luakukĩi zĩ kɛ, aaì Isailiↄ duuna kɛ̃́má lá Lua zↄ̀blena Mↄizi dìlɛnɛ́wa. 35Aalona buiↄ tↄ́n kɛ: Ɛleazaa Finɛasi ì, Finɛasi Abisua ì, 36Abisua Buki ì, Buki Uzi ì, Uzi Zelaia ì, 37Zelaia Mɛlaio ì, Mɛlaio Amalia ì, Amalia Aitubu ì, 38Aitubu Zadoki ì, Zadoki Aimaaza ì. 39Wɛ̃́lɛ pↄ́ wa kpàmá ń zↄ̃lɛkĩi ũↄn kɛ: Kɛata tↄũna Aalona buiↄ ↄ̃ wà gbɛlànɛ́ káau. 40Ɔ̃ aa Hɛblↄ̃ pↄ́ kú Yuda bùsuu blè ń a dã́dãkɛkĩi pↄ́ liaaiↄ. 41Ãma wà wɛ̃́lɛpi buaↄ ń a bualoũↄ kpà Yefũnɛ nɛ́ Kalɛbuwaɛ. 42Aalona buiↄ mɛ́ Hɛblↄ̃ pↄ́ dɛ misiwɛ̃lɛ ũ blè ń Libenao ń Yatiio ń Ɛsɛmↄao 43ń Ilɛnio ń Dɛbiio 44ń Asão ń Bɛsɛmɛsio, ampii ń a dã́dãkɛkĩioɛ. 45Aa Bɛ̃yãmɛɛ buiↄ wɛ̃́lɛↄ blè lↄ, Gɛba ń Alemɛo ń Anatoo, ampii ń a dã́dãkɛkĩioɛ. Wɛ̃́lɛ mɛ̀n kuɛ'aaↄ̃piↄá Aalona buiↄ pↄ́ɛ. 46Kɛata bui kĩniↄ mɛ́ Manase bui pↄ́ kú bɛ'aɛ oiↄ wɛ̃́lɛↄ blè mɛ̀n kwi gbɛlaa guu. 47Geesↄ̃ buiↄ mɛ́ Isakaa buiↄ ń Asɛɛ buiↄ ń Nɛfatali buiↄ ń Manase bui pↄ́ kú Basana bùsuuↄ wɛ̃́lɛↄ blè daɛdaɛ mɛ̀n kuɛ'aaↄ̃. 48Mɛlali buiↄ mɛ́ Lubɛni buiↄ ń Gada buiↄ ń Zabulↄni buiↄ wɛ̃́lɛↄ blè daɛdaɛ mɛ̀n kwi gbɛlaa guu. 49Ɔ̃ Isaili buipiↄ wɛ̃́lɛpiↄ ń ń dã́dãkɛkĩiↄ kpà Levii buiↄwa. 50Yudaↄ ń Simɛↄ buiↄ ń Bɛ̃yãmɛɛ buiↄ wɛ̃́lɛ pↄ́ wà ń tↄ́ sìpiↄ kpàmá lↄ. 51Kɛata buieↄ mɛ́ Ɛflaiũ buiↄ wɛ̃́lɛↄ blè lↄ. 52Wà Ɛflaiũ bùsu sĩ̀sĩde misiwɛ̃lɛ pↄ́ wì mɛ Sikɛũ kpàmá ń Gɛzɛɛo 53ń Yↄkemaũo ń Bɛtolonio 54ń Ayalonio ń Galimↄo, ampii ń a dã́dãkɛkĩioɛ. 55Manase bui pↄ́ kú bɛ'aɛ oiↄ mɛ́ Anɛɛ ń Bileaũo ń ń dã́dãkɛkĩio kpà Kɛata bui kĩniↄwa. 56Wɛ̃́lɛ pↄ́ Geesↄ̃ buiↄ èn kɛ: Manase bui pↄ́ kú gukpɛ oi wɛ̃́lɛↄ Golana pↄ́ kú Basana bùsuu ń Asaloo ń ń dã́dãkɛkĩio. 57Isakaa bui wɛ̃́lɛↄ Kɛdɛsi, Dabela, 58Lamↄtu ń Anɛũo ń ń dã́dãkɛkĩiↄ. 59Asɛɛ bui wɛ̃́lɛↄ Masala, Abedↄ̃, 60Hukoko ń Leobɛo ń ń dã́dãkɛkĩiↄ. 61Nɛfatali bui wɛ̃́lɛↄ Kɛdɛsi pↄ́ kú Galile, Hamↄ, Kiliataiũ ń ń dã́dãkɛkĩiↄ. 62Levii nɛ́ Mɛlali buiↄ mɛ́ gↄ̃̀. Ɔ̃ aa Zabulↄni bui wɛ̃́lɛɛ beeↄ è: Yↄkenaũ, Kaata, Limↄnↄ ń Tabooo, ampii ń a dã́dãkɛkĩiↄ. 63Aa Lubɛni bui pↄ́ kú Yuudɛ̃ baa bↄaa ń Yelikooↄ wɛ̃́lɛɛ beeↄ è lↄ: Bɛzɛɛ pↄ́ kú guwaiwaiu, Yaza, 64Kedemↄ ń Mɛfaao, ampii ń a dã́dãkɛkĩiↄ. 65Aa Gada bui wɛ̃́lɛɛ beeↄ è lↄ: Lamↄtu pↄ́ kú Galada bùsuu, Maanaiũ, 66Ɛsɛbↄ̃ ń Yazɛɛo, ampii ń a dã́dãkɛkĩiↄ.

will be added

X\