ROMA 6

1Kinday tam kati, ham gayfan? Tam aw fag fadagos has ogali dwat kaarakitay bondi kitonyan Diyos malooy fag kahowayan hantam? 2Yatokitay, kinday tam ka natay has ogali dwat no kaboyag yapdi hanya baliwa? 3Tam fadi wadtwagdog kitay fagayo kantogna, kansadi han Kiristo Hisos, insadi yadi hat kahatayan. 4Tam nontogna, intam fangayofan dan intahin wa han Hisos kahatayan hanggan inlobgob. In-anod wa kitonya kaarakitay, no kinday intam Ama kadonongan nafaboyag ya in Kiristo, tam kitonya yadi kaboyag has bago fag ogali. 5Intam fangayofan dan no orongan intahin han Kiristo kahatayan, matohoyanan yadi kitay tam imtahin yadi hanya, tam imboyag ya yadi has haboyagan bago. 6Tam twa wagdog kitay intam fangayofan dan intahin wan Hisos hanya nonpako wan sas nafatimbangan hayo, kaarakitay intam dwat fag ogali karigonan fag matay yadi wan, hanggan tam fag idwam bali domwag it sogowan, 7kawa ka natay nalfas wan gis karigonan ogali dwat. 8Yabay, tam katiwala kitay intam fangayofan dan nontahin wan Kiristo kahatayan, tam kitonya yadi, tam imtahin hanya has haboyagan, 9hanggan tam twa kitay is Kiristo inboyag ya, fawa matay domwag. Ka kahatayan fawa bomolay domwag hanya. 10Kawa sadi ginan lamang hanya natay kawa has ogali dwat, hanggan kati, in Kiristo haboyagan kawa han Diyos wa malayon. 11Tam fag tohod kitay intam sadili fangayofan fag kitonya yadi, natay has karigonan ogali dwat, dapat boyagan han Diyos, kawa tam insadi han Kiristo Hisos. 12Intam habilogan ka katay fag idwag fasakop has ogali dwat, kaarakitay tam idwa katanog intam bali fangayofan masayaon. 13Tam fag idwag fasakop ngadi sadik layonan gintam manga habilogan has ogali dwat, ka kabali sangkap kadwatan. Yatokitay, tam fag fasakop sadi wak dahonya han Diyos, kitos manga taw natay, ginyan boyag ya. Tam fag fasakop intam habilogan han Diyos, manga sangkap has fiya fag ogali. 14Fag bonwa ka ogali dwat kantam fakatanogon kawa tam idwan sakop has manga Batasan Hodyo kati, dapat tam insakop han Diyos malooy fag kahowayan. 15Kati tam awkin igfadagos ya has ogali dwat, ham gayfan, kawa tam bonwa sakop manga batasan, dapat tam in Diyos malooy fag kahowayan it sakop? Yatokitay, 16tam fadi wadtwa tam nogfasakop, nyawa haday, bilang sogowan, tam kabali wasta sogowan wa orongan. Tam no sogowan karigonan ogali dwat, kamlag kahatayan, dapat tam no sogowan has katanog in Diyos, kamlag is Diyos igfatohoyan kitay tam nangafiyan wa ha hanya. 17Tam igbaya wa dahol dahol in Diyos kitay, nyawa tam danwa sogowan ogali dwat hyabi, dapat kati tam intanog wa ngap, sadi wak dahonya, kantam donggon barita. 18Kawa tam nalfas wa gis karigonan ogali dwat, kati tam inbali yadi manga sogowan kahaslongan. 19Hogfwayong ha hayo ka malpos malpos katwagdog. Hyabi tam nafasakop intam sadili, sadi wak dahonya, bilang sogowan has manga karigonan ogali dwat has ka taw, kalabi wa has kadwatan. Kati tam fag fasakop intam sadili, sadi wak dahonya, kitonya yadi, dapat sogowan has kahaslongan, intohoyan malayonan wa han Diyos ibolon. 20Tam hyabi no sogowan yapdi karigonan ogali dwat, tam idwag fasakop has kahaslongan. 21Dapat ay, tam awkin ha nafakinabang ngay gis dwat fag ogali hyabi, ham gayfan? Idwa akwa. Ka dwat fag ogali hyabi intam odi fakayaon kati. Ka kitonya fag manga ogali kagtaban has kahatayan. 22Dapat kati tam nalfas wa gis karigonan ogali dwat, inbali in Diyos manga sogowan. Ka kati ka santam, fakinabang wan, kawa tam intohoyan han Diyos, sadi wak dahonya, hanggan tonya kagtaban has haboyagan idwa ha katabowanan. 23Maskin ka ogali dwat igbayad it tangdan, kawa kahatayan. Dapat in Diyos disag, kadwa ha bayad, haboyagan kadwa ha katabowanan, kansadi san Kiristo Hisos kagfon intam.

will be added

X\