TITO 3

1Tito, haw fag fatohod ya has taw kitay, ta fag fasakop has manga gorangon, ka manga ha kangayanan. Ta fag katanog yadi tonya, fag talaga wa omibolon fagayo fag fiya fag ibolon. 2Ha fag bando has taw kitay, ta fag idwa kampang dwat, nyawa hada fag idwa kampang dwat, nyawa hada fag taw. Ta fag idwag sarogatan, ta fag magop wan, idwa kasayag faagran nyawa kindawan. 3Hyabi hyabi tam bilang odi paong paong, idagdog fagaba. Hyabi tam igtalang odi, intam bali fangayofan masayaon kantam fakatanogon fagaba. Hyabi intam fangayofan sonson wa dwat hanggan kaingli odis taw. Tam kadaddwatan odig lag ha sadi ha sadi. 4Dapat ay, is Diyos intam Famawi no nafalag it kahowayan hantam, hanggan kawa hanya galwasi intam, 5hanya nabawi intam. Bohonwa kitay tam ha naibolon fiya, dapat kawas Diyos maawaon wan. Ka Maliyaw fag Falad ka nafabago intam manga fangayofan, tam nonsagaya ya domwag, kawan tohoyan kitonya sas danom, ka tandaan has fadowa fag kasagayan. 6Kawas Diyos nadisag hantam it Falad sadi wak kayonya gintam Famawi is Kiristo Hisos, 7kaarakitay in Kiristo Hisos malooy fag kahowayan fahaliyaw intam manga fangayofan, hanggan fatohoyan hantam ka haboyagan kadwa ha katabowanan, kantam fagsyagon. 8To fag manga adal sonson wa orongan. Yakanga angko fakasayaon haw fag faaronganon ka mangag syag in Diyos kitay, ta fag katiwala to fag manga bagay kaarakitay igfatohoyan it sadili, malayonan wa has ogali fiya. Tonya fag manga fwayongon kafiyaon, ha fakinabang yadi has manga taw. 9Tam fag idwa kalibang iglabanan no kadidwa ha kahologan hanggan fag fatawas wan ka golit golit manga listahan manga hasokfonan, hanggan kagfabarohagan hanggan iglabanan kawa has Batasan Hodyo baliwa, maskin idwag togbong has fiya. 10No ha taw igfasamanon, igfaagran san Diyos tifonan, tam fag mangabaya balis dowa ginan, ginya fag bayai mandi tonya fag taw. 11Tam twa wa kitay ka kitonya fag taw idwa fiya it fangayofan, hanggan it manga ogali dwat igfalag kitay hanyag falamang. 12Ho somogo in Artimas, ngatay in Tikiko has nyamo hayo. Ta nondasog wan is nyamo, ha nangos pilitan wa hyamo hastay has Nikopolis maskin ahostay wak domogay hanggan wamsagaya abagat. 13No baliday im fagsyaganon, togbongan in Sinas kagtabo hampangan, hanggan in Apolos kaarakitay lomahaw wa madali. Fag fatohoyan kitay hosto ista manga diyaon fagayo. 14Fag fwayong hantam manga ofod kitay, fag mahogod no gibolon kaarakitay lomag ista fangaboyagon hosto, hanggan idwa kabali malahawan malahawan. 15Angko manga ofod fagayo istay gwas hyamo, Tito. Fag fwayong yadi hantam manga fadwasay kamtiwala kitay, mi gwas yadi has taw. Ham nangos fag domog kitay is Diyos mahoway ha hayo fagayo.

will be added

X\