ROMA 14

1Tam fag tanggap ka malombay yapdi no katiwalan Diyos, bonwa kitay maskin kasaya odig daraogan. 2Tiba taw kantiwala in Diyos iglwang fiya di no kwan, nyawa kana. Dapat, ka malombay yapdi katiwala, it fanganon ofi odi. 3Ka kwan nyawa kana, fag idwag yod ka kwan ofi odi, hanggan ka kwan manga ofi odi, fag idwa gato ka kwan nyawa kana, maskin is Diyos igtanggap yadi hanya. 4Kana tam no gato ista sogowan? Gwadi ista fon lamang ka lomwang ngatay fiya ista ibolon, ngatay idwan. It fon ka fabali hanya maangay, maskin it fon syagan wan. 5Tiba taw igfahalga ka sadik sirang fiya man has iba sirang. Tiba taw iglwang myasa di kitonya ka manga sirang fagayo. Tam fagayo fag fatohoyan intam sadili fangayofan hanya fag manga bagay. 6Kagfabokod sadik sirang, igfabokod maskin iggalang intam Fon. Ka kwan nyawa kana iggalang yadintam Fon maskin igbaya in Diyos it nahwan. Kadwa kwan kitonya, iggalang yadi hantam Fon, igbaya yadi han Diyos it nahwan. 7Tam no boyagan yapdi, intam ogali ha kahologan has iba taw. Tam no matay aban, ha kahologan yadi has iba taw. 8Tam no boyagan yapdi, intam haboyagan ha kahologan hantam Fon. Ginya madi, tam no matay aban, intam kahatayan ha kahologan yadi hantam Fon. Yakanga, nyawa tam boyagan, nyawa tam matay, is Diyos kagfon intam. 9Maskin hyabi is Kiristo natay, ginya madin boyag ya domwag, kaarakitay hanya wa kagfon ka manga natay hanggan ka manga boyagan. 10Yakanga, kana tam no gato yapdintam manga fadwasay? Kana tam nogyod hanya? Tam fagayo aban somagot san Diyos fanokawan fangabayan, 11maskin ka Kasoratan iglwang, Kagfon intam iglwang, aho boyagan fagaba, yakanga fagayo fag manga taw manlingkohodan sangko atobangan aban, Fagayo fag manga bibig taw mamasayagdog in Diyos. 12Yakanga, tam fagayo somagot han Diyos aban kantam manga ogali istay sas baba daga. 13Maskin kitonya, tam fag idwa gato ha sadi ha sadi. Ka fiya man tam nogfatohoyan santam basad fangayofan kitay tam idwag falag intam fadwasay has ogali dwat. 14Kawa ahon sadi san Hisos, intam Fon, ho twa kitay idwa ha fanganon inhalig fagbaybayon. Dapat nyawa faktaw no gayfan sadik fanganon fagbaybayon, ya kawa ha hanya, fagbaybayon ngay. 15Ya tam idwa galwasi intam fadwasay tam no nahwan di ngap it fagbandoon. Is Kiristo natay kaarakitay igbawi hanya, yakanga tam fag idwag faadowan hanya kawa tam ha nahwan. 16Tam no gayfan bonwa fagbaybayon, tam fag matagahan kitay idwam bali gagran has iba taw tam no kwan. 17In Diyos sakop bohonwa kitay ha fagbaybayon fanganon, manga inomon, ngatay idwa ha fagbaybayon, dapat in Diyos sakop kawa ha kahaslongan, kahowayan hanggan kasolongan, sas Maliyaw fag Falad. 18Ka katanog in Kiristo kitonya, in Diyos wa fagbayaon, hanggan manga taw magalang yadi hanya. 19Yakanga tam fag idwag fagomon gogali ka manga bagay ka has kahowayan baliwa hanggan kagfarigon ha sadi ha sadi. 20Tam fag idwag fadwat in Diyos ibolon kawa tam kasamok fanganon. Idwa ha fanganon inhalig fagbaybayon. Ka dwat tam no ha nahwan kagfalag iba taw has ogali dwat. 21Fiya man tam nodwa kwan tagoban, idwa yadi ginom alak, idwa yadi gibolon nyawa kana fag bagay, intam manga fadwasay no somokfon yadi kitonya, nyawa ta gadowan yapdi kitay ngatay dwat ka kitonya. 22Tam lamang hanggan is Diyos ka fiya fag tomwa no kinday intam fangayofan ka has fanganon baliwa. Nyawa faktaw masolong it fangayofan nodwa ha fagtagahon no gibolon ka manga bagay idwa ha fagadowanon sa hanya. 23Dapat ay, nyawa faktaw no gadowan yapdi, dapat kwan wan, is Diyos igfatohoyan hanya has fadosaan maskin no kwan, idwag syag hanya. Nyawa kana fag bagay, tam nodwag syag in Diyos, ya ogali wa dwat.

will be added

X\